ញាក់សាច់ ! យកកាំបិតអារកខ្លួនឯងឈាមស្រោចពេញខ្លួន
ខេត្តត្បូងឃ្មុំ ៖ បុរសម្នាក់បានយកកាំបិតអារកខ្លួនឯងហូរឈាមស្រោចពេញខ្លួនប្រាណបង្កឲ្យមានការភ្ញាក់ផ្អើលកាលពីវេលាម៉ោងប្រហែល៣ និង៣០នាទីរសៀល ថ្ងៃទី២២ ខែសីហា
ខេត្តត្បូងឃ្មុំ ៖ បុរសម្នាក់បានយកកាំបិតអារកខ្លួនឯងហូរឈាមស្រោចពេញខ្លួនប្រាណបង្កឲ្យមានការភ្ញាក់ផ្អើលកាលពីវេលាម៉ោងប្រហែល៣ និង៣០នាទីរសៀល ថ្ងៃទី២២ ខែសីហា ឆ្នាំ២០១៦ នៅចំណុចកន្លែងរោងលក់ទឹកអំពៅមួយកន្លែងក្នុងភូមិ០៦ ឃុំជប់ ស្រុកត្បូងឃ្មុំ ខេត្តត្បូងឃ្មុំ ។
លោកវរសេនីយ៍ត្រី ឡុង សារិន អធិការរងនគរបាលស្រុកត្បូងឃ្មុំ ប្រាប់ឲ្យដឹងថា បុរសរងគ្រោះឈ្មោះ រស់ សុផុន ហៅ តុល អាយុ៤៨ឆ្នាំ ជាបុរសពោះម៉ាយ រស់នៅភូមិ១០៨ ឃុំជប់ ស្រុកត្បូងឃ្មុំ បានលែងលះគ្នាជាមួយប្រពន្ធជាង៣ឆ្នាំមកហើយ ។
លោកវរសេនីយ៍ត្រី ឡុង សារិន ប្រាប់បន្តថា បន្ទាប់ពីលែងលះជាមួយប្រពន្ធរួច បុរសពោះម៉ាយរូបនេះខូចចិត្តដើរផឹកស្រាស្ទើរតែរាល់ថ្ងៃ រហូតមដល់រសៀលថ្ងៃទី២២ ខែសីហា ឆ្នាំ២០១៦ បុរសរងគ្រោះបានយកកាំបិតប៉័ងតោមកអារកខ្លួនឯងបណ្តាលឲ្យឈាមហូរបាញ់ស្រោចខ្លួនតែម្តង ។ ដោយឃើញសភាពបែបនេះ ប្រជាពលរដ្ឋដែលនៅក្បែរនោះបាននាំគ្នាស្ទុះទៅជួយទាញយកកាំបិតចេញពីដៃ និងបានរាយការណ៍ទៅប៉ុស្តិ៍រដ្ឋបាលឃុំជប់ជាបន្ទាន់ និងបានហៅរថយន្តមកដឹកប្រញាប់យកទៅសង្គ្រោះនៅមន្ទីរពេទ្យបង្អែកស្រុកត្បូងឃ្មុំ ។
លោកបញ្ជាក់ថា ចំពោះការដែលបុរសនេះសំរេចចិត្តគិតខ្លីចង់ស្លាប់នេះ គឺដោយសារតែតូចចិត្តនឹងប្រពន្ធលែងលះ ហើយចេះតែដើរផឹកស៊ីស្រវឹងស្ទើររាល់ថ្ងៃ និងប្រហែលជាកើតរោគសសៃប្រសាទផងក៏មិនដឹង តែសំណាងហើយដែលប្រជាពលរដ្ឋ និងសមត្ថកិច្ចបានឃើញទាន់ ក៏ដឹកតាមរថយន្តយកទៅសង្គ្រោះនៅមន្ទីរពេទ្យ ៕
ចែករំលែកព័តមាននេះ