សង្គ្រាមនៅអ៊ុយក្រែន ៖ ប្រធានាធិបតីអាមេរិកលោកចូ បៃដិន ក្នុងសុន្ទរកថាដ៏វែងមួយកាលពីថ្ងៃទី២៦ ខែមីនា ឆ្នាំ២០២២ នៅក្រុងវ៉ាសូវីប៉ូឡូញ បានវា.យប្រហា.រប្រើពាក្យខ្លាំងៗ ប្រឆាំងប្រធានាធិបតីរុស្សុីលោកវ្ល៉ាឌីមៀរ ពូទីន និងវា.យតម្លៃថា ជម្លោះនៅអ៊ុយក្រែនជាបរាជ័យមួយរូចទៅហើយសម្រាប់លោកពូទីននិងរុស្សុី ។
ក្នុងសុន្ទរកថានេះ លោកបៃដិន បានគំរា.មដោយផ្ទាល់ចំពោះលោកពូទីនដែលលោកចាត់ទុកថាជាជនផ្ដាច់ការ ។ លោកថា រុស្សុីកុំស្រម័យដណ្ដើមយកដែនដីអូតង់មួយសង្ទីរម៉ែត្រការ៉េ ណាឡើយ ។ លោករំឭកថា កងទ័ពអាមេរិកមានវត្តមានដើម្បីការពារបណ្ដាសម្ព័ន្ធមិត្ត ។
លោកបៃដិន រហូតដល់អះអាងថា លោកពូទីន នឹងមិនត្រូវនៅកាន់អំណាចទៀតទេ ក្រោយការវាយលុកលើអ៊ុយក្រែន ដែលនោះជាសម្ដីធ្ងន់បំផុតចំពោះលោកពូទីន ។ ប៉ុន្តែប៉ុន្មាននាទីក្រោយមក សេតវិមានបាននិយាយសម្រាលពាក្យពេចន៍នោះដោយថា លោកបៃដិន មិនបានអំពាវនាវឲ្យមានការផ្លាស់ប្ដូររបបនៅរុស្សុីឡើយ ។
ទោះបីយ៉ាងណា ក្នុងសុន្ទរថានេះលោកបៃដិនយល់ថា ជម្លោះនឹងមិនបញ្ចប់ដោយឆាប់រហ័សឡើយ ។ ការប្រយុទ្ធរវាងលទ្ធិប្រជាធិបតេយ្យ និងលទ្ធិផ្ដាច់ការនឹងមិនអាចឈ្នះក្នុងពេលប៉ុន្មានថ្ងៃ ឬប៉ុន្មានខែនោះទេ ។ យើងត្រូវបំពាក់អាវុធសម្រាប់ការប្រយុទ្ធដ៏វែងនៅពីមុខយើង ។ លោកថ្លែងបែបនេះមុនពេលធានាចំពោះអ៊ុយក្រែនថា យើងនឹងនៅខាងអ្នក ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ