ឲ្យតែអូនត្រឡប់មកផ្ទះវិញ បងមិនខឹងនឹងអូនទេ
ខេត្តកំពង់ឆ្នាំង ៖ ឲ្យតែអូនត្រឡប់មកផ្ទះវិញ បងមិនខឹងនឹងអូនទេ សូមតែអូនត្រឡប់ចូលផ្ទះវិញគឺបានហើយយើងនឹងរួមរស់ជាមួយគ្នា។ នេះជាសម្ដីយ៉ាងកម្សត់
ខេត្តកំពង់ឆ្នាំង ៖ ឲ្យតែអូនត្រឡប់មកផ្ទះវិញ បងមិនខឹងនឹងអូនទេ សូមតែអូនត្រឡប់ចូលផ្ទះវិញគឺបានហើយយើងនឹងរួមរស់ជាមួយគ្នា។ នេះជាសម្ដីយ៉ាងកម្សត់
ខេត្តកំពង់ឆ្នាំង ៖ ឲ្យតែអូនត្រឡប់មកផ្ទះវិញ បងមិនខឹងនឹងអូនទេ សូមតែអូនត្រឡប់ចូលផ្ទះវិញគឺបានហើយយើងនឹងរួមរស់ជាមួយគ្នា។ នេះជាសម្ដីយ៉ាងកម្សត់របស់បុរសម្នាក់ ដែលកាន់រូបថតដើររកប្រពន្ធដែលបានចុះចោលផ្ទះ ចោលប្តីនិងកូន៣នាក់ ជាង១សប្តាហ៍ទៅហើយ បានស្កាត់មកជួបភ្នាក់ងារ កោះសន្តិភាព សូមមេត្តាជួយចុះផ្សាយឲ្យបានដឹងដល់នាងផង។
ជួបជាមួយភ្នាក់ងារ កោះសន្តិភាព នៅព្រឹកថ្ងៃទី១៩ ខែសីហា ឆ្នាំ២០១៦ បុរសអភ័ព្វ ត្រូវប្រពន្ធរត់ចោល បានរៀបរាប់ថា រូបគាត់មានឈ្មោះ នី រ៉ម អាយុ៣៧ ឆ្នាំ គាត់បានរៀបការជាមួយប្រពន្ធឈ្មោះ ប្រាក់ សារី ហៅច្រិប អាយុ៣៥ ឆ្នាំ។ ពួកគាត់មានទីលំនៅភូមិវាលស្បូវ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង។ ក្រោយពីរៀបការហើយ ពួកយើងបានចំណងដៃកូនប្រុសស្រី៣នាក់។
ក្នុងការរស់នៅពួកយើងបានស្រឡាញ់គ្នាណាស់ មិនដែលមានឈ្លោះទាស់ពាក្យសម្ដីអ្វីនឹងគ្នាទេ។ ក្នុងទឹកមុខយ៉ាងក្រៀមក្រំ បុរសរូបនោះបានប្រឹងបន្តថា ស្រាប់តែនៅថ្ងៃទី១២ ខែសីហា ឆ្នាំ២០១៦ ពេលត្រឡប់ចូលផ្ទះវិញ មិនឃើញប្រពន្ធ ក៏សួរកូនៗនៅចាំផ្ទះ មិនដឹង គាត់បានដើររក និងសួរអ្នកជិតខាង តែគ្មានអ្នកណាដឹងឡើយ។ ក្នុងរយៈពេលប៉ុន្មានថ្ងៃនេះ គាត់បានព្យាយាម ដើររកប្រពន្ធដល់ខេត្តកំពង់ស្ពឺ ជាផ្ទះបងប្អូនខាងប្រពន្ធ តែរកមិនឃើញសោះ និងគ្មានបានទទួលដំណឹងសូម្បីបន្តិច។
គាត់មានការព្រួយបារម្ភពីសុវត្តិភាពប្រពន្ធគាត់ខ្លាំងណាស់។ ជាចុងក្រោយគាត់សូមអង្វរ ដល់នាងជាប្រពន្ធ សូមនាងត្រឡប់មកផ្ទះវិញ គាត់ជាប្តីមិនប្រកាន់ទោសពៃអ្វីទេ ម្យ៉ាងវិញទៀត ពេលនេះកូនៗទាំង៣នាក់ កំពុងឈឺទាំងអស់ គាត់កំពុងពិបាកចិត្តខ្លាំងណាស់ ចំណែកកូនពៅ សួររកតែម្តាយវាទេ ហើយបើអូនបានដឹងដំណឹងនេះហើយ សូមប្រញាប់មកផ្ទះ ឬបើមិនទាន់បានមកយ៉ាងណាក្តី សូមទូរស័ព្ទផ្តល់ដំណឹងមកផ្ទះផង។
ម្យ៉ាងវិញទៀត គាត់សូមឲ្យអាជ្ញាធរ និងសមត្ថកិច្ចគ្រប់ទីកន្លែង បើបានឃើញនារី ដូចមានក្នុងរូបថតនេះ សូមមេត្តាជួយផ្តល់ដំណឹង មករូបគាត់ផង តាមរយៈលេខទូរសព្ទ័លេខ ០៩៧ ៧៨ ២៦ ៧៦៥ ឬលេខ ០៩៧ ៣៩ ៣២ ៩៧០ ជួយយកតែបុណ្យផងចុះ៕
ចែករំលែកព័តមាននេះ