ឆក់កាបូបបានសម្រេច តែអ្នកបើកម៉ូតូជាប់ដៃសមត្ថកិច្ច
ខេត្តកំពង់ឆ្នាំង ៖ ជនសង្ស័យម្នាក់ក្នុងចំណោម២នាក់ ត្រូវបានសមត្ថកិច្ចនគរបាលដេញចាប់ឃាត់ខ្លួនបាននៅវេលាម៉ោង០៨និង៣០នាទីយប់ ថ្ងៃទី០៣ ខែកញ្ញា ឆ្នាំ២០១៦
ខេត្តកំពង់ឆ្នាំង ៖ ជនសង្ស័យម្នាក់ក្នុងចំណោម២នាក់ ត្រូវបានសមត្ថកិច្ចនគរបាលដេញចាប់ឃាត់ខ្លួនបាននៅវេលាម៉ោង០៨និង៣០នាទីយប់ ថ្ងៃទី០៣ ខែកញ្ញា ឆ្នាំ២០១៦
ខេត្តកំពង់ឆ្នាំង ៖ ជនសង្ស័យម្នាក់ក្នុងចំណោម២នាក់ ត្រូវបានសមត្ថកិច្ចនគរបាលដេញចាប់ឃាត់ខ្លួនបាននៅវេលាម៉ោង០៨និង៣០នាទីយប់ ថ្ងៃទី០៣ ខែកញ្ញា ឆ្នាំ២០១៦ បន្ទាប់ពីក្រុមជនសង្ស័យទាំងនោះបានធ្វើសកម្មភាព ជិះម៉ូតូឆក់កាបូបប្រាក់ពីស្រី្តម្នាក់ដែលកំពុងជិះម៉ូតូដូចគ្នា នៅចំណុចផ្លូវស្ងាត់ក្បែររបងមន្ទីរហិរញ្ញវត្ថុ ស្ថិតក្នុងភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង។
លោក ម៉ា យន្ត នាយនគរបាលព្រហ្មទណ្ឌក្រុងកំពង់ឆ្នាំងបានឲ្យដឹងថា ជនសង្ស័យដែលបានចាប់ខ្លួន ពាក់ព័ន្ធអំពើឆក់កាបូបប្រាក់នោះមានឈ្មោះ អ៊ុល ឌីណា ហៅ អ៊ូក អាយុ២២ឆ្នាំ មានទីលំនៅភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង។ មុនពេលកើតហេតុ មានស្ត្រីរងគ្រោះម្នាក់ឈ្មោះ ដាវ សុខុម អាយុ២៥ឆ្នាំ បានជិះម៉ូតូជាមួយប្អូនស្រីម្នាក់ទៀត ត្រឡប់ពីសួននាងកង្រីវិញ។
ពេលជិះមកដល់ចំណុចកើតហេតុ ស្រាប់តែលេចមុខជនសង្ស័យ និងបក្ខពួកម្នាក់ទៀតបានជិះម៉ូតូមកតាមពីក្រោយ ហើយបានធ្វើសកម្មភាពឆក់កាបូបដៃពីស្ត្រីរងគ្រោះ រួចជិះគេចខ្លួនបាត់។ ភ្លាមនោះនារីរងគ្រោះបានស្រែកចោរៗ ក៏ផ្អើលដល់សមត្ថកិច្ចហើយបានដេញចាប់បានជនសង្ស័យម្នាក់ឈ្មោះ អ៊ុល ឌីណា ហៅអ៊ូក ចំណែកបក្ខពួកម្នាក់ទៀតបានរត់គេចខ្លួនបាត់។
នៅចំពោះមុខសមត្ថកិច្ច ជនសង្ស័យឈ្មោះ អ៊ុល ឌីណា បានសារភាពថា បក្ខពួកខ្លួនម្នាក់ទៀតពិតជាបានធ្វើសកម្មភាពឆក់កាបូបគេមែន ដោយមុនពេលកើតហេតុ បក្ខពួកខ្លួនដែលជាម្ចាស់ម៉ូតូបានឲ្យរូបគេជាអ្នកបើកម៉ូតូថាដើរលេង លុះមកដល់ចំណុចកើតហេតុ ស្រាប់តែបក្ខពួកខ្លួនឆក់កាបូបគេហើយឲ្យខ្លួនបើកម៉ូតូរត់តែម្តង។ ប៉ុន្តែត្រូវបានសមត្ថកិច្ចស្ទាក់ចាប់បាន ចំណែកបក្ខពួកខ្លួនបានហក់គេចខ្លួនបាត់ជាមួយកាបូបដែលឆក់បាន។
លោកនាយនគរបាលបានបន្តថា តាមការប្តឹងរបស់ស្ត្រីជាម្ចាស់កាបូបប្រាក់ប្រាប់ថា ក្នុងកាបូបមានប្រាក់តែជាង១០ម៉ឺនរៀលប៉ុណ្ណោះ ហើយបើទោះជាបែបនេះក្តី សមត្ថកិច្ចបានកសាងសំណុំរឿងបញ្ជូនជនសង្ស័យ ជាមួយវត្ថុតាង មានម៉ូតូម៉ាកសង់កូរ៉េមួយគ្រឿងបញ្ជូនទៅស្នងការដា្ឋនខេត្ត ដើម្បីបំពេញសំណុំរឿងបន្ថែមបញ្ជូនទៅតុលាការតាមផ្លូវច្បាប់៕
ចែករំលែកព័តមាននេះ