រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ដោយគិតត្រឹមថ្ងៃទី២៥ សីហា ២០១៦ នេះ ត្រូវបានកម្លាំងកងរាជអាវុធហត្ថ ធ្វើការនាំខ្លួនម្ចាស់ហាងកាត់ដេរ «រតនៈរចនាម៉ូត» (ជនដៃដល់) មកធ្វើត្រាប់ ក្នុងពេលប្រើហិង្សាវាយទៅលើបុរសជាអ្នករត់ម៉ូតូកង់
៣នោះហើយ ។
ប្រភពឱ្យដឹងថា បុរសដៃដល់ជាថៅកែហាង មានឈ្មោះពៅ រតនៈ អាយុ៣០ឆ្នាំ មានទីលំនៅផ្ទះលេខ៦៣៨ ផ្លូវ២៧១ ក្នុងសង្កាត់ផ្សារដើមថ្កូវ ខណ្ឌចំការមន ។ រីឯបុរសរងគ្រោះឈ្មោះយឹម សុខខុន អាយុ៥១ឆ្នាំ ជាអ្នករត់រ៉ឺម៉កម៉ូតូ (បាក់ដៃ) ស្នាក់នៅជិតបន្ទាយទួលក្រសាំង ក្នុងភូមិយួន ឃុំលេខ១ ខេត្តកណ្តាល ។
ពាក់ព័ន្ធលើករណីហិង្សាដែលបុរសចំណាស់ ជាអ្នករត់រ៉ឺម៉កម៉ូតូកង់៣ ត្រូវបានម្ចាស់ហាងកាត់ដេរ «រតនៈរចនាម៉ូត» វាយបាក់ដៃឆ្វេងនោះ គឺកើតឡើងដោយគ្រាន់តែចតរ៉ឺម៉ក នៅមុខផ្ទះមួយភ្លែត ដើម្បីរង់ចាំម៉ូយប៉ុណ្ណោះ ។
ក្រោយកើតហេតុនេះដែរ ក៏ត្រូវលោកនាយឧត្តមសេនីយ៍ ជួន សុវណ្ណ អគ្គស្នងការរង និងជាស្នងការនគរបាលរាជធានីភ្នំពេញ បានចេញបញ្ជាឱ្យសមត្ថកិច្ចជំនាញធ្វើការស្រាវជ្រាវលើករណីនេះ ។
ប្រភពឱ្យដឹងទៀតថា ក្រោយពីកើតហិង្សានោះ ត្រូវបានម្ចាស់ហាងខាងលើ ធ្វើការសម្របសម្រួលជាមួយបុរសរងគ្រោះ ដោយបានសងជំងឺចិត្តចំនួន៧៥០ដុល្លារ។
គួរបញ្ជាក់ថា គិតម៉េចជាមួយហាង «រតនៈរចនាម៉ូដ» ដែលប្រើហិង្សាលើតារត់កង់៣
ចែករំលែកព័តមាននេះ