រាជធានីភ្នំពេញ ៖ សហគ្រិនវ័យក្មេងមួយក្រុមបានបើកហាងកាហ្វេមួយដែលមានឈ្មោះថា Ipad Coffee ដែលជាហាងកាហ្វេទំនើប និងលក្ខណៈខុសប្លែកពីហាងកាហ្វេផ្សេងទៀតនៅក្នុងប្រទេសកម្ពុជា នោះគឺការផ្ដល់
រាជធានីភ្នំពេញ ៖ សហគ្រិនវ័យក្មេងមួយក្រុមបានបើកហាងកាហ្វេមួយដែលមានឈ្មោះថា Ipad Coffee ដែលជាហាងកាហ្វេទំនើប និងលក្ខណៈខុសប្លែកពីហាងកាហ្វេផ្សេងទៀតនៅក្នុងប្រទេសកម្ពុជា នោះគឺការផ្ដល់ Ipad ជូនអតិថិជនប្រើប្រាស់ដោយឥតគិតថ្លៃ រួមជាមួយនឹងល្បឿនអ៊ីនធើរណេតលឿន ។ ហាងកាហ្វេនេះនៅជាប់ស្តុបផ្សារមាន់អាំងក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ ទល់មុខមន្ទីរពេទ្យវិចទ័ររៀ ។
កាលពីថ្ងៃទី២១ ខែកញ្ញា ឆ្នាំ២០១៦ ដែលជាថ្ងៃបើកដំណើរការហាងកាហ្វេរបស់ខ្លួនជាផ្លូវការនោះ លោក តៅ ទ្រី ម្ចាស់ហាងកាហ្វេ Ipad Coffee បានអោយដឹងថា កាលពីលោកនៅរៀនវិទ្យាល័យ លោករំពឹងចង់បានអាជីវកម្មមួយដែលអាចជួយដល់ការសិក្សាបន្ថែមសម្រាប់សិស្ស និស្សិត តែកាលនោះលោកមិនមានលទ្ធភាព ដោយឪពុកម្ដាយរបស់លោកត្រឹមតែជាអ្នកមានជីវភាពធម្មតា មិនមានដើមទុនសម្រាប់លោកក្នុងការបើកអាជីវកម្មនោះទេ ទើបតែពេលនេះលោកក៏បានសម្រេចបំណងដោយមានបងប្អូន និងមិត្តភក្តិជួយជំរុញ ។
លោកបានរៀបរាប់ពីគុណប្រយោជន៍របស់ហាងកាហ្វេ Ipad ទាំងបីថា ហាង Ipad គឺជា Coffee ហាងកាហ្វេទំនើបដំបូងគេបង្អស់ ក្នុងព្រះរាជាណាចក្រកម្ពុជា ដែលបានផ្ដល់ Ipad អោយអតិថិជនលេងដោយឥតថ្លៃ ។ Ipad Coffee បានផ្ដោតទៅលើតម្រូវការរបស់អតិថិជនមួយចំនួដូចជា ការផ្ដល់ Ipad លេងដោយឥតគិតថ្លៃ ដែលសម្រួលការងាយស្រួលដល់ប្អូនសិស្សានុសិស្ស បងប្អូនបម្រើការងារតាមស្ថាប័ននានា ដែលគាត់ត្រូវការឧបករណ៍ ដើម្បីស្វែងរកស្រាវជ្រាវផ្សេងដែលចាំបាច់ ដោយមិនចាំបាច់យក Ipad ឬកុំព្យូទ័រយូរដៃតាមខ្លួនក៏បាន ។ ម្យ៉ាងទៀតនៅក្នុងហាងកាហ្វេ Ipad Coffee ក៏បានផ្គត់ផ្គង់នូវសេវាអ៊ីនធើរណេត ដែលមានល្បឿនលឿនរហូតដល់ទៅ២ប្រព័ន្ធ (Line) សរុបជាង៤០មេហ្កាបៃ ដោយមិនអោយអតិថិជនទាំងអស់មានការព្រួយបារម្ភឡើយងពីសេវាអ៊ីនធើរណេត។ មួយវិញទៀតនៅហាង Ipad Coffee បានកំម្ម៉ង់ទិញម៉ាស៊ីនឆុងកាហ្វេទំនើប និងគ្រាប់កាហ្វេដែលនាំចូលពីប្រទេសអ៊ីតាលី ជាក្រុមហ៊ុនមានប្រវត្តិជាង១០០ឆ្នាំមកហើយ ទៅលើបច្ចេកទេសកាហ្វេទំនើប ។
លោកបញ្ជាក់ថា Ipad Coffee មានគោលដៅខ្ពស់ ដើម្បីបំពេញតម្រូវការអតិថិជន នឹងចង់អោយអតិថិជនទាំងអស់ជួយគាំទ្រទាំងអស់គ្នា ។ Ipad Coffee ក៏មានគម្រោងនឹងគម្រោងនឹងពង្រីកទីតាំងសាខាទួលគោកនេះ ទាំងផ្ទាល់ដីទាំង់ជាលើ និងបន្ទាប់ VIP ។
លោក តៅ ទ្រី បញ្ជាក់បន្ថែមទៀតថា ពេលនេះនៅក្នុងកាហ្វេបានបំពាក់ Ipad ជូនអតិថិជនប្រមាណ៣០គ្រឿងហើយ និងត្រៀមបំពាក់បន្ថែមទៀតនៅពេលបន្ទាប់ ដើម្បីអោយភ្ញៀវដែលចូលមកពិសាកាហ្វេអាចឆែកមើលព័ត៌មាន ឬឯកសារផ្សេងៗពាក់ព័ន្ធនឹងការសិក្សា ឬក៏ការងាររបស់ពួកគាត់ ។ ហាងនេះដែរ ត្រូវចំណាយដើមទុនអស់ប្រមាណ៧ម៉ឺនដុល្លារអាមេរិក ព្រោះមានការរចនា និងរៀបចំអោយភ្ញៀវចូលមកមានផាសុកភាព និងទាក់ទាញ ។
គួរបញ្ជាក់ថា វាជាហាងកាហ្វេដំបូងនៅក្នុងប្រទេសកម្ពុជា ដោយបានបំពាក់នូវឧបករណ៍អេឡិចត្រូនិកសម្រាប់ភ្ញៀវចូលប្រើប្រាស់ដោយឥតគិតថ្លៃ ។ កន្លងមកមានតែកន្លែងអ៊ីនធើរណេត ដែលត្រូវគិតថ្លៃចំពោះភ្ញៀវដែលចូលមកប្រើប្រាប់ក្នុងរយៈពេលណាមួយ តែពេលនេះភ្ញៀវគ្រាន់តែទិញកាហ្វេមួយកែវ អាចប្រើប្រាស់ Ipad សម្រាប់ឆែកមើលព័ត៌មាន ឯកសារ ឬក៏ទំនាក់ទំនងទៅកាន់មិត្តភក្តិបងប្អូននៅក្រៅប្រទេសតាមរយៈបណ្ដាញសង្គមនានាផងដែរ ៕
ចែករំលែកព័តមាននេះ