រាជធានី​ភ្នំពេញ ​៖ ប្រសិនបើ​ចង់​ទទួលទាន​ស្រា ស ដែល​មាន​រសជាតិ​តែ​មួយ​គត់​ក្នុង​លោកនោះ​ អ្នក​ពិចារណា ស្រា ស ឬ Vodka ដែល​មានឈ្មោះ​ថា Billionaire Vodka នេះ​បាន​ ។ ជា​ធម្មតា​របស់របរ​ប្រើប្រាស់ សម្ភារ ឬ​គ្រឿង​បរិភោគ​ជា​ច្រើនដែល​មាន​តម្លៃ​ថ្លៃ​បំផុត​ក្នុង​លោក គឺ​មិនមែន​គេ​គិតតែ​លើ​គុណភាព ឬ​រសជាតិ​របស់​វា​នោះ​ទេ គឺ​វា​ត្រូវ​បាន​ផលិត​ឡើង​ដោយ​ការ​ច្នៃប្រឌិត​ខ្ពស់ និង​មាន​តែ​មួយ​គត់​ក្នុង​លោក ក៏​ព្រោះថា ​វត្ថុ​ទាំងនោះ​ត្រូវ​បាន​រចនា ​និង​តុបតែង​ដោយ​ស្រោប​វត្ថុ​មាន​តម្លៃ​ជា​ច្រើន​លើ​វា ដូច​ជា ៖ ត្បូង​មាន​តម្លៃ ត្បូង​ពេជ្រ និងមាស​សុទ្ធ ជាដើម ​។

Billionaire Vodka បាន​ក្លាយជា​ស្រា ស ​ដែល​មាន​តម្លៃ​ថ្លៃ​បំផុត​ក្នុង​លោក ១​ ដប តម្លៃ 3.7 លាន​ដុល្លារ​អា​មេ​រិ​ក ។ Billionaire Vodka មួយ​ដប វា​មាន​ចំណុះ ៥ លី​ត្រ និង​តួខ្លួន​របស់​វា​ស្រោប​ដោយ​ត្បូង​ពេជ្រ​សុទ្ធ​ចំនួន ៣,០០០ គ្រាប់ រួម​ទាំង​ត្បូង​គ្រី​ស្ទាល់​ដែល​ថ្លៃ​បំផុត (Swarovski crystals) ​ជា​ច្រើន​ទៀត​ផង​ដែរ ។ Vodka នេះ​រចនា​ឡើង​ដោយ​សេដ្ឋី Leon Verre ។ វា​ជា​ស្រា ស ​ដែល​បាន​ផលិត​ឡើង​ល្អ​ឥត​ខ្ចោះ ដោយ​គេ​បាន​ប្រើ​ពាក្យស្លោក​មួយ​ថា «​វា​ គឺ​ល្អ​ដើម្បី​ក្លាយជា​ស្តេច​» ។ Vodka ដែល​មាន​ជាតិ​អាល់កុល​នេះ ត្រូវ​បាន​ធ្វើ​ដោយ​ដៃ និង​តម្រូវ​ទៅ​តាម​អ្នក​ចង់បាន ដប​នីមួយ​ៗ​ប្រើ​រូបមន្ត​សម្ងាត់​ពិសេស​បំផុត​របស់​រុ​ស្សី ហើយ​ត្រូវ​បាន​បំបែក​ជា​រសជាតិ​តូច​ៗ​ផ្សេង​ៗ ដើម្បី​ធានា​បាន​នូវ​ភាព​ផ្តាច់មុខ ។

សរុបសេចក្តី​មក​ទាំង​រសជាតិ​មាន​តែ​មួយ​គត់ និង​ការ​ស្រោប​ពេជ្រ​សុទ្ធ ត្បូង​គ្រី​ស្ទាល់​ដ៏​មាន​បំផុត បាន​ធ្វើ​អោយ Billionaire Vodka ក្លាយជា​ម្ចាស់​ពាន​ស្រា Vodka ថ្លៃ​បំផុត​ក្នុង​លោក ៕ ប្រភព ​៖ Wealthy Gorilla