សម្លេងមនុស្សនាំគ្នាហ៊ោកញ្ច្រៀវចេញពីក្រុមអ្នកលេងល្បែ.ងបញ្ជល់មាន់ នៅក្នុងចម្ការចេកមួយកន្លែង ត្រូវបានកម្លាំងសមត្ថកិច្ចឡោមព័ទ្ធ ប៉ុន្តែគ្រាន់តែដឹងភ្លាម ពួកគេនាំគ្នារត់គេចខ្លួនប្រសាច
ខេត្តកំពង់ចាម ៖ សម្លេងមនុស្សនាំគ្នាហ៊ោកញ្ច្រៀវចេញពីក្រុមអ្នកលេងល្បែ.ងបញ្ជល់មាន់ នៅក្នុងចម្ការចេកមួយកន្លែង ត្រូវបានកម្លាំងសមត្ថកិច្ចឡោមព័ទ្ធ ប៉ុន្តែគ្រាន់តែដឹងភ្លាម ពួកគេនាំគ្នារត់គេចខ្លួនប្រសាច ។ ប្រតិបត្តិការនេះ បានធ្វើឡើងនៅវេលាម៉ោង១និង៣០នាទីរសៀល ថ្ងៃទី៣១ ខែមីនា ឆ្នាំ២០២២ នៅឃុំថ្មពូន ស្រុកព្រៃឈរ ។ ជាមួយនោះ អ្នកញៀ.នល្បែ.ងចំនួន៩នាក់ ត្រូវបានចាប់ខ្លួនបញ្ជូនមកកាន់ស្នងការដ្ឋាននគរបាលខេត្ត ដើម្បីសួរនាំ និងស្រាវជ្រាវបន្ត ។
សមត្ថកិច្ចមូលដ្ឋានប្រាប់ឲ្យដឹងថា ប្រជាពលរដ្ឋបានរាយការណ៍មកកាន់លោកឧត្តមសេនីយ៍ទោ ឯម កុសល ស្នងការនគរបាលខេត្តថា នៅចំណុចឃុំថ្មពូន មានគេបើកលេងល្បែ.ងបញ្ជល់មាន់ជាច្រើនថ្ងៃមកហើយ និងមានមនុស្សជិះម៉ូតូពពាក់ពពូនមកលេងដោយខុសច្បាប់ ។ ក្រោយពីទទួលបានដំណឹងនេះភ្លាម ក៏បានចាត់តាំងកម្លាំងជំនាញរបស់ផែនការងារនគរបាលព្រហ្មទណ្ឌខេត្ត សហការជាមួយកម្លាំងជំនាញរបស់អធិការដ្ឋាននគរបាលស្រុកព្រៃឈរ និងអាជ្ញាធរមូលដ្ឋានបើកកិច្ចប្រតិបត្តិការក្រោមការដឹកនាំសម្របសម្រួលផ្ទាល់ពីលោក សុធា ពិសិដ្ឋ ព្រះរាជអាជ្ញារងនៃអយ្យការអមសាលាដំបូងខេត្ត ។
សមត្ថកិច្ចមូលដ្ឋានប្រាប់ឲ្យដឹងទៀតថា កម្លាំងដែលចុះទៅបង្ក្រាបនោះ គឺមិនឲ្យក្រុមអ្នកលេងល្បែ.ងដឹងខ្លួននោះទេ តែពេលដែលទៅជិតដល់ គឺមានក្រុមអ្នកមើលផ្លូវបានប្រាប់ដល់អ្នកលេងក្នុងចម្ការចេកឱ្យដឹងខ្លួន និងរត់ចូលក្នុងព្រៃគេចខ្លួនចោលម៉ូតូនៅក្បែរសង្វៀនបញ្ជល់មាន់ នៅចំណុចព្រៃចម្ការចេក ស្ថិតនៅភូមិអូរតាថុក ឃុំថ្មពូន ស្រុកព្រៃឈរ ខេត្តកំពង់ចាម ។ ទោះជាបែបនេះក៏ដោយ ក៏កម្លាំងសមត្ថកិច្ចក្រសោបបានអ្នកលេងល្បែ.ងចំនួន៩នាក់ផងដែរ ក្នុងនោះរួមមាន ៖
១-ឈ្មោះ សុខ ជា ភេទប្រុស អាយុ៥២ឆ្នាំ នៅភូមិលិចវត្ត ឃុំថ្មពូន ស្រុកព្រៃឈរ ខេត្តកំពង់ចាម ។
២-ឈ្មោះ នូ ឈាង ភេទប្រុស អាយុ៣៧ឆ្នាំ នៅភូមិអណ្ដូងក្រឡឹង ឃុំថ្មពូន ស្រុកព្រៃឈរ ខេត្តកំពង់ចាម ។
៣-ឈ្មោះ កឹម ចេក ភេទប្រុស អាយុ៤៨ឆ្នាំ នៅភូមិដាកស្នាយ ឃុំពាមជីកង ស្រុកកងមាស ខេត្តកំពង់ចាម ។
៤-ឈ្មោះ លី ចំរេីន ភេទប្រុស អាយុ២៥ឆ្នាំ នៅភូមិអូរតាថុក ឃុំថ្មពូន ស្រុកព្រៃឈរ ខេត្តកំពង់ចាម ។
៥-ឈ្មោះ ហ៊ីម វី ភេទប្រុស អាយុ២៦ឆ្នាំ នៅភូមិត្រពាំងបឹង ឃុំថ្មពូន ស្រុកព្រៃឈរ ខេត្តកំពង់ចាម ។
៦-ឈ្មោះ គួយ សំអាង ភេទប្រុស អាយុ៤៥ឆ្នាំ នៅភូមិសំព័រ ឃុំតាអុង ស្រុកចម្ការលើ ខេត្តកំពង់ចាម ។
៧-ឈ្មោះ ថៃ សុខគា ភេទប្រុស អាយុ៣៧ឆ្នាំ នៅភូមិអូរតាថុក ឃុំថ្មពូន ស្រុកព្រៃឈរ ខេត្តកំពង់ចាម ។
៨-ឈ្មោះ សាំង ហេង ភេទប្រុស អាយុ៥៣ឆ្នាំ នៅភូមិអូរតាថុក ឃុំថ្មពូន ស្រុកព្រៃឈរ ខេត្តកំពង់ចាម ។
៩-ឈ្មោះ ចេវ ចាន់ ភេទប្រុស អាយុ៣៩ឆ្នាំ នៅភូមិត្រាំង ឃុំថ្មពូន ស្រុកព្រៃឈរ ខេត្តកំពង់ចាម ។
ក្រោយពីឃាត់ខ្លួនមនុស្ស ក៏បានហូតវត្ថុតាងរួមមាន៖ ប្រាក់៦៥០.០០០រៀល (ហុកសិបប្រាំម៉ឺនរៀល) ទូរស័ព្ទដៃចំនួន៧គ្រឿង ម៉ូតូចំនួន២៩គ្រឿង មាន់ជល់ងា.ប់ចំនួន២ក្បាល កន្ត្រកមាន់ចំនួន៣ និងជញ្ជីងថ្លឹងមាន់ចំនួន១ ។
សមត្ថកិច្ចមូលដ្ឋានបានបញ្ជាក់ថា បច្ចុប្បន្ន ជនសង្ស័យរួមនឹងវត្ថុតាងខាងលើ ត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាម ដើម្បីកសាងសំណុំរឿងតាមនីតិវិធី តាមបញ្ជារបស់លោក សុធា ពិសិដ្ឋ ព្រះរាជអាជ្ញារងនៃអយ្យការអមសាលាដំបូងខេត្ត ៕
ចែករំលែកព័តមាននេះ