បុគ្គលិកទូកបញ្ឆេះម៉ាស៊ីន ឃើញសភាពការណ៍មិនស្រួល ស្រែកប្រាប់ភ្ញៀវឱ្យចេញពីទូកភ្លាមៗ ផ្អើ.លព្រែកកំពង់បាយ
- កំពត
ខេត្កកំពត ៖ មានករណីអគ្គិភ័យឆាបឆេះទូកទេសចរណ៍មួយគ្រឿងបង្កការភ្ញាក់ផ្អើលកាលពីយប់ថ្ងៃទី៦ ខែកុម្ភៈ ឆ្នាំ
ខេត្កកំពត ៖ មានករណីអគ្គិភ័យឆាបឆេះទូកទេសចរណ៍មួយគ្រឿងបង្កការភ្ញាក់ផ្អើលកាលពីយប់ថ្ងៃទី៦ ខែកុម្ភៈ ឆ្នាំ
ខេត្កកំពត ៖ មានករណីអគ្គិភ័យឆាបឆេះទូកទេសចរណ៍មួយគ្រឿងបង្កការភ្ញាក់ផ្អើលកាលពីយប់ថ្ងៃទី៦ ខែកុម្ភៈ ឆ្នាំ២០២២ ត្រង់ចំណុចចំណតទូកដឹកភ្ញៀវទេសចរ ស្ថិតក្នុងទឹកដីភូមិទ្វីខាងត្បូង សង្កាត់អណ្តូងខ្មែរ ក្រុងកំពត ខេត្តកំពត ។
លោកវរសេនីយ៍ឯក ហោ វណ្ណា អធិការនគរបាលក្រុងកំពត បានប្រាប់ឱ្យដឹងថា កាលពីវេលាម៉ោង៨និង៣០នាទីយប់ថ្ងៃទី៦ ខែកុម្ភៈ លោកបានទទួលព័ត៌មានពីករណីភ្លើងឆាបឆេះទូកទេសចរណ៍ឈ្មោះវីបូឡា ពេលបម្រុងដឹកភ្ញៀវកម្សាន្តតាមដងព្រែកកំពង់បាយ ។ ភ្លាមៗ នោះលោកបានរាយការណ៍ជូនលោកស្នងការខេត្តដើម្បីសុំកម្លាំងជំនួយ និងរថយន្តពន្លត់អគ្គីភ័យអន្តរាគមន៍ក្នុងករណីនេះ។ ដោយចំណាយពេលជាងមួយម៉ោង និងប្រើប្រាស់រថយន្តពន្លត់អគ្គិភ័យចំនួន២គ្រឿងរបស់ស្នងការដ្ឋាន ចំណាយទឹកអស់៣ស៊ីទែន ទើបភ្លើងក៏បានរលត់ទៅវិញជាស្ថាពរ។
លោកអធិការបានបន្តថា តាមរយៈការសួរនាំមេការទូកវីបូឡា បានប្រាប់ឱ្យដឹងថា មុនពេលកើតហេតុ គឺអ្នកបម្រើការងារម្នាក់បានចុះទៅក្នុងឃ្លុបបញ្ឆេះម៉ាស៊ីនភ្លើងបំភ្លឺ ដើម្បីដឹកភ្ញៀវទេសចរចេញដំណើរលំហែកម្សាន្ត។ ស្របពេលនោះស្រាប់តែមានភ្លើងឆាបឆេះ ដែលករណីនេះអាចបណ្តាលមកពីមានប្រេងកំពប់ក្បែរម៉ាស៊ីនភ្លើង ទើបស្រែកប្រាប់ភ្ញៀវឱ្យនាំគ្នាចាកចេញពីទូកភ្លាមៗ។
លោកអធិការបានបញ្ជាក់ថា នេះគ្រាន់តែជាការបញ្ជាក់បឋមពីអ្នកមើលការទូកកើតហេតុប៉ុណ្ណោះ ចំពោះរឿងរ៉ាវលម្អិតយ៉ាងណា សមត្ថកិច្ចនឹងតាមដានស្រាវជ្រាវបន្តទៀត ។ ទំហំនៃការខូចខាតក៏មិនទាន់ដឹងនៅឡើយ ។ ដោយឡែកភ្ញៀវទេសចរ ក៏ដូចជាអ្នកបម្រើការងារនៅលើទូកទាំងអស់មិនមានអ្នកណាម្នាក់រងគ្រោះថ្នាក់ក្នុងហេតុការណ៍នេះទេ ៕
ចែករំលែកព័តមាននេះ