បិដកភាគ២២ ទំព័រ២៧៥ ព្រះមានព្រះភាគត្រាស់ថា ម្នាលអាវុសោ ភិក្ខុក្នុងសាសនានេះជាអ្នកស្ងប់ស្ងាត់ លះកាមទាំងឡាយ ចាកអកុសលធម៌ ជាអ្នកលះបង់ព្យាបាទដាច់ស្រឡះហើយ ទើបឈ្មោះថាជាអ្នកមានចិត្តស្ងប់ ប្រកបដោយវិតក្កៈ…
បិដកភាគ២២ ទំព័រ២៧៥ ព្រះមានព្រះភាគត្រាស់ថា ម្នាលអាវុសោ ភិក្ខុក្នុងសាសនានេះជាអ្នកស្ងប់ស្ងាត់ លះកាមទាំងឡាយ ចាកអកុសលធម៌ ជាអ្នកលះបង់ព្យាបាទដាច់ស្រឡះហើយ ទើបឈ្មោះថាជាអ្នកមានចិត្តស្ងប់ ប្រកបដោយវិតក្កៈ ប្រកបដោយវិចារៈ មានបីតិ និងសុខៈត្រជាក់ពេញបេះដូង ព្រោះបានលុះបឋមជ្ឈាន ។
ម្នាលភិក្ខុទាំងឡាយ ភិក្ខុទាំងនោះនឹងបានសម្រេចសម្រាន្តដោយឥរិយាបថទាំង៤យ៉ាងល្អប្រពៃ ម្នាលអាវុសោ នេះហៅថា ជាអ្នកមានចិត្តស្ងប់ហើយ បានលុះនូវបឋមជ្ឈាន ។ ម្នាលអាវុសោ បឋមជ្ឈាន មានអង្គប៉ុន្មាន ។ ម្នាលអាវុសោ បឋមជ្ឈានមានអង្គ៥ ម្នាលអាវុសោ កាលភិក្ខុក្នុងសាសនានេះចូលកាន់បឋមជ្ឈាន មានអង្គ៥ វិតក្កៈ វិចារៈ បីតិ សុខៈ និងចិត្តេកគ្គតារមែងប្រព្រឹត្តទៅ ម្នាលអាវុសោ បឋមជ្ឈានមានអង្គ៥យ៉ាងនេះឯង ។
ម្នាលអាវុសោ បឋមជ្ឈានលះអង្គប៉ុន្មាន និងប្រកបដោយអង្គប៉ុន្មាន ? ម្នាលអាវុសោ បឋមជ្ឈាន លះអង្គ៥ ប្រកបដោយអង្គ៥ ម្នាលអាវុសោ ភិក្ខុក្នុងសាសនានេះ កាលចូលកាន់បឋមជ្ឈាន ជាអ្នកលះបង់កាមច្ឆន្ទៈ លះបង់ព្យាបាទ លះបង់ថីនមិទ្ធៈ លះបង់ឧទ្ធច្ចកុក្កុច្ចៈ លះបង់វិចិកិច្ឆា ។
ចំណែកខាងវិតក្កៈ វិចារៈ បីតិ សុខៈ និងចិត្តេកគ្គតា ក៏ប្រព្រឹត្តទៅ ម្នាលអាវុសោ បឋមជ្ឈាន លះអង្គ៥ ប្រកបដោយអង្គ៥ យ៉ាងនេះឯង ទើបឈ្មោះថាជាអ្នកដល់ព្រមដោយសេចក្តីស្ងប់ស្ងប់ ៕ សាន សារិន
ចែករំលែកព័តមាននេះ