សមមុខ ! ខ្លួននៅក្មេងល្ហក់ បែរជាដើរធ្វើបែបនេះ
រាជធានីភ្នំពេញ ៖ នារីវ័យក្មេងម្នាក់ត្រូវបានប្រជាពលរដ្ឋចាប់ខ្លួនប្រគល់ឲ្យសមត្ថកិច្ចបន្ទាប់ពីបានធ្វើសកម្មភាពឆក់ខ្សែ.កបានសម្រេចប៉ុន្តែរត់មិនរួច …
រាជធានីភ្នំពេញ ៖ នារីវ័យក្មេងម្នាក់ត្រូវបានប្រជាពលរដ្ឋចាប់ខ្លួនប្រគល់ឲ្យសមត្ថកិច្ចបន្ទាប់ពីបានធ្វើសកម្មភាពឆក់ខ្សែ.កបានសម្រេចប៉ុន្តែរត់មិនរួច ។ ករណីនេះបង្កឲ្យមានការភ្ញាក់ផ្អើលកាលពីវេលាម៉ោង៩ និង៣០នាទីយប់ ថ្ងៃទី២៤ ខែកញ្ញា ឆ្នាំ២០១៦ នៅចំណុចកន្លែងប្រគំតន្ត្រីភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។
សមត្ថកិច្ចបានឱ្យដឹងថា នារីសង្ស័យឈ្មោះ សុខ ម៉ាប់ ហៅ លក្ខ អាយុ២០ឆ្នាំ ស្នាក់នៅភូមិសែនសុខ៥ សង្កាត់ឃ្មួញ ខណ្ឌសែនសុខ មានស្រុកកំណើតនៅស្រុកមេសាង ខេត្តព្រៃវែង ។ ដើមបណ្តឹងឈ្មោះ ជុំ ណាក់ ភេទស្រីអាយុ៣២ឆ្នាំ មុខរបរកម្មការិនីរោងចក្រ ស្នាក់នៅភូមិកើតហេតុខាងលើ មានស្រុកកំណើតនៅភូមិត្រើយទន្លាប់ ឃុំព្រះបាទជាន់ជុំ ស្រុកគីរីវង្ស ខេត្តតាកែវ ។
បើតាមសំដីស្ត្រីដើមបណ្តឹងបានប្រាប់សមត្ថកិច្ចថា មុនពេលកើតហេតុគាត់និងប្តីបាននាំកូនស្រីឈ្មោះ ទួន ស្រីនុត អាយុ៧ឆ្នាំ ទៅមើលការប្រគំតន្ត្រីនៅជិតផ្ទះជួលរបស់ខ្លួន ខណៈដែលគាត់កំពុងតែមើលការប្រគំតន្ត្រីនោះស្រាប់តែមានជនសង្ស័យខាងលើឆ្លៀតឱកាសឆក់ខ្សែ.កកូនស្រីគាត់បានសម្រេច ប៉ុន្តែរត់មិនរួចត្រូវប្តីគាត់ក្របួចជាប់ រួចក៏នាំប្រគល់ឲ្យសមត្ថកិច្ចយកមកធ្វើការសាកសួរ ។
សមត្ថកិច្ចបានប្រាប់ថា ករណីខាងលើនេះដើមបណ្តឹងបានសុំឲ្យសមត្ថកិច្ចគ្រាន់តែធ្វើការអប់រំទៅលើស្ត្រីខាងលើប៉ុណ្ណោះ ថ្ងៃក្រោយកុំឲ្យធ្វើអំពើបែបនេះទៀត ៕
ចែករំលែកព័តមាននេះ