បញ្ជូនជនសង្ស័យ១២នាក់ ក្នុង៦ករណីផ្សេងគ្នាទៅកាន់សាលាដំបូង
រាជធានីភ្នំពេញ ៖ ជនសង្ស័យ១២នាក់ មានស្ត្រី១ម្នាក់ ក្នុង៦ករណីផ្សេងគ្នា ត្រូវបានសមត្ថកិច្ចនគរបាលខណ្ឌសែនសុខ កសាងសុំណុំរឿងបញ្ជូនទៅកាន់សាលាដំបូងរាជធានីភ្នំពេញ
រាជធានីភ្នំពេញ ៖ ជនសង្ស័យ១២នាក់ មានស្ត្រី១ម្នាក់ ក្នុង៦ករណីផ្សេងគ្នា ត្រូវបានសមត្ថកិច្ចនគរបាលខណ្ឌសែនសុខ កសាងសុំណុំរឿងបញ្ជូនទៅកាន់សាលាដំបូងរាជធានីភ្នំពេញចាត់ការតាមច្បាប់ កាលពីព្រឹកថ្ងៃទី២៧ ខែកញ្ញា ឆ្នាំ២០១៦នេះ។ លោកវរៈសេនីយ៍ឯក ម៉ក់ ហុង អធិការនគរបាលខណ្ឌសែនសុខ បានឲ្យដឹងថា ជនសង្ស័យទាំង១២នាក់ ត្រូវបានកម្លាំងនគរបាលឃាត់ខ្លួនជាបន្តបន្ទាប់ ៦ករណី ក្នុងរយៈពេល២ថ្ងៃ។
ដែលក្នុងនោះ ករណីទី១.ពាក់ព័ន្ធលួចម៉ូតូមាន៣នាក់ ទី២.ប្រើអាវុធខុសច្បាប់(ដាវ)មាន២នាក់ ទី៣.លួចកាបូបលុយមាន៣នាក់ ទី៤.លួចដែកមាន២នាក់ ទី៥.គាស់ផ្ទះលួចទ្រព្យសម្បត្តិមានម្នាក់ជាស្ត្រី និងទី៦.ប៉ុនប៉ងលួចមានម្នាក់។ លោកអធិការបានឲ្យដឹងទៀតថា ដោយមានបទបញ្ជាពីលោកអគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដោយមានការសម្របសម្រួលពីលោក ចែរ សុង ព្រះរាជអាជ្ញរងអមសាលាដំបូងរាជធានីភ្នំពេញ នគរបាលខណ្ឌសែនសុខ បានចុះល្បាត និងស្រាវជ្រាវឃាត់ជនសង្ស័យជាបន្តបន្ទាប់ដើម្បីសុវត្តិភាពក្នុងមូលដ្ឋាន ។
តាមព័ត៌មានពីមន្ត្រីនគរបាលខណ្ឌសែនសុខ បានឲ្យដឹងថា នៅក្នុងខែកញ្ញានេះ សមត្ថកិច្ចនគរបាលខណ្ឌសែនសុខ បានបញ្ជូនជនសង្ស័យ ដែលបង្ក្រាបបានទៅកាន់សាលាដំបូង រាជធានីភ្នំពេញមិនតិចជាង១០០នាក់នោះទេ៕
ចែករំលែកព័តមាននេះ