មេអាប៉ោង២នាក់ត្រូវដោះលែងឱ្យទៅផ្ទះវិញ ក្រោយសាកសួរអស់ជាច្រើនម៉ោង
- កណ្តាល
មេអាប៉ោង២នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីមិនរៀងចាល ទោះបីមានការនាំមកអប់រំជាច្រើនដងយ៉ាងណាក៏ដោយ
មេអាប៉ោង២នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីមិនរៀងចាល ទោះបីមានការនាំមកអប់រំជាច្រើនដងយ៉ាងណាក៏ដោយ
ខេត្តកណ្តាល ៖ មេអាប៉ោង២នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីមិនរៀងចាល ទោះបីមានការនាំមកអប់រំជាច្រើនដងយ៉ាងណាក៏ដោយ នៅថ្ងៃទី៧ ខែកុម្ភៈ ឆ្នាំ២០២២ ហើយត្រូវបានសមត្ថកិច្ចបញ្ជូនមកអយ្យការអមសាលាដំបូងខេត្តកណ្តាល ដើម្បីចាត់ការតាមផ្លូវច្បាប់ ស្រាប់តែលេចឮព័ត៌មានថា មានអ្នកកំពុងរត់ការដោះលែងទៅវិញ ។
ប៉ុន្តែក្រោយសាកសួរអស់រយៈពេលជាច្រើនម៉ោងរួចមក មេអាប៉ោងទាំង២នាក់ខាងលើនេះ ត្រូវបានតុលាការខេត្តកណ្តាល សម្រេចដោះលែង និងអនុញ្ញាតអោយត្រឡប់ទៅផ្ទះវិញ ។
បើតាមលោក ឯក ស៊ុនរស្មី ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងខេត្តកណ្តាល បានប្រាប់អោយដឹងនៅថ្ងៃទី០៧ ខែកុម្ភៈ ឆ្នាំ២០២២នេះថា មូលហេតុដែលលោក ហោ លីណា ព្រះរាជអាជ្ញារងអមសាលាដំបូងខេត្តកណ្តាល បានសម្រេចអោយវិលត្រឡប់ទៅផ្ទះវិញ ក្រោយពីពិនិត្យឃើញរបាយការណ៍របស់សមត្ថកិច្ចដាក់ថា «ជាអ្នកលេងល្បែងស៊ីសងខុសច្បាប់» ដោយធ្វើការសាកសួរអស់ជាច្រើនម៉ោង និងពិនិត្យលើសំណុំរឿងរួចមក ។
សូមបញ្ជាក់ថា ការបង្ក្រាបមេអាប៉ោងទាំង២នាក់នេះ ធ្វើឡើងកាលថ្ងៃទី៦ ខែកុម្ភៈ ឆ្នាំ២០២២ នៅចំណុចភូមិដីឥដ្ឋកោះផុស២ ឃុំដីឥដ្ឋ ស្រុកកៀនស្វាយ ខេត្តកណ្ដាល។
លោកវរសេនីយ៍ឯក ព្រុំ សំណាង អធិការនគរបាលស្រុកកៀនស្វាយ បានប្រាប់អោយដឹងថា ជនសង្ស័យ២នាក់ខាងលើនេះ ម្នាក់មានឈ្មោះមុំ ផល អាយុ៦៤ឆ្នាំ និងនិងម្នាក់ទៀតឈ្មោះមាស សុខហេង អាយុ៣១ឆ្នាំ ។ ចំណែគសម្ភារៈដែលចាប់យករួមមាន ៖ មេអាប៉ោងចំនួន១, ចានអាប៉ោងចំនួន២, គំរបអាប៉ោងជ័រពណ៌ក្រហម ចំនួន៣, ម៉ូតូមួយគ្រឿង និងសម្ភារៈបទល្មើសជាច្រើនទៀត ។
តាមរបាយការណ៍ពីសមត្ថកិច្ច បានអោយដឹងថា សមត្ថកិច្ចកម្លាំងផ្នែកនគរបាលយុត្តធម៌សហការជាមួយកំលាំងប៉ុស្តិ៍នគរបាលរដ្ឋបាលដីឥដ្ឋ បានល្បាតតាមភូមិសាស្ត្រស្មុគស្មាញ លុះពេលមកដល់ចំណុចកើតហេតុខាងលើ ក៏មានប្រជាពលរដ្ឋល្អបានផ្ដល់ព័ត៌មានមកថា មានមនុស្សមួយក្រុមកំពុងលេងល្បែងស៊ីសងខុសច្បាប់ គឺបាញ់អាប៉ោង។
ក្រោយពីទទួលបានព័ត៌មានភ្លាម កម្លាំងផ្នែកនគរបាលយុត្តិធម៌ស្រុកកៀនស្វាយ និងកម្លាំងប៉ុស្តិ៍នគរបាលរដ្ឋបាលដីឥដ្ឋ បានធ្វើការបង្ក្រាបទីតាំងលេងស៊ីសងនេះ និងបានឃាត់ខ្លួនជនសង្ស័យទាំង២នាក់នេះតែម្តង ។ នៅដំណាក់កាលសមត្ថកិច្ចឃាត់ខ្លួន ជនសង្ស័យបានឆ្លើយសារភាពថា ពិតជាបានបើកល្បែងស៊ីសងខុសច្បាប់ បាញ់អាប៉ោង ពិតប្រាកដមែន ៕
ចែករំលែកព័តមាននេះ