ភាពប្រចណ្ឌ! ប្រហា.រសង្ខារប្រពន្ធគ្មានអាសូរ រួមទាំងក្មួយគ្មានត្រាប្រណី
- ក្រចេះ
មានករណីឃាតក.ម្ម និងហិ.ង្សាដោយចេតនាមួយបានកើតឡើង បណ្ដាលឲ្យស្ដ្រីម្នាក់ស្លា.ប់ និងបុរសម្នាក់រងរបួសធ្ងន់ នៅចំណុច
ខេត្តក្រចេះ ៖ បើតាមសេចក្តីរាយការណ៍បានឱ្យដឹងថា មានករណីឃាតក.ម្ម និងហិ.ង្សាដោយចេតនាមួយបានកើតឡើង បណ្ដាលឲ្យស្ដ្រីម្នាក់ស្លា.ប់ និងបុរសម្នាក់រងរបួសធ្ងន់ នៅចំណុចឃុំថ្មអណ្ដើក ភូមិជួរក្រូច ឃុំថ្មអណ្តើក ស្រុកចិត្របុរី ខេត្តក្រចេះ កាលពីថ្ងៃទី១២ ខែកុម្ភៈ ឆ្នាំ២០២២។
សេចក្តីរាយការណ៍បន្តថា ជនសង្ស័យខាងលើមានឈ្មោះ មល់ មិន ភេទប្រុស អាយុ៥៧ឆ្នាំ មុខរបរកសិករ មានទីលំនៅភូមិ-ឃុំកើតហេតុខាងលើ ត្រូវជាប្តីរបស់ជនរងគ្រោះឈ្មោះ វាត់ អ៊ិត ស្លា.ប់នៅនឹងកន្លែងកើតហេតុ ។ ចំណែកជនរងគ្រោះម្នាក់ទៀត មានឈ្មោះ មល់ មាំង រស់នៅភូមិ-ឃុំកើតហេតុ (ត្រូវជាក្មួយរបស់ជនសង្ស័យ) ។
បើតាមប្រភពពីសមត្ថកិច្ច បានឲ្យដឹងថា នៅវេលាម៉ោង១៩និង១៥នាទីយប់ ជនរងគ្រោះឈ្មោះ មល់ មាំង រស់នៅភូមិ-ឃុំកើតហេតុខាងលើ បានដើរមកលេងផ្ទះជនសង្ស័យឈ្មោះ មល់ មិន ត្រូវជាឪពុកមា ។ គ្រានោះជនសង្ស័យក៏បបួលជនរងគ្រោះទៅផឹកស្រានៅលើធ្នើរសម្រាប់អង្គុយលេងក្បែរផ្ទះ ហើយពេលនោះប្រពន្ធរបស់ជនសង្ស័យឈ្មោះ វាត់ អ៊ិត ក៏នៅទីនោះផងដែរ ។
សមត្ថកិច្ចបន្តថា លុះពេលផឹកស្រាបានបន្តិច ជនសង្ស័យក៏បាននិយាយប្រចណ្ឌប្រពន្ធខ្លួនជាមួយជនរងគ្រោះ តែត្រូវជនរងគ្រោះបដិសេធ។ ប៉ុន្តែជនសង្ស័យនៅតែនិយាយរឿងប្រចណ្ឌប្រពន្ធខ្លួនជាមួយក្មួយដដែល និងនិយាយថា «ប្រុងវា.យជនរងគ្រោះ» តែជនរងគ្រោះពុំបានចាប់អារម្មណ៍នោះទេ ដោយគិតថា ជាឪពុកមា និងក្មួយ ស្រាប់តែរំពេចនោះ ជនសង្ស័យក៏បានយកអង្រែបុកគ្រឿង មកវា.យទៅលើក្បាលជនរងគ្រោះ បណ្ដាលឱ្យបែកក្បាលជាច្រើនកន្លែង និងសន្លប់នៅនឹងកន្លែងកើតហេតុតែម្តង។ ក្រោយមកសង្ស័យរូបនេះ ក៏បានវា.យទៅលើប្រពន្ធខ្លួនទៀត បណ្ដាលអោយដេកស្លា.ប់នៅក្បែរនោះថែមទៀត។
ក្រោយពេលកើតហេតុ រហូតដល់ថ្ងៃទី១៣ ខែកុម្ភៈ ឆ្នាំ២០២ ទើបសមត្ថកិច្ចទទួលបានព័ត៌មាន ហើយសមត្ថកិច្ចជំនាញក៏បានចុះពិនិត្យមកកន្លែងកើតហេតុ ដើម្បីស្រាវជ្រាវចាប់ឃាត់ខ្លួនជនសង្ស័យយកមកសួរនាំ ។ ហើយជនសង្ស័យក៏បានសារភាពប្រាប់សមត្ថកិច្ចថា ខ្លួនពិតជាបានវា.យទៅលើជនរងគ្រោះ (មល់ មាំង) ពិតប្រាកដមែន តែពុំបានឆ្លើយសារភាពថាខ្លួនបានវា.យទៅលើប្រពន្ធឈ្មោះវាត់ អ៊ិត នោះទេ។
បច្ចុប្បន្នជនសង្ស័យឈ្មោះ មល់ មិន ត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរបាលស្រុក ដើម្បីកសាងសំណុំរឿងបញ្ជូនទៅជំនាញខេត្តបន្តតាមនីតិវិធី ។
ចែករំលែកព័តមាននេះ