សង្គ្រាមអ៊ុយក្រែន ៖ តើស្ថានីយអវកាសអន្តរជាតិ ISS អាចរងគ្រោះព្រោះវិបត្តិរវាងរុស្សុី និងពួកលោកខាងលិច ក្រោយការវា.យលុក របស់រុស្សុីចូលអ៊ុយក្រែនពីថ្ងៃទី២៤ ខែកុម្ភៈមកដែរទេ?
ខណៈទីអវកាសនៅសល់តែជាវិស័យចុងក្រោយមួយគត់ នៃកិច្ចសហប្រតិបត្តិការរុស្សុី-អាមេរិក គេកំពុងចាប់អារម្មណ៍ខ្លាំងដែលជម្លោះ នោះរីករាយដាលបន្តិចម្ដងៗដល់វិស័យនេះ ។ បែបនោះនាំឲ្យគេចោទសួរឡើយថា ភាពនៃការទម្លាក់ស្ថានីយអវកាសនោះ ដែលបច្ចុប្បន្នមានអ្នកប្រចាំការក្នុងនោះ៧នាក់ គឺជនជាតិអាមេរិក៤នាក់ អាល្លឺម៉ង់ម្នាក់ និងរុស្សុី២នាក់។
នោះជាការគំរា.មកំហែងចាប់តាំងពីជាច្រើនថ្ងៃមកហើយដោយរុស្សុី។ ប្រមុខទីភ្នាក់ងារអវកាសរុស្សុី ROSCOSMOS លោកឌីមីទ្រី រ៉ូហ្គោហ្សុីន អះអាងនាថ្ងៃទី១២ ខែមីនាថា បណ្ដាទណ្ឌកម្មរបស់ពួកលោកខាងលិច នឹងអាចបណ្ដាលឲ្យមានការទម្លាក់ស្ថានីយ ISS ចុះមកផែនដី។ នោះជាការគំរា.មពីការចង់សងសឹកចំពោះបណ្ដាទណ្ឌកម្មរបស់ពួកលោកខាងលិច ដែលកំពុងគាបសង្កត់ធ្ងន់បំផុតលើសេដ្ឋកិច្ចរុស្សុី។
យោងតាមលោកឌីមីទ្រី រ៉ូហ្គោហ្សុីន ថា បណ្ដាទណ្ឌកម្មប៉ះពាល់ដល់ផ្នែកខាងរុស្សុីនៃស្ថានីយនេះ ដែលតម្រូវជាពិសេសឲ្យមានការកែប្រែតារាវិថី។ មូលហេតុដោយសារបណ្ដាអ្នកប្រចាំការ និងការផ្គត់ផ្គង់ស្ថានីយនោះត្រូវធ្វើ ដោយបណ្ដាយានអវកាស SOYOUZ និងយានកាហ្គោ PROGRESS របស់រុស្សុី។ ប៉ុន្តែការបា.ញ់បង្ហោះយានទាំងនោះស្ថិតក្រោមទណ្ឌកម្មអាមេរិក ចាប់តាំងពីឆ្នាំ២០២១មក ហើយក្រោមទណ្ឌកម្មរបស់សហភាពអឺរ៉ុប និងរបស់កាណាដាចាប់តាំងពីឆ្នាំ២០២២មក។
ដូច្នេះគេមិនអាចដំណើរការបានល្អ ប្រតិបត្តិនការនានាដែលមានគិតជាមធ្យម១១លើកដែរក្នុង១ឆ្នាំ ក្នុងនោះរួមមានប្រតិបត្តិការ ដើម្បីចៀសវាងបណ្ដាបំណែកអវកាសផង។ បែបនោះ អាចនាំដល់ការទម្លាក់ចុះស្ថានីយនេះដែលមានទម្ងន់ដល់ទៅ៥០០តោន។ រុស្សុីធ្លាប់គំរា.មពីការទម្លាក់ស្ថានីយនេះ តម្រង់មកចំសហរដ្ឋអាមេរិកផង ព្រោះរុស្ស៊ីជាអ្នកកាន់កា.ប់ខាងការតម្រង់ទិសរបស់ស្ថានីយនេះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ