ថៅកែឡានដឹកដីត្រូវគេចោទថា ខ្លាំងជាងតោ… សង្ស័យគ្មានអ្នកណាហ៊ាន?
- សៀមរាប
ប្រធានសហគមន៍នេសាទចុង ឃ្នៀស ប្តឹងថៅកែរណ្តៅដីពីបទហិ.ង្សាដោយ ចេតនា និងពីបទប៉ុនប៉ងមនុស្សឃា.ត ទៅសមត្ថកិច្ច និងទាមទារជំងឺចិត្តចំនួន២ម៉ឺនដុល្លារ
ខេត្តសៀមរាប ៖ ប្រធានសហគមន៍នេសាទចុង ឃ្នៀស ប្តឹងថៅកែរណ្តៅដីពីបទហិ.ង្សាដោយ ចេតនា និងពីបទប៉ុនប៉ងមនុស្សឃា.ត ទៅសមត្ថកិច្ច និងទាមទារជំងឺចិត្តចំនួន២ម៉ឺនដុល្លារ។
ការប្តឹងនេះ គឺបន្ទាប់ពីថៅកែជីករណ្តៅដីរូបនោះ បានប្រើអំពើហិ.ង្សាដោយវាយដំទៅលើរូបគាត់ បណ្តាលឱ្យរងរបួស កាលពីល្ងាចថ្ងៃទី២ ខែកុម្ភៈ ឆ្នាំ២០២២ នៅចំណុចកុងត្រូលផ្លូវចូលបឹងពារាំង ខណៈពេលឡានដឹកដីមិនបានបាញ់ទឹកបង្កឱ្យមានការហុយខ្លាំង ហើយរូបគាត់សុំអាជ្ញាធរបិទផ្លូវជាបណ្តោះអាសន្ន (បិទកុងត្រូល)។
លោក ហាប់ ដា ប្រធានសហគមន៍នេសាទចុង ឃ្នៀស បានរៀបរាប់ប្រាប់ថា រូបលោកជាប្រធានសហគមន៍ ដែលទទួលស្គាល់ដោយអាជ្ញាធរក្រុង-ខេត្ត និងក្រសួង ក្នុងការការពារព្រៃលិចទឹកក្នុងតំបន់។ ចំពោះការជីកដឹកជញ្ជូនដីពីការជីកស្តារក្នុងបឹងពារាំង ទៅកាន់តំបន់ផ្សេង មិនពាក់ព័ន្ធរូបលោកឡើយ។ ប៉ុន្តែក្នុងនាមសហគមន៍ អាជ្ញាធរបានផ្តល់សិទ្ធិឱ្យមើលខុសត្រូវផ្លូវ ក៏ដូចជាការប៉ះពាល់ដល់សុខុមាលភាពការរស់នៅរបស់ប្រជាពល រដ្ឋ។
លោកប្រធានសហគមន៍នេសាទចុងឃ្នៀស រៀបរាប់បន្តថា មុនកើតហេតុ រយៈ៣ថ្ងៃក្រុមហ៊ុន សាន្ត រដ្ឋស៊ីង បានដឹកជញ្ជូនដីដោយមិនមានការបាញ់ទឹកលើដងផ្លូវបង្កឱ្យមានការហុយខ្លាំង បើទោះបីខាងលោកតម្រូវឱ្យមានការបាញ់ទឹកជាមុន ក៏មិនព្រម។ លុះនៅថ្ងៃកើតហេតុ ការដឹកជញ្ជូនដីកាន់តែបង្កឱ្យមានការហុយខ្លាំង ទើបខាងលោកសុំឱ្យមានការបាញ់ទឹក បើមិនដូច្នេះទេនឹងបញ្ឈប់សកម្មភាពដឹកដីតទៅទៀត។
លោកបន្តថា ដោយសារក្រុមហ៊ុនខាងលើ នៅតែបំពានមិនព្រមបាញ់ទឹក តាមស្មារតីអង្គប្រជុំ នៅសង្កាត់ជ្រាវ ស្តីពីការបាញ់ស្រោចទឹកជាប្រចាំលើដងផ្លូវ រូបលោកក៏សុំការអនុញ្ញាតិពីអាជ្ញាធរ បិទកុងត្រូល ដើម្បីដោះស្រាយគ្នាសិន ។ ប៉ុន្តែក្នុងពេលកំពុងរកដំណោះស្រាយនោះ ឈ្មោះ សាន្ត រដ្ឋស៊ីង ជាថៅកែគ្រឿងចក្រ និងរណ្តៅដី បានបើករថយន្តមកដល់ ហើយក៏វាយមកលើរូបលោកចំនួន២ដៃ បណ្តាលឱ្យរងរបួស ថែមទាំងគំរា.មចាក់សម្លា.ប់ដោយកាំបិតស្រួច និងគំរា.មបើកគ្រឿងចក្រកិនសម្លា.ប់ថែមទៀត។ ករណីនេះហើយ ទើបរូបលោកប្តឹងទៅសមត្ថកិច្ចនគរបាលពីបទហិ.ង្សាដោយចេតនា និងបទប៉ុនប៉ងមនុស្សឃា.ត ដោយទាមទារសំណង២ម៉ឺនដុល្លារ។
ប្រធានសហគមន៍នេសាទរូបនេះ បានបញ្ជាក់ថា ករណីហិ.ង្សា និងប៉ុនប៉ងមនុស្សឃា.តនេះ រូបលោកសុំឱ្យស្ថាប័នច្បាប់អនុវត្តតាមនីតិវិធី ដោយមិនមានការសម្របសម្រួលឡើយ។
ចំណែកលោក សិន ណារិទ្ធ ថៅកែជីករណ្តៅដីវិញ ក៏បានបញ្ជាក់ផងដែរថា ក្រុមគ្រឿងចក្រជីករណ្តៅដីរបស់លោក មិនមានរឿងជម្លោះជាមួយក្រុមហ៊ុន សាន្ត រដ្ឋស៊ីង ក៏ដូចជា សហគមន៍ នេសាទចុង ឃ្នៀសនោះទេ ហើយរណ្តៅដីរបស់លោកនៅចម្ងាយជាង២គីឡូម៉ែត្រ ពីទីតាំងកើតហេតុ។ ដូច្នេះនេះជារឿងសហគមន៍ និងក្រុមហ៊ុន សាន្ត រដ្ឋស៊ីង តែប៉ុណ្ណោះ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ៕
ចែករំលែកព័តមាននេះ