រាជធានីភ្នំពេញ ៖ អតីតសិស្សសាលាមធ្យមសិក្សាកំរិត១ កោះសូទិន ឆ្នាំសិក្សា១៩៨៦ ១៩៩០ បានជួបជុំគ្នារៀបចំពីធីសំណេះសំណាលជាការគោរព នឹករលឹក ដឹងគុណយ៉ាងជ្រាលជ្រៅបំផុត ដល់លោកគ្រូ អ្នកគ្រូ ចូលនិវត្តន៍ដែលបានបង្ហាត់បង្រៀនព្រមទាំងជាការផ្សារភ្ជាប់ទំនាក់ទំនងរវាងមិត្តភក្កិរួមជំនាន់ ,ថ្នាក់ និងរួមស្រុកកំណើត ដែលបានបែកគ្នា អស់រយះពេលឆ្នាំកន្លងមក ។
ពិធីនេះ បានរៀបចំឡើងកាលពីព្រឹកថ្ងៃទី០៦ ខែមេសាឆ្នាំ ២០២២នៅក្នុងវិទ្យាល័យកោះសូទិន (ដែលជាអតីតសាលាមធ្យមសិក្សាកំរិត១ កោះសូទិន) ស្ថិតនៅភូមិ ទី១០ (កណ្តាលកោះ)ឃុំកោះសូទិនស្រុកកោះសូទិន ខេត្តកំពង់ចាម ដោយមានការចូលរួមពីលោកគ្រូអ្នកគ្រូ និងអតីតសិស្ស ប្រមាណ២០០នាក់។
នេះជាលើកទី២ ដែលអតីតសិស្ស និងលោកគ្រូអ្នកគ្រូបានជាជួបជុំគ្នា បន្ទាប់ពីបានពន្យាពេលរយៈពេល២ឆ្នាំ
ខណៈពេលកូវីដ១៩បានផ្ទុះឡើង ។ នៅក្នុងការនោះ ដែល ក៏មានការអញ្ជើញចូលរួម ជាភ្ញៀវកិត្តិយសពីសំណាក់លោក ឌីម ឈុនឡេង ទីប្រឹក្សាក្រសួងមហាផ្ទៃជាអនុប្រធានក្រុមការងារថ្នាក់ជាតិចុះជួយមូលដ្ឋាន ស្រុកកោះសូទិន និងលោកឧត្តមសេនីយ៍ សោ សាវឿន មេបញ្ជាការកងរាជអាវុធហត្ថខេត្តកំពង់ចាមផងដែរ។
លោកឧត្តមសេនីយ៍ត្រី មាស យ៉ត ជានាយអាវុធហត្ថ និងតំណាងអតីតសិស្ក៏បានសំដែងនូវទឹក រំភើបក្រៃលែង ដែលមិត្តភក្កិរួមជំនាន់ទាំងអស់បានមកជួបជុំគ្នាថ្ងៃនេះ ហើយក៏ជាការគោរពដឹងគុណដល់លោកគ្រូអ្នកគ្រូដែលបានបង្ហាត់បង្រៀនយើងខ្ញុំទាំងអស់គ្នា នៅថ្នាក់មធ្យមសិក្សាកំរិត១ដែលជាស្ពានដើម្បីទៅបន្តសិក្សានៅថ្នាក់បន្តបន្ទាប់ទៀត ។ ការជួបជុំគ្នា ថ្ងៃនេះគឺជាការផ្សារភ្ជាប់ទំនាក់ទំនងមិត្តភក្កិ រួមសាលានិងរួមស្រុកកំណើតជាមួយគ្នាជាថ្មីម្តងទៀត បន្ទាប់ពីបានខាកខាងរយះពេល២ឆ្នាំកន្លង ។
លោកសោម សេរី អតីតនាយកសាលាមធ្យមសិក្សាកំរិត១កោះសូទិន ចូលនិវត្តន៍ បានសំដែងនូវទឹកចិត្តរំភើបក្រៃលែង នូវវត្តមានកូនៗ ដែលជាអតីត សិស្សរួមជំនាន់ ក្តី រួមថ្នាក់ក្តី ដែល បានជួបជុំគ្នា រំលឹកគុណគ្រូពីអតីតកាលនៅពេល ។ នេះជាការល្អប្រពៃណាស់ ដែលកុលបុត្រខ្មែរ គោរពដឹងគុណលោកគ្រូ អ្នកគ្រូ ដែលជាម្តាយទី២ ដែលបានបង្ហាត់បង្រៀននិងអប់រំកន្លងមក។
លោកសោម សេរី បានរំលឹកពីប្រវត្តិសាលាមធ្យមកំរិត ១ កោះសូទិនកាលនោះ ទើបតែបង្កើតថ្មីហើយ យើងទាំងអស់គ្នា ដឹងគុណជានិច្ច ចំពោះការខិតខំប្រឹងប្រែង របស់អតីតគណៈកម្មាការសាលា និងលោកមេឃុំកោះសូទិន ជាពិសេស សម្តេចវិបុលសេនាភក្តីសាយ ឈុំ ដែលបានផ្តល់ជាអំណោយ ក្នុងការកសាងសាលានេះឡើង។ បន្ទាប់ពីសាលាបានបង្កើតឡើងកូនសិស្ស បានកាប់គាស់រានព្រៃប្ញស្សី និងដាំកូនឈើលុះក្រោយមកបាន
ក្លាយជាវិទ្យាល័យ កោះសូទិន ដែលពោរពេញទៅដោយសោភណ្ឌភាព និងម្លប់ឈើត្រឈឹងត្រឈៃ សម្រាប់ជាថ្នាល់បណ្តុះបណ្តាលដល់សិស្សានុសិស្សជំនាន់ក្រោយៗ។
ក្នុងឱកាសនោះ អតីតសិស្សក៏បានឧបត្ថម្ភនូវថវិកាដល់លោកគ្រូអ្នកគ្រូចូលនិវត្តន៍ចំនួន១៣នាក់ព្រមទាំងផ្តល់សម្ភារះជាអនុស្សាវរីយ៍ផងដែរ។ចំណែកលោក ឌីម ឈុនឡេងក៍នជួយឧបត្ថម្ភដល់ កម្មវិធី ,វិទ្យាល័យកោះសូទិន , សាលាឃុំ , កងកម្លាំងប្រដាប់អាវុធ ព្រមទាំងពិសាបាយសាមគ្តីនិងរាំសប្បាយក្នុងភាពស្និទស្នាលជាទីបំផុត ៕
ចែករំលែកព័តមាននេះ