ខេត្តកំពង់ឆ្នាំង ៖ យុវជនម្នាក់បានត្រូវជនពុំស្គាល់មុខចាក់១កាំបិត បណ្តាលឱ្យរងរបួសធ្ងន់ និងស្លា.ប់នៅពេលដឹកទៅសង្គ្រោះនៅមន្ទីរពេទ្យបង្អែកខេត្ត ។ ហេតុការណ៍នៃអំពើហិ.ង្សានេះ កើតឡើងកាលពីវេលាម៉ោងប្រមាណ៧និង៣០នាទីយប់ ថ្ងៃទី២៦ ខែមេសា ឆ្នាំ២០២២ កន្លងទៅ នៅចំណុចផ្លូវបែកជា៤ ជិតសាលាបឋមសិក្សាគំរូក្រុង ស្ថិតក្នុងភូមិធម្មយុត្ត សង្កាត់ប្អេរ ក្រុងកំពង់ឆ្នាំង ។
សមត្ថកិច្ចនគរបាលបានឲ្យដឹងថា ជនរងគ្រោះឈ្មោះ ម៉ុល សារឿន អាយុ២០ឆ្នាំ មានទីលំនៅក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ។
សមត្ថកិច្ចបន្តថា នៅមុនពេលកើតហេតុ ជនរងគ្រោះមានគ្នា៤នាក់ ជិះម៉ូតូ២គ្រឿង ខណៈមកដល់ចំណុចខាងលើ បានជួបនឹងជនម្នាក់ជិះម៉ូតូមួយគ្រឿងឌុបមនុស្សស្រីចំនួន២នាក់ ហើយក៏ឌឺដងដាក់គ្នា ព្រោះធ្លាប់មានទំនាស់នឹងគ្នា រហូតដល់ទាស់ពាក្យសម្ដីតឹងសរសៃ.កដាក់គ្នា ។ ពេលនោះជនរងគ្រោះឈ្មោះ ម៉ុល សារឿន បានដោះខ្សែ
ក្រវាត់វា.យជននោះមុន ហើយជននោះក៏យកកាំបិតចាក់វិញ ត្រូវក្រោមក្លៀកខាងឆ្វេង បណ្ដាលឱ្យរងរបួសធ្ងន់ ។
ចំណែកគ្នីគ្នាជនរងគ្រោះចំនួន៣នាក់ទៀត ដែលធ្វើដំណើរជាមួយពេលឃើញមានកាំបិត ដូច្នេះក៏នាំគ្នាគេចចេញ។ លុះពេលជនដៃដល់ចាក់រួចគេចខ្លួនទៅបាត់ ទើបគ្នីគ្នាចូលមកយកជនរងគ្រោះដឹកទៅសង្គ្រោះនៅមន្ទីរពេទ្យបង្អែកខេត្ត ។
ប៉ុន្តែជាអកុសល ដោយសាររបួសធ្ងន់ពេក ជនរងគ្រោះក៏បានស្លា.ប់នៅមន្ទីរពេទ្យ ហើយស.ពត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី ។ ចំណែកសមត្ថកិច្ច កំពុងតាមស្វែងរកជនបង្ក និងបានហៅភាគីខាងជនរងគ្រោះដែលទៅជាមួយគ្នាចំនួន៣នាក់មកសាកសួរ ។
ទោះជាយ៉ាងណា មិនទាន់បានចម្លើយជាក់លាក់នៅឡើយទេ ព្រោះអ្នកទាំង៣នាក់ប្រាប់ថា មិនស្គាល់ជនដៃដល់ឡើយ ៕
ចែករំលែកព័តមាននេះ