រុស្ស៊ី-អ៊ុយក្រែន ៖ តាមបណ្ដារូបភាពផ្កាយរណប គេឃើញក្រុងMARIOUPOL រងការបំផ្លាញដោយគ្រាប់បែករុស្ស៊ីមើលទៅដូចឋាននរក ។ ទីក្រុងកំពង់ផែយុទ្ធសាស្ត្ររបស់អ៊ុយក្រែននោះ នាភាគអាគ្នេយ៍ប្រទេស ត្រូវបានឡោមព័ទ្ធវា.យប្រហារដោយកងទ័ពរុស្ស៊ីចាប់តាំងពីច្រើនថ្ងៃមកហើយ និងជាគោលដៅនៃការទម្លាក់គ្រាប់បែក…
រុស្ស៊ី-អ៊ុយក្រែន ៖ តាមបណ្ដារូបភាពផ្កាយរណប គេឃើញក្រុងMARIOUPOL រងការបំផ្លាញដោយគ្រាប់បែករុស្ស៊ីមើលទៅដូចឋាននរក ។
ទីក្រុងកំពង់ផែយុទ្ធសាស្ត្ររបស់អ៊ុយក្រែននោះ នាភាគអាគ្នេយ៍ប្រទេស ត្រូវបានឡោមព័ទ្ធវា.យប្រហារដោយកងទ័ពរុស្ស៊ីចាប់តាំងពីច្រើនថ្ងៃមកហើយ និងជាគោលដៅនៃការទម្លាក់គ្រាប់បែក និងការបា.ញ់ផ្លោងខ្លាំងបំផុត ។
មនុស្ស៣នាក់ ក្នុងនោះមានក្មេងស្រីម្នាក់ត្រូវបានស្លា.ប់ក្នុងការទម្លាក់គ្រាប់បែកលើមន្ទីរពេទ្យកុមារមួយនៃក្រុងនោះ កាលពីថ្ងៃទី៩ មីនាដែលរុស្ស៊ីថា ត្រូវបានពួកជាតិនិយមអ៊ុយក្រែនយកធ្វើទីតាំងពួកគេ ។
បណ្ដារូបភាពផ្កាយរណបបង្ហាញពីទំហំនៃការបំផ្លាញ និងការខូចខាត។ នៅក្នុងក្រុងនោះដែលជាប់ការឡោមព័ទ្ធតាំងពីច្រើនថ្ងៃមកហើយដោយកងទ័ពរុស្ស៊ី ប្រជាជនក្រុងនេះរងការដាច់ភ្លើង ដាច់ទឹក និងឧស្ម័ន ។ បណ្ដាការប៉ុនប៉ងជម្លៀសប្រជាជនស៊ីវិលច្រើនរយពាន់នាក់ចេញ ត្រូវបរាជ័យច្រើនលើកដោយភាគីម្ខាងៗ ទម្លាក់ការទទួលខុសត្រូវដាក់គ្នាទៅវិញទៅមក ។
មនុស្សម្នាពេលនេះ ដល់ថ្នាក់ចាប់ផ្ដើមដណ្ដើមគ្នារស់ ។ មានពួកអ្នកវា.យបំផ្លាញរថយន្តគេដណ្ដើមយកសាំង ។ នេះបើតាមការរៀបរាប់របស់កាកកបាទក្រហមអន្តរជាតិ ។ ការបំផ្លាញក្រុងនោះ មើលឃើញពីលើអាកាស ដូចបណ្ដារូបភាពថតដោយក្រុមហ៊ុនឯកជន MAXAR ហើយផ្សាយតាមTWITTER ។
MAXAR ជាក្រុមហ៊ុនបច្ចេកវិទ្យាអវកាសអាមេរិក មានឯកទេសក្នុងការផលិតផ្កាយរណប និងពិសេសផ្កាយរណបពិនិត្យផែនដី ។ បណ្ដារូបភាពផ្កាយរណបរបស់ក្រុមហ៊ុននេះ បង្ហាញការខូចខាតដ៏មហាសាល នៅកណ្ដាលក្រុង និងការបំផ្លាញមជ្ឈមណ្ឌលពាណិជ្ចកម្មក្រុងនោះ។ នាវេលាម៉ោង១០និង១៦នាទីម៉ោង ក្នុងស្រុកបណ្ដារូបភាពផ្កាយរណប ចេញផ្សាយ នាថ្ងៃទី៩ មីនា បង្ហាញហាងលក់គ្រឿងទេស និងបណ្ដាមជ្ឈមណ្ឌលពាណិជ្ជកម្មក្រុងរងការបំផ្លាញនាភាគខាងលិចក្រុង ។
រូបភាពទាំងនេះក៏បង្ហាញពីបណ្ដាផ្ទះ និងអគាររងការបំផ្លាញដែរ ។ រយៈពេល៩ថ្ងៃ នៃការឡោមព័ទ្ធវា.យប្រហារ ក្រុងកំពង់ផែយុទ្ធសាស្ត្រនេះ មនុស្សយ៉ាងតិច១.២០៧នាក់ស្លា.ប់ ក្នុងនោះមានបណ្ដាជនស៊ីវិលដែរ ។ នេះជាការអះអាងកាលពីយប់ថ្ងៃទី៩ មីនា របស់សាលាក្រុងតាមTELEGRAM ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ