អ្នកឆ្នាំអភ័ព្វទាំងបី រោង ខាល កុរ លេខលាភជ័យ៣៣៣នៅចុងខែបីឆ្នាំ២០២២ រាសីមិនសូវល្អប៉ុន្មានទេ គឺអ្នកមានភាពមមាញឹកបន្តិច មិនសូវជួបភាពរីករាយប៉ុន្មានទេ ។ ក្រៅពីការខកចិត្តដែលមិននឹកស្មានដល់ ក៏នឹងមានរឿងស្មុគស្មាញចៀសមិនរួចមួយចំនួន លុះណាតែអ្នកឆ្នាំទាំងបីរៀនជម្នះឧបសគ្គឱ្យបានខ្លាំងណាស់ ទើបឆាកជីវិតមិនសូវតឹងតែងពេក ។
ទោះជាយ៉ាងណានៅចុងខែបីនេះអ្នកឆ្នាំទាំងបីនឹងទទួលបានការការការពារពិសេសម្យ៉ាង អាចនិយាយបានថាជាថាមពលវិជ្ជមានជួយឱ្យអ្នករឹងមាំ ពេលផ្លូវចិត្តទន់ខ្សោយ ។ នៅចុងខែបីនេះអ្នកឆ្នាំទាំងបីនឹងរងភាពឯកោបន្តិច ដូច្នេះគួរស្វែងរកជំនួយ និងការគាំទ្រពីមិត្តជិតស្និទ្ធ ទើបអ្នកអាចឆ្លងផុតរឿងលំបាកៗជាច្រើន ។
នៅក្នុងរឿងស្នេហាវិញភាពមិនច្បាស់លាស់នៃពេលនេះអាចជាដើមចមនៃការបែកបាក់នា ឬរកាំរកូសគ្នាខ្លាំងនៅចុងខែនេះ ។ ហេតុនេះលោកអ្នកត្រូវប្រមូលភាពក្លាហានដើម្បីប្រឈម ក៏ដូចជាដោះស្រាយឱ្យចប់សព្វគ្រប់មុនចុងខែចូលមកដល់ ទើបអ្នកអាចទទួលបាននូវផ្លូវចិត្តស្ងប់ស្ងាត់ និងមានទំនុកចិត្តចំពោះដៃគូស្នេហា ។
រឿងរ៉ាវកើតឡើងចំពោះមុខ អ្នកឆ្នាំទាំងបីមិនគួរធ្វើការសម្រេចចិត្តលើរឿងសំខាន់ៗដែលផ្ទុយនឹងតម្លៃផ្ទាល់ខ្លួន និងសម្បជញ្ញៈរបស់ខ្លួនឡើយ ព្រោះរឿងមិនសមបំណងនឹងកើតឡើងជាបន្តបន្ទាប់ មិនចេះចប់ មិនចេះហើយ ។
ចំពោះការងារ អាជីព ពាណិជ្ជកម្ម និងភាពជោគជ័យអាចត្រូវបានរួមតូចជាងមុន ។ នៅចុងខែបីឆ្នាំ២០២២ អ្នកកើតឆ្នាំទាំងបីអាចមានអារម្មណ៍ចុះខ្សោយ ហើយថែមទាំងជួបប្រទះនឹងការថប់អារម្មណ៍រយៈពេលខ្លីផងដែរ ។
ដូច្នេះហើយតាមក្បួនហោរាសាស្ត្រចិនប្រចាំឆ្នាំ២០២២ អ្នកឆ្នាំទាំងបីត្រូវចេះអត់ធ្មត់ដោយសុទិដ្ឋិនិយមជាទីបំផុត ទើបមិនមានបញ្ហាវែងឆ្ងាយ ។ នៅចុងខែនេះដែរ អ្នកនឹងរងការខូចខាតសម្ភារតិចតួចដោយមិនអាចចៀសវាងបាន ប៉ុន្តែវានឹងត្រូវជំនួសដោយរបស់ម្យ៉ាងផ្សេងទៀតមកវិញដើម្បីលួងចិត្តអ្នកឱ្យស្រាកស្រាន្តបន្តិច ។
បើទោះបីជាអ្នកឆ្នាំទាំងបីអាចទទួលរងនូវការលំបាក និងការបរាជ័យមួយចំនួនក៏ដោយ ជាក់ស្តែងរាសីមិនល្អរបស់អ្នកនៅចុងខែបីឆ្នាំ ២០២២នេះ មិនមានរយៈពេលវែងទេ ព្រោះបន្ទាប់ពីព្យុះភ្លៀង អ្នកនឹងទទួលបានសុភមង្គលមកវិញនៅខែបន្ទាប់ រីឯការបណ្ដាក់ទុននានាក៏នឹងងើបប្រសើរឡើងវិញដែរ ៕ សាន សារិន
ចែករំលែកព័តមាននេះ