រាជធានីភ្នំពេញ ៖ ប្រភេទជំងឺមួយចំនួន ដែលតម្រូវការបច្ចេកទេស និងបច្ចេកវិទ្យាវិភាគវេជ្ជសាស្ត្រគ្រប់ជ្រុងជ្រោយ មុននឹងធ្វើរោគវិនិច្ឆ័យឱ្យបានប្រាកដច្បាស់លាស់ជាពិសេសមុននឹងសម្រេចធ្វើការវះកាត់បាន ឬមិនបាន ។
រាជធានីភ្នំពេញ ៖ ប្រភេទជំងឺមួយចំនួន ដែលតម្រូវការបច្ចេកទេស និងបច្ចេកវិទ្យាវិភាគវេជ្ជសាស្ត្រគ្រប់ជ្រុងជ្រោយ មុននឹងធ្វើរោគវិនិច្ឆ័យឱ្យបានប្រាកដច្បាស់លាស់ជាពិសេសមុននឹងសម្រេចធ្វើការវះកាត់បាន ឬមិនបាន ។ អេម៉ូស្តាស (hémostase) គឺជាការចូលរួមដោយយន្តការជាលក្ខណៈធម្មជាតិជាច្រើននិងសាំញាំុ ដើម្បីធានាបានការការពារនូវវិបត្តិហូរឈាមដោយឯកឯង និងបញ្ឈប់ការហូរឈាមនៅពេលមានរបួសសរសៃឈាម ។
១-រោគសញ្ញាការហូរឈាម (maladies hémorragiques) ៖ ឡើងកន្ទួលក្រហមលើស្បែក ជាំលើស្បែក ការហូរឈាមតាមច្រមុះ និងតាមអញ្ចាញធ្មេញ បន្ទោរបង់ឈាម ឈាមរដូវច្រើនជាដើម ។
២-រោគសញ្ញាការកកស្ទះសរសៃឈាម (maladies thrombotiques) ៖ ស្ទះសរសៃឈាមអាក់ទែ ឬសរសៃឈាមវ៉ែន ជាពិសេសសរសៃឈាមបេះដូង សរសៃឈាមសួត សរសៃឈាមខួរក្បាល និងសរសៃឈាមអវយវ: ។
៣-ប្រភពជំងឺដែលទាក់ទងទៅនឹងការហូរឈាម ឬបញ្ហាឈាមកក -ជំងឺគ្រាប់ឈាមប្លាកែត (thrombopénie ou thrombopathie -ជំងឺកង្វះកត្តាឈាមកក (déficit facteur de coagulation) -ជំងឺអេម៉ូហ្វីលី A ឬ B (hémophilis A ou B) -ជំងឺកង្វះហ្វីព្រីណូហ្សែន (dysfibrinogénémie) -ជំងឺកង្វះវីតាមីន K (déficit en Vitamine K) -ជំងឺស្ទះសរសៃឈាម (thrombose) -ជំងឺថ្លើម (insuffisance hépatique) -ជំងឺខ្សោយតម្រងនោម (insuffisance rénale) -ការប្រើប្រាស់ថ្នាំដូចជា Aspirine, Anti-vitamine K, Héparine ៤-ការធ្វើវិភាគស្វែងរកវិបត្តិអេម៉ូសា្តស (trouble de l’hémodtase) សំដៅប្រយោជន៍៖
-ដើម្បីរករោគវិនិច្ឆ័យជំងឺហូរឈាម ឬបញ្ហាឈាមកក ។ -វាយតម្លៃការហូរឈាមមុននឹងធ្វើការវះកាត់ (Bilan pré opératoire) ។ -វាយតម្លៃការប្រើប្រាស់ថ្នាំឈាមរាវ (Analyse des prises médicamenteuses) ។
បញ្ជាក់ថា ដោយសារមានតម្រូវការចាំបាច់ក្នុងការផ្តល់ជូនសេវាវិភាគកម្រិតខ្ពស់ទាំងគុណភាព និងប្រសិទ្ធភាព មន្ទីរពិសោធន៍វិភាគវេជ្ជសាស្ដ្រ ផ្នែកឯកទេសឈាមនៃមន្ទីរពេទ្យកាល់ម៉ែត សម្រេចបាននូវការបំពាក់ឧបករណ៍វេជ្ជសាស្ត្រកម្រិតបច្ចេកវិទ្យាខ្ពស់ ម៉ាស៊ីន Sysmex CA 600 Series ព្រមជាមួយនឹងប្រតិបត្តិករ ដោយមានកិច្ចសហការផលិតពីប្រទេសជប៉ុន ។ ផ្នែកនេះផ្ទាល់អាចបម្រើសេវាផ្តល់ជូនលទ្ធផលពាក់ព័ន្ធនឹងជំងឺមកពីវិបត្តនៃការហូរឈាម ឬឈាមកក បានយ៉ាងឆាប់រហ័ស ជាមួយនឹងប្រសិទ្ធភាពស្តង់ដាសកល ។ «វិភាគទាន់ពេល ដោយភាពច្បាស់លាស់ នាំមកនូវការព្យាបាលមួយ ប្រកបដោយប្រសិទ្ធភាព និងទំនុកចិត្ត ៕
ចែករំលែកព័តមាននេះ