សង្គ្រាមអ៊ុយក្រែន ៖ នោះជាការប៉ះពាល់ខ្លាំងបំផុត ដោយសារការលុកលុយរបស់រុស្សុីចូលអ៊ុយក្រែន។ ដូចការគូសបញ្ជាក់របស់ទីភ្នាក់ងារព័ត៌មាន AP ជនជាតិរុស្សុីជាច្រើនពាន់នាក់ បច្ចុប្បន្នជាប់គាំងនៅថៃ ដែលនៅទីនោះពួកគេ មកសម្រាកវិស្សមកាលតែពុំមានលទ្ធភាពវិលត្រឡប់់ទៅប្រទេសពួកគេវិញ ព្រោះតែទណ្ឌកម្មសេដ្ឋកិច្ចជាច្រើន។
តាមទីភ្នាក់ងារព័ត៌មាននេះថា បច្ចុប្បន្នមានជនជាតិរុស្សុីដល់៦.៥០០នាក់ ជួបការស្ទះខកដំណើរនៅភូកេត ស៊ូរ៉ាតថានី ក្រាប៊ី និងប៉ាតាយ៉ា។ ដូចការគូសបញ្ជាក់របស់លោក YUTHASAK SUPASORN អភិបាលអាជ្ញាធរទេសចរណ៍ថៃថា ជនជាតិរុស្សុីទាំងនេះដែលមានវត្តមាននៅដែនដីថៃ តាមការពិតប្រឈមមុខនឹងបញ្ហាជាច្រើន ជាពិសេសការលុបចោលជើងហោះហើរនៃយន្តហោះ ដោយក្រុមហ៊ុនអាកាសចរណ៍នានា ដែលបដិសេធមិនហោះកាត់ ឬចុះក្នុងដែនដីរុស្សុី។
ក្រុមហ៊ុនអាកាសចរណ៍ខ្លះនៅឲ្យយន្តហោះទៅកាន់រុស្សុី តែបណ្ដាអ្នកដំណើរត្រូវឈប់សំចតក្នុងប្រទេសដទៃមួយ ។ យើងកំពុងសាកល្បងសម្របសម្រួល និងស្វែងរកជើងហោះហើរសម្រាប់ពួកគេ។ ម្យ៉ាងទៀតជនជាតិរុស្សុីជួបការលំបាក ដោយសារសេវាកម្មហិរញ្ញវត្ថុជាច្រើនត្រូវផ្អាកព្រោះទណ្ឌកម្ម នាំឲ្យបណ្ដាអ្នកទេសចររុស្សុីមិនអាចបង់ ឬដកប្រាក់បាន នៅតាមកន្លែងដែលពួកគេទៅ ដោយសារ VISA និងMATERCARD ត្រូវផ្ដាច់។
ទោះបីយ៉ាងណា ថៃខិតខំសម្រួលដល់ការរស់នៅរបស់ពួកអ្នកទេសចររុស្សុីទាំងនេះ ព្រោះចង់ស្ដារឡើងវិញផ្នែកទេសចរណ៍ដែលរងការប៉ះពាល់ខ្លាំងដោយសារកូវីដ-១៩ ហើ យសាកល្បងជួយសម្រួល។ បណ្ដាសណ្ឋាគារនឹងស្នើឲ្យបញ្ចុះតម្លៃ ហើយអាជ្ញាធរពេលនេះអាចពន្យារដោយមិនគិតប្រាក់នូវទិដ្ឋាការពួកគេដល់៣០ថ្ងៃ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ