ក្មេងប្រុសស្រី៣នាក់ឈរលេងលើដំបូកក្បែរទន្លេ ជួបគ្រោះចំថ្ងៃចូលឆ្នាំ
- រតនគិរី
ខេត្តរតនគិរី ៖ ក្មេងប្រុសស្រីសរុបចំនួន៣នាក់ ខណៈកំពុងឈរលេងនៅលើដំបូកក្បែរមាត់ទន្លេភ្លេចខ្លួន ស្រាប់តែ
ខេត្តរតនគិរី ៖ ក្មេងប្រុសស្រីសរុបចំនួន៣នាក់ ខណៈកំពុងឈរលេងនៅលើដំបូកក្បែរមាត់ទន្លេភ្លេចខ្លួន ស្រាប់តែ
ខេត្តរតនគិរី ៖ ក្មេងប្រុសស្រីសរុបចំនួន៣នាក់ ខណៈកំពុងឈរលេងនៅលើដំបូកក្បែរមាត់ទន្លេភ្លេចខ្លួន ស្រាប់តែទឹកជន់ឡើងយ៉ាងគំហុកបាក់ច្រាំង បណ្តាលឱ្យក្មេងៗទាំង៣នាក់ធ្លា.ក់ចូលទៅក្នុងទឹកស្លា.ប់ម្នាក់ត្រូវបានរកឃើញស.ព និងបាត់ខ្លួនម្នាក់ ដោយឡែកម្នាក់ទៀតហែលទឹករួចជីវិត។
ហេតុការណ៍ខាងលើនេះបានកើតឡើងកាលពីវេលាម៉ោង១និង៣០នាទីរសៀលថ្ងៃទី១៥ ខែមេសា ឆ្នាំ ២០២២ ត្រង់ចំណុចក្រោមស្ពានសេសាន ស្ថិតក្នុងភូមិកាជូត ឃុំញ៉ាង ស្រុកអណ្តូងមាស ខេត្តរតនគិរី។
ជនរងគ្រោះទាំង៣នាក់ខាងលើ ក្នុងនោះ១-ឈ្មោះ វណ្ណ សុរ៉ាត ភេទប្រុស អាយុ១៦ឆ្នាំ (បាត់ខ្លួន) ២-ឈ្មោះឌឿន ស្រីល័ក្ខ ភេទស្រី អាយុ១៤ឆ្នាំ (បានស្លា.ប់) និង៣-ឈ្មោះរី សម្ភស្ស ភេទស្រី អាយុ១៨ឆ្នាំ រួចផុតពីគ្រោះថ្នាក់ដល់ជីវិត ។ ជនរងគ្រោះទាំង៣នាក់មានទីលំនៅភូមិក្រូច ឃុំឯកភាព ស្រុកអូរជុំ ខេត្តរតនគិរី។
តាមប្រភពព័ត៌មានបានឱ្យដឹងថា មុនពេលកើតហេតុ ក្មេងប្រុសម្នាក់ និងក្មេងស្រី២នាក់បានចុះទៅលេងក្រោមស្ពានជាមួយគ្នា ហើយក៏បានឡើងឈរលេងនៅលើដំបូកដីខ្សាច់មាត់ទន្លេសេសាន ស្របពេលនោះទឹកទន្លេបានហក់ឡើងហូរច្រោះដីខ្សាច់បាក់ធ្លា.ក់ក្មេងស្រី២នាក់ចូលក្នុងទឹកទន្លេដែលកំពុងហូរ ពេលក្មេងប្រុសឃើញហេតុការណ៍បែបនេះក៏លោ.តទៅជួយ តែអកុសលអត់ចេះហែលក៏ត្រូវទឹកកួចយកទៅបាត់តែម្តង។
តាមប្រភពព័ត៌មានបានបន្តថា ក្នុងចំណោមក្មេងស្រីទាំង២នាក់ មានម្នាក់ចេះហែលទឹកក៏រួចជីវិត តែម្នាក់ទៀតមិនចេះហែលទឹកក៏បានល.ង់ស្លាប់ក្នុងហេតុការណ៍នោះតែម្តង។
តាមប្រភពពីឪពុកម្តាយជនរងគ្រោះបានឱ្យដឹងថា ពួកគាត់បានបោះតង់ធ្វើចំការចម្ងាយប្រហែល១០០ម៉ែត្រពីកន្លែងកើតហេតុ ក្រោយពីដឹងថា កូនៗធ្លាក់ចូលទឹកក៏នាំគ្នាទៅជួយរក ហើយប្រទះឃើញសាកស.ពក្មេងស្រីម្នាក់ ឯក្មេងប្រុសម្នាក់ទៀតបាត់ខ្លួន មិនទាន់រកឃើញនៅឡើយទេ។
ក្រោយពេលកើតហេតុ ស.ពជនរងគ្រោះម្នាក់ដែលរកឃើញ ត្រូវបានសមត្ថកិច្ចប្រគល់ជូនក្រុមគ្រួសារ ដើម្បីធ្វើបុណ្យតាមប្រពៃណី ចំណែកក្មេងប្រុសម្នាក់ដែលបាត់រកមិនទាន់ឃើញ ត្រូវបានសមត្ថកិច្ចបន្តរុករក ៕
ចែករំលែកព័តមាននេះ