យុវជន២នាក់បាននាំគ្នាទៅចាប់ខ្លួនយុវតីអាយុ១៦ឆ្នាំម្នាក់រំលោ.ភបានសម្រេចនៅក្នុងចំការដំឡូងជាង១ឆ្នាំមកហើយ ហើយក៏ត្រូវបានឪពុកម្តាយនាង
ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា យុវជន២នាក់បាននាំគ្នាទៅចាប់ខ្លួនយុវតីអាយុ១៦ឆ្នាំម្នាក់រំលោ.ភបានសម្រេចនៅក្នុងចំការដំឡូងជាង១ឆ្នាំមកហើយ ហើយក៏ត្រូវបានឪពុកម្តាយនាងមកប្តឹងសមត្ថកិច្ចឱ្យឃាត់ខ្លួនកាលពីរសៀលថ្ងៃទី១៩ ខែមីនា ឆ្នាំ២០២២នេះ ស្ថិតក្នុងភូមិត្រពាំងក្រសាំង ឃុំស្រែណូយ ស្រុកវ៉ារិន រួចបញ្ជូនទៅកាន់ការិយាល័យជំនាញ ដើម្បីរៀបចំកសាងសំណុំរឿងបញ្ជូនខ្លួនបន្តទៅកាន់តុលាការខេត្ត ចាត់ការតាមនីតិវិធីច្បាប់។
បើតាមប្រភពពីសមត្ថកិច្ចមូលដ្ឋានបានឱ្យដឹងនៅរសៀលថ្ងៃទី២០ ខែមីនា ឆ្នាំ២០២២ នេះថា កម្លាំងនគរបាលប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តសៀមរាប និងកម្លាំងប៉ុស្តិ៍នគរបាលរដ្ឋបាលស្រែណូយ បានធ្វើការឃាត់ខ្លួនជនសង្ស័យចំនួន០២នាក់ទៅតាមពាក្យបណ្ដឹងរបស់គ្រួសារជនរងគ្រោះ។
ប្រភពដដែលបានបញ្ជាក់ថា ជនសង្ស័យទាំងពីរនាក់ខាងលើ រួមមាន៖ ០១- ឈ្មោះ ផើង ស៊ីផូ ភេទប្រុស អាយុ១៦ឆ្នាំ មានទីលំនៅភូមិត្រពាំងក្រសាំង ឃុំស្រែណូយ ស្រុកវ៉ារិន និង០២-ឈ្មោះ បាន ប៊ូន ហៅហួង ភេទប្រុស អាយុ១៧ឆ្នាំ មានទីលំនៅភូមិត្រពាំងក្រសាំង ឃុំស្រែ ណូយ ស្រុកវ៉ារិន ខេត្តសៀមរាប។
សមត្ថកិច្ចមូលដ្ឋានបានបន្តថា តាមបញ្ជារបស់លោកព្រះរាជអាជ្ញាអមសាលាដំបូងខេត្ត ចោទពីបទរំលោ.ភសេពសន្ថវៈកើតឡើងកាលពីថ្ងៃទី១៧ ខែមីនា ឆ្នាំ២០២២ វេលាម៉ោង២១និង៣០នាទីយប់ ស្ថិតនៅចំណុចចំការដំឡូងមី (សំបុក ចាប) ក្នុងភូមិត្រពាំងក្រសាំង ឃុំស្រែណូយ ស្រុកវ៉ារិន ខេត្តសៀមរាប ទៅលើជនរងគ្រោះអាយុ១៦ឆ្នាំ មានទីលំនៅសង្កាត់គោកចក ក្រុងខេត្តសៀមរាប ។
សមត្ថកិច្ចបញ្ជាក់ទៀតថា ករណីរំលោ.ភលើក្មេងស្រីនៅចំការដំឡូងនេះ បានកើតឡើងជាងមួយឆ្នាំមកហើយ ទើបគ្រួសារជនរងគ្រោះមកប្ដឹងសមត្ថកិច្ច។ ហើយបច្ចុប្បន្នជនសង្ស័យទាំង២នាក់ ត្រូវបានប្រគល់ឱ្យកម្លាំងការិយាល័យជំនាញ កសាងសំណុំរឿងបញ្ជូនទៅតុលាការ ដើម្បីបន្តនីតិវិធីទៅតាមផ្លូវច្បាប់៕
ចែករំលែកព័តមាននេះ