បុរសហ្វីលីពីនម្នាក់ស្លា.ប់ ខណៈបញ្ជូនដល់មន្ទីរពេទ្យរ៉ូយ៉ាល់អង្គរ
ខេត្តសៀមរាប ៖ បុរសជនជាតិហ្វីលីពីនម្នាក់អាយុ៥៩ឆ្នាំ ខណៈបានស្លា.ប់នៅពេលបញ្ជូនមកដល់មន្ទីរពេទ្យអន្តរជាតិរ៉ូយ៉ាល់អង្គរសៀមរាប នៅព្រឹកថ្ងៃទី០៩ ខែតុលា …
ខេត្តសៀមរាប ៖ បុរសជនជាតិហ្វីលីពីនម្នាក់អាយុ៥៩ឆ្នាំ ខណៈបានស្លា.ប់នៅពេលបញ្ជូនមកដល់មន្ទីរពេទ្យអន្តរជាតិរ៉ូយ៉ាល់អង្គរសៀមរាប នៅព្រឹកថ្ងៃទី០៩ ខែតុលា …
ខេត្តសៀមរាប ៖ បុរសជនជាតិហ្វីលីពីនម្នាក់អាយុ៥៩ឆ្នាំ ខណៈបានស្លាប់នៅពេលបញ្ជូនមកដល់មន្ទីរពេទ្យអន្តរជាតិរ៉ូយ៉ាល់អង្គរសៀមរាប នៅព្រឹកថ្ងៃទី០៩ ខែតុលា ឆ្នាំ២០១៦ស្ថិតក្នុងភូមិកសិកម្ម សង្កាត់ស្រង៉ែ ក្រុងសៀមរាប បណ្តាលមកពីមានជម្ងឺប្រចាំកាយទឹកនោមផ្អែម ។
លោកវរសនីយ៍ទោ វ៉ាន់ រិទ្ធ នាយការិយាល័យនគរបាលអន្តោប្រវេសន៍ ជាតំណាងលោកវរសេនីយ៍ទោ ជា គឹមសាន ស្នងការរងទទួលផែនអន្តោប្រវេសន៍ នៃស្នងការដ្ឋាននគរបាលខេត្តសៀមរាប បានឱ្យដឹងថា បន្ទាប់ពីមានសេចក្តីរាយការណ៍ថា មានបុរសជនជាតិបរទេសម្នាក់បានស្លាប់នៅក្នុងមន្ទីរពេទ្យអន្តរជាតិរ៉ូយ៉ាល់អង្គរ សៀមរាប លោកសហការជាមួយកម្លាំងការិយាល័យនគរបាលបច្ចេកទេសវិទ្យាសាស្ត្រ និងលោកវេជ្ជបណ្ឌិត អ៊ិត ឆមឆរ័ត្ន ជាវេជ្ជបណ្ឌិតពេទ្យអមតុលាការខេត្តសៀមរាប បាននាំគ្នាចុះពិនិត្យធ្វើកោសល្យវិច្ច័យទៅលើដងខ្លួនសាកសព រួចបានធ្វើការសន្និដ្ឋានថា ជនរងគ្រោះស្លាប់គឺបណ្ដាលមកពីដាច់សសៃឈាមខួរក្បាល និងមានជម្ងឺប្រចាំកាយទឹកនោមផ្អែមមួយថែមទៀតផង ។
លោកវរសនីយ៍ទោ វ៉ាន់ រិទ្ធ បានបញ្ជាក់ថា ជនរងគ្រោះមានឈ្មោះ Manansala Alexander Elim ភេទប្រុស អាយុ៥៩ឆ្នាំ ជនជាតិហ្វីលីពីន មុខរបរបុគ្គលិក Call Center នៅបុរីប្រឹមប្រិយ៍ កាន់លិខិតឆ្លងដែន លេខ 5147454 ស្នាក់នៅផ្ទះជួលភូមិគ្រួស សង្កាត់ស្វាយដង្គុំ ក្រុងសៀមរាប មានប្រពន្ធឈ្មោះ Marie fernando មានមុខរបរជាគ្រួបង្រៀនភាសាអង់គ្លេស កាន់លិខិតឆ្លងដែន លេខ ECO 510836 ។
បើយោងតាមការបំភ្លឺពីប្រពន្ធសពជនរងគ្រោះបានប្រាប់ឱ្យសមត្ថកិច្ចនគរបាលដឹងថា នៅវេលាម៉ោង៧ព្រឹក ថ្ងៃទី៩ ខែតុលា ឆ្នាំ២០១៦ ប្តីរបស់គាត់ដែលមានជម្ងឺប្រចាំកាយជាយូរឆ្នាំមកហើយ ព្រមទាំងមានអាការៈធ្ងន់ធ្ងរទៀត ទើបក្រុមគ្រួសារសម្រេចចិត្តដឹកយកមកព្យាបាលនៅគ្លីនិកឯកជន យីហោ ទេព្យនាគទេព្យ តែត្រូវបានគ្លីនិកនោះ មិនបានទទួលទេ ពីព្រោះសភាពជម្ងឺវាធ្ងន់ធ្ងរពេក ទើបដឹកបនុ្តមកមន្ទីរពេទ្យខេត្ត ហើយត្រូវបានដឹកបន្តមកមន្ទីរពេទ្យអន្តរជាតិរ៉ូយ៉ាល់អង្គរ បន្ទាប់មកបានដាច់ខ្យល់ស្លាប់នៅពេលមកដល់បរិវេណមន្ទីរពេទ្យ ។
បច្ចុប្បន្ន សពជនរងគ្រោះត្រូវបានសមត្ថកិច្ចរក្សាទុកនៅមន្ទីរពេទ្យអន្តរជាតិរ៉ូយ៉ាល់អង្គរសៀមរាបសិន រង់ចាំឯកសារពីស្ថានទូតហ្វីលីពីនជាមុនសិន និងធ្វើការសម្រេចតាមក្រោយ ៕
ចែករំលែកព័តមាននេះ