ភរិយានិងកូនៗលោកបណ្ឌិត កែម ឡី ចាកចេញពីកម្ពុជាហើយ
រាជធានីភ្នំពេញ ៖ ទីបំផុតទៅលោកស្រី ប៊ូ រចនា ភរិយាលោកបណ្ឌិត កែម ឡី និងកូនៗ បានចាកចេញពីប្រទេសកម្ពុជាហើយ កាលពីថ្ងៃទី២៨ សីហា ២០១៦
រាជធានីភ្នំពេញ ៖ ទីបំផុតទៅលោកស្រី ប៊ូ រចនា ភរិយាលោកបណ្ឌិត កែម ឡី និងកូនៗ បានចាកចេញពីប្រទេសកម្ពុជាហើយ កាលពីថ្ងៃទី២៨ សីហា ២០១៦
រាជធានីភ្នំពេញ ៖ ទីបំផុតទៅលោកស្រី ប៊ូ រចនា ភរិយាលោកបណ្ឌិត កែម ឡី និងកូនៗ បានចាកចេញពីប្រទេសកម្ពុជាហើយ កាលពីថ្ងៃទី២៨ សីហា ២០១៦ ។
នេះបើយោងតាមព្រះតេជគុណ ប៊ុត ប៊ុនតិញ ប្រធានបណ្តាញព្រះសង្ឃឯករាជ្យ ដែលមានថេរៈដីកានៅវិទ្យុបរទេសនិយាយភាសាខ្មែរមួយមានមូលដ្ឋាននៅសហរដ្ឋអាមេរិក កាលពីយប់ថ្ងៃទី២៩ សីហា ។ យ៉ាងណាក៍ដោយ ព្រះតេជគុណ ប៊ុត ប៊ុនតិញ មិនបានបញ្ជាក់ថាតើភរិយានិងកូនៗលោកបណ្ឌិត កែម ឡី នឹងស្នាក់នៅប្រទេសណា និងមានរយៈពេលប៉ុន្មាននោះទេ ។
គួរបញ្ជាក់ថា អំឡុងពេលពិធីបុណ្យសពលោក កែម ឡី លោកស្រី ប៊ូ រចនា បានឲ្យដឹងថា មន្ត្រីស្ថានទូតអូស្ត្រាលីបានទំនាក់ទំនងជាមួយលោកស្រី ឲ្យទៅរស់នៅក្នុងប្រទេសអូសាស្ត្រលី ប៉ុន្តែពេលនោះភរិយាលោក កែម ឡី មិនទាន់សម្រេចចិត្តយ៉ាងណានៅឡើយទេ ។
បើតាមព្រះតេជគុណ ប៊ុត ប៊ុនតិញ ពិធីបុណ្យ១០០ថ្ងៃសពលោកបណ្ឌិត កែម ឡី នឹងប្រព្រឹត្តទៅរយៈពេល៣ថ្ងៃគឺនៅថ្ងៃទី១៤ដល់ថ្ងៃទី១៦ តុលា ២០១៦ ហើយលោកស្រីភរិយាលោកកែម ឡី បានប្រគល់សិទ្ឋិប្រគេនព្រះតេជគុណជាអ្នករៀបចំចាត់ចែងពិធីបុណ្យ១០០ថ្ងៃនេះ ៕
ចែករំលែកព័តមាននេះ