អត្រាលុយរៀលខ្សោយកម្លាំងជាងដុល្លារអូស្ត្រាលី
- ភ្នំពេញ
រាជធានីភ្នំពេញ ៖ អត្រាប្រាក់រៀលខ្មែរបានធ្លាក់ចុះបន្តិចធៀបនឹងប្រាក់ដុល្លារអូស្ត្រាលី ។ ធនាគារជាតិនៃកម្ពុជា នៅថ្ងៃទី ២៣ ខែកុម្ភៈ ឆ្នាំ ២០២២…
រាជធានីភ្នំពេញ ៖ អត្រាប្រាក់រៀលខ្មែរបានធ្លាក់ចុះបន្តិចធៀបនឹងប្រាក់ដុល្លារអូស្ត្រាលី ។ ធនាគារជាតិនៃកម្ពុជា នៅថ្ងៃទី ២៣ ខែកុម្ភៈ ឆ្នាំ ២០២២ នេះឱ្យដឹងថា ១ ដុល្លារអូស្ត្រាលី ទិញចូល ២៩៣៨ រៀល ហើយលក់ចេញរហូតដល់ទៅ ២៩៦៨ រៀលឯណោះ ខណៈថ្ងៃម្សិលមិញ ទិញចូលត្រឹមតែ ២៩២១ រៀល និងលក់ចេញតែ ២៩៥០ រៀលប៉ុណ្ណោះ ។
ទន្ទឹមនេះ សូមមកតាមដានហាងឆេងប្រាក់រៀលខ្មែរធៀបនឹងប្រាក់ប្រទេសសំខាន់ៗមួយចំនួនទៀតដែលរួមមាន ៖ ១ ដុល្លារអាមេរិក ស្មើនឹង ៤០៦៦ រៀល, ១ អឺរ៉ូ ទិញចូល ៤៦០៦ រៀល លក់ចេញ ៤៦៥២ រៀល និង ១ យន់ចិន ទិញចូល ៦៤៣ រៀល លក់ចេញ ៦៤៩ រៀល ។
ថ្ងៃនេះដែរ ១០០ យ៉េនជប៉ុន ទិញចូល ៣៥៣៣ រៀល លក់ចេញ ៣៥៦៨ រៀល ខណៈ ១០០ វុនកូរ៉េ ទិញចូល ៣៤១ រៀល លក់ចេញ ៣៤៤ រៀល និង ១ ដុល្លារស៊ីងហ្គាពួរ ទិញចូល ៣០២២ រៀល លក់ចេញ ៣០៥៣ រៀល ។ ជាមួយគ្នានេះ ១ បាតថៃ ទិញចូល ១២៥ រៀល លក់ចេញ ១២៧ រៀល និង ១០០០ ដុងវៀតណាម ទិញចូល ១៧៨ រៀល លក់ចេញ ១៨០ រៀល ៕
ចែករំលែកព័តមាននេះ