ឱសថ11ប្រភេទព្យាបាលអាការចាញ់កូន
ស្ត្រីមួយចំនួនឆ្លងកាត់ការមានផ្ទៃពោះជាមួយនឹងភាពងាយស្រួល ខណៈអ្នកផ្សេងទៀតមិនមានសំណាងដូចនេះទេ គឺតែងកើតមានអាការចាញ់កូនក្អួតចង្អោរមិនធម្មតា ដែលតាមប៉ាន់ប្រមាណមានចំនួនជាង៦៥ភាគរយ
ស្ត្រីមួយចំនួនឆ្លងកាត់ការមានផ្ទៃពោះជាមួយនឹងភាពងាយស្រួល ខណៈអ្នកផ្សេងទៀតមិនមានសំណាងដូចនេះទេ គឺតែងកើតមានអាការចាញ់កូនក្អួតចង្អោរមិនធម្មតា ដែលតាមប៉ាន់ប្រមាណមានចំនួនជាង៦៥ភាគរយ
ស្ត្រីមួយចំនួនឆ្លងកាត់ការមានផ្ទៃពោះជាមួយនឹងភាពងាយស្រួល ខណៈអ្នកផ្សេងទៀតមិនមានសំណាងដូចនេះទេ គឺតែងកើតមានអាការចាញ់កូនក្អួតចង្អោរមិនធម្មតា ដែលតាមប៉ាន់ប្រមាណមានចំនួនជាង៦៥ភាគរយនៃស្ត្រីបានរងការប៉ះពាល់អាការនេះ ។ ដើម្បីបំបាត់អាការមិនស្រួលបែបនេះ ក្រៅពីថ្នាំពេទ្យ ក៏នឹងមានឱសថធម្មជាតិមួយចំនួនទៀតជួយសម្រួលស្ថានការណ៍ធីងធោងនេះផងដែររួមមាន ៖
១-ទទួលទានតែខ្ញី អាចព្យាបាលការឈឺក្រពះរបស់អ្នក ។ ឱសថមានរសជាតិហឹរតិចៗ នេះក៏ត្រូវបានគេប្រើដើម្បីបន្ធូរបន្ថយអាការៈចង្អោរ។ ពេលណាដែលអ្នកមានអារម្មណ៍ថាចង់ក្អួត ចូររកតែខ្ញីក្តៅមកពិសាភ្លាម ។
២-ក្រៅពីនេះក៏នៅមានតែរុក្ខជាតិជាច្រើនប្រភេទទៀត ដែលត្រូវបានគេដឹងថា អាចកាត់បន្ថយអាការចង្អោរ។ សូមព្យាយាមទទួលទាន តែរុក្ខជាតិផ្សំឡើងជាមួយផ្កា Camomile ជីរអង្កាម និង peppermint ។ ប្រសិនបើអ្នកមានការក្រហល់ក្រហាយទ្រូងសូមជៀសវាងតែ peppermint ។
៣-ធាតុផ្សំមានប្រយោជន៍មួយផ្សេងទៀត ដើម្បីប្រឆាំងនឹងការចាញ់កូន គឺតែស្លឹក raspberry ក្រហម ។ ឱសថនេះ មិនត្រឹមតែជួយបំបាត់អាការចាញ់កូនទេ ប៉ុន្តែវាត្រូវបានគេស្គាល់ផងដែរថាជាឱសថសម្រួលចលនាសាច់ដុំស្បូនផងដែរ។ ប៉ុន្តែការសិក្សាមួយចំនួនបាននិយាយថា ស្លឹក raspberry អាចបង្កឱ្យមានការកន្ត្រាក់ស្បូន ។ ពិគ្រោះជាមួយនឹងគ្រូពេទ្យរបស់អ្នកជាមុនថាតើអ្នកអាចប្រើវាបានដែរឬទេ ។
៤-ភេសជ្ជៈ Ginger als អាចជួយឱ្យស្ត្រីមានផ្ទៃពោះ មានអារម្មណ៍ប្រសើរជាងមុន។ ទោះយ៉ាងណា អ្នកគួរជៀសវាងការបន្ថែមជាតិហ្គាសចូលក្នុងភេសជ្ជៈនេះព្រោះថា វានឹងបង្កើនការផលិតអាស៊ីតក្នុងក្រពះរបស់អ្នក ។
៥-ក្រុមអ្នកជំនាញបាននិយាយថា ស្ត្រីដែលទទួលទានក្នុងកម្រិត ២៥ មីលី្លក្រាមនៃវីតាមីន B6 បីដងក្នុងមួយថ្ងៃ រយៈពេលបីថ្ងៃ កាត់បន្ថយការចង្អោរនិងក្អួតយ៉ាងមានមប្រសិទ្ធភាព។ ទោះជាយ៉ាងណា ចូរពិគ្រោះជាមួយគ្រូពេទ្យរោគស្ត្រីរបស់អ្នក មុននឹងសម្រេចចិត្តទទួលទានថ្នាំអ្វីក៏ដោយ ។
៦-ដំណោះស្រាយដ៏សាមញ្ញមួយទៀត គឺផឹកទឹកមួយកែវរៀងរាល់ម៉ោង។ សូម្បីតែពេល អ្នកក្រោកឡើង នៅពេលយប់ ដើម្បីចូលបន្ទប់ទឹក ក៏គួរតែផឹកទឹកមួយកែវដែរ ។ វានឹងរក្សាជាតិទឹកក្នុងខ្លួនរបស់អ្នកគ្រប់គ្រាន់។ ពេលដែលទឹកនោមរបស់អ្នកមានពណ៌ថ្លា មានន័យថា អ្នកទទួលទានទឹកបានគ្រប់គ្រាន់ សុខភាពក៏ល្អទៅតាមនឹងដែរ ។
៧-ចូរទទួលទាននំឃុកឃី ផ្លែឈើ ដែលបានដាក់ក្នុងទូទឹកកករបស់អ្នក។ ពួកវានឹងជួយ ជំនួសជាតិស្ករ ដែលបានបាត់បង់ដោយការក្អួត ។
៨-ហឺតយកក្លិននៃក្រូចឆ្មារមួយចំណិត។ អ្នកអាចបន្តក់ទឹកក្រូចឆ្មារមួយតក់ចូលទៅក្នុងទឹករួចផឹក ។
៩-ស្ត្រីមួយចំនួនត្រូវបានរាយការណ៍ថា មានអារម្មណ៍ល្អនៅពេលដែលពួកគេភ្ញាក់ពីគេងភ្លាម ហើយបរិភោគអាហារសម្រន់ភ្លាម។ ចូរទុកនំខ្លះ ជិតគ្រែរបស់អ្នក ហើយអាចបរិភោគ វាភ្លាមៗនៅពេលអ្នកក្រោកពីគេង ។
១០-ជៀសវាងការបរិភោគអាហារតែបីពេល ហើយច្រើនៗរៀងរាល់ថ្ងៃ ។ ផ្ទុយទៅវិញ ស្ត្រីគួរញ៉ាំអាហារតិចតួច តែច្រើនដងក្នុងមួយថ្ងៃ ។ អាហារដែលមានបរិមាណតិចមានភាពងាយស្រួលក្នុងការរក្សា និងងាយរំលាយ ។
១១-ចូរកុំបរិភោគអាហារចៀន អាហារមានជាតិខ្លាញ់ ដែលវាអាចធ្វើឲ្យអ្នកចង់ក្អួតរឹតតែខ្លាំង ៕
ចែករំលែកព័តមាននេះ