សមត្ថកិច្ចចម្រុះឡោមព័ទ្ធ ភោជនីយដ្ឋានពន្លឺនាគទិព្វចាប់ជនជាតិចិន
បន្ទាយមានជ័យ ៖ សមត្ថកិច្ចចម្រុះបានឡោមព័ទ្ធទីតាំងភោជនីយដ្ឋានពន្លឺនាគទិព្វស្ថិតក្នុងភូមិក្បាលស្ពាន១ សង្កាត់ និងក្រុងប៉ោយប៉ែត ល្ងាចថ្ងៃទី២៦ ខែកញ្ញា ឆ្នាំ២០១៦
បន្ទាយមានជ័យ ៖ សមត្ថកិច្ចចម្រុះបានឡោមព័ទ្ធទីតាំងភោជនីយដ្ឋានពន្លឺនាគទិព្វស្ថិតក្នុងភូមិក្បាលស្ពាន១ សង្កាត់ និងក្រុងប៉ោយប៉ែត ល្ងាចថ្ងៃទី២៦ ខែកញ្ញា ឆ្នាំ២០១៦ ដើម្បីចាប់ជនជាតិចិនដែលមកស្នាក់នៅទីនោះ។ ទីតាំងកើតហេតុសមត្ថកិច្ចមិនអនុញ្ញាតិឲ្យអ្នកយកព័ត៌មានចូលយកព័ត៌មានទេ ដោយទ្វារមុខទ្វារក្រោយនៃបរិវេណនោះត្រូវបានគេចាក់សោអស់ហើយ។
ប្រភពថា ការឡោមព័ទ្ធចាប់ជនជាតិចិននេះ ដឹកនាំដោយនគរបាលសន្តិសុខផ្ទៃក្នុងរបស់ក្រសួងមហាផ្ទៃសហការណ៍ជាមួយនគរបាលអាំងទីប៉ូលចិន ហើយថាពេលនេះសមត្ថកិច្ចចម្រុះកំពុងត្រួតពិនិត្យរកជនសង្ស័យតាមដីការបស់នគរបាលចិន។ ប៉ុន្តែមិនដឹងថាពាក់ព័ន្ធទៅនឹងបញ្ហាអ្វីទេ។ មកទល់នឹងម៉ោងជិត៦ល្ងាចថ្ងៃដដែលនេះ សមត្ថកិច្ចចម្រុះកំពុងបន្តការងារនៅកន្លែងកើតហេតុនៅឡើយ។
យ៉ាងណាក៏ដោយចំនួនជនសង្ស័យមិនទាន់ត្រូវបានគេទម្លាយឲ្យដឹងនៅឡើយទេ ពោលសូម្បីតែសមត្ថកិច្ចមូលដ្ឋានដែលរួមសហការណ៍មួយចំនួនបានត្រឹមតែរង់ចាំនៅខាងក្រៅរបងតែប៉ុណ្ណោះ គួរបញ្ជាក់ថាមួយរយៈនេះគេសង្កេតឃើញជនជាតិចិនបានមករស់នៅក្រុងប៉ោយប៉ែតកាន់តែច្រើនឡើងមិនដឹងថាមកប្រកបរបររកស៊ីអ្វីនោះទេ៕
ចែករំលែកព័តមាននេះ