ក្នុងឱកាសបុណ្យចូលឆ្នាំថ្មីប្រពៃណីខ្មែរ ឆ្នាំ២០២២នេះ នៅខេត្តបន្ទាយមានជ័យ មានការលេងសង្ក្រាន្តឆ្នាំថ្មីប្លែក ដោយប្រើប្រាស់រថយន្តបាញ់ទឹក ហើយរាំលេងកម្សាន្តយ៉ាងត្រជាក់ត្រជុំណាស់
ខេត្តបន្ទាយមានជ័យ ៖ ក្នុងឱកាសបុណ្យចូលឆ្នាំថ្មីប្រពៃណីខ្មែរ ឆ្នាំ២០២២នេះ នៅខេត្តបន្ទាយមានជ័យ មានការលេងសង្ក្រាន្តឆ្នាំថ្មីប្លែក ដោយប្រើប្រាស់រថយន្តបាញ់ទឹក ហើយរាំលេងកម្សាន្តយ៉ាងត្រជាក់ត្រជុំណាស់ នៅថ្ងៃទី១២ ខែមេសា ឆ្នាំ២០២២ នៅវិទ្យាល័យភ្នំធំ ស្រុកមង្គលបូរី។
គួររំលឹកថា ៖ នៅពេលព្រឹត្តិការណ៍កូវីដ១៩ បានកើតឡើងនៅកម្ពុជា ត្រូវបានផ្អាកការជួបជុំគ្នានិងបុណ្យប្រពៃណី ព្រមទាំងបុណ្យចូលឆ្នាំថ្មីរយៈពេល២ឆ្នាំ ដោយសារវិបត្តិកូវីដ១៩ ហើយនៅឆ្នាំ២០២២នេះ រាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបើកការជួបជុំ និងលេងកំសាន្តបុណ្យចូលឆ្នាំថ្មីប្រពៃណីខ្មែរឆ្នាំ២០២២។
នៅខេត្តបន្ទាយមានជ័យ ដែលជាខេត្តមួយជាប់ព្រំដែនថៃ គេសង្កេតឃើញនៅតាមសាលារដ្ឋ និងឯកជនមួយចំនួន បានចាប់ផ្តើមលេងកំសាន្តសង្ក្រាន្តឆ្នាំថ្មីឆ្នាំ២០២២នេះ ដែលលេងកំសាន្តមានសាកលវិទ្យាល័យជាតិមានជ័យ, វិទ្យាល័យសម្តេចឪ, សាកលវិទ្យាល័យជាតិគ្រប់គ្រង, វិទ្យាល័យព្រះនេត្រព្រះ និងវិទ្យាល័យភ្នំធំ ដែលឃើញលេងល្បែងប្រជាប្រិយ និងរាំលេងកំសាន្តដូចជា ការបាញ់ទឹក ដោយមានរថយន្តពន្លត់អគ្គិភ័យយ៉ាងត្រជាក់ត្រជុំណាស់ ពិតជាសប្បាយប្លែកៗ។
ដោយឃើញការលេងកំសាន្តសង្ក្រាន្តឆ្នាំថ្មីឆ្នាំ២០២២នេះ កំពុងចាប់លេងកំសាន្តតាមសាលារដ្ឋ និងឯកជន តែនៅតាមវត្តអារាម មិនទាន់លេងនៅឡើយទេ ដែលកំពុងលេងកំសាន្តតាមសាលារៀន ដែលរៀបចំដោយសាលារៀន ដោយមានសិស្សានុសិស្សបានទៅលេងកំសាន្ត មានលេងល្បែងប្រជាប្រិយប្រពៃណីខ្មែរ និងការរាំលេងកំសាន្ត ព្រមទាំងការបាញ់ទឹកពីលើ ដើម្បីអោយរាំលេងត្រជាក់ត្រជុំ និងសប្បាយ ហើយក៏មានសន្តិសុខ និងសណ្តាប់ធ្នាប់ល្អ ព្រមទាំងសារណែនាំដោយប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ត្រូវអនុវត្តន៍អោយបានពាក់ម៉ាស់ការពារកូវីដ១៩ អោយបានគ្រប់ៗគ្នា៕
ចែករំលែកព័តមាននេះ