ឆ្ងល់? ចាប់៦នាក់ ហេតុអ្វីដោះលែងវិញ៤នាក់
ខេត្តព្រៃវែង ៖ កម្លាំងអធិការដ្ឋាននគរបាលស្រុកពាមរក៍ព័ទ្ធចាប់បានជនសង្ស័យពាក់ព័ន្ធថ្នាំញៀនមួយក្រុមមានគ្នា៦នាក់ រួមជាមួយវត្ថុតាងថ្នាំញៀនប្រភេទម្ស៉ៅក្រាមពណ៌សចំនួន៣កញ្ចប់ធំ
ខេត្តព្រៃវែង ៖ កម្លាំងអធិការដ្ឋាននគរបាលស្រុកពាមរក៍ព័ទ្ធចាប់បានជនសង្ស័យពាក់ព័ន្ធថ្នាំញៀនមួយក្រុមមានគ្នា៦នាក់ រួមជាមួយវត្ថុតាងថ្នាំញៀនប្រភេទម្ស៉ៅក្រាមពណ៌សចំនួន៣កញ្ចប់ធំ
ខេត្តព្រៃវែង ៖ កម្លាំងអធិការដ្ឋាននគរបាលស្រុកពាមរក៍ព័ទ្ធចាប់បានជនសង្ស័យពាក់ព័ន្ធថ្នាំញៀនមួយក្រុមមានគ្នា៦នាក់ រួមជាមួយវត្ថុតាងថ្នាំញៀនប្រភេទម្ស៉ៅក្រាមពណ៌សចំនួន៣កញ្ចប់ធំ និង៣កញ្ចប់តូច បញ្ជូនទៅកាន់អធិការដ្ឋានបានតែមួយយប់ស្រាប់តែដោះលែង៤នាក់ នៅសល់តែ២នាក់បញ្ជូនបន្តទៅកាន់ស្នងការដ្ឋាននគរបាលខេត្ត ។
សកម្មភាពចុះពទ្ធ័ចាប់ក្រុមអ្នកចែកចាយថ្នាំញៀននេះបានធ្វើឡើងកាលពីរសៀលថ្ងៃទី១៦ ខែកក្កដា ឆ្នាំ២០១៦ នៅផ្ទះជនសង្ស័យដែលស្ថិតក្នុងភូមិ៦ ឃុំព្រែកខ្សាយ(ខ) ស្រុកពាមរក៍ ដោយសមត្ថកិច្ចបានធ្វើការឃាត់ខ្លួនមនុស្សចំនួន៦នាក់ ប្រុស៣នាក់ស្រី៣នាក់ នាំទៅកាន់អធិការដ្ឋានបន្ទាប់ពីឆែកឆេររកឃើញថ្នាំញៀននៅក្នុងផ្ទះនោះ។
ប៉ុន្តែអ្វីដែលគួរឲ្យចាប់អារម្មណ៍នោះ គឺនៅក្នុងពេលចូលឆែកឆេរផ្ទះខាងលើនេះសមត្ថកិច្ចបានហាមឃាត់មិនឲ្យអ្នកសារព័ត៌មានចូលថតយករូបភាពនៃសកម្មភាពឆែកឆេរក្នុងផ្ទះនោះទេ ហើយក្រោយពេលចាប់ឃាត់ខ្លួនមនុស្សទាំង៦នាក់បញ្ជូនទៅដល់អធិការដ្ឋាននគរបាលស្រុកពាមរក៍ បានតែ១ថ្ងៃ១យប់ ស្រាប់តែមនុស្សចំនួន៤នាក់ត្រូវបានគេដោះលែងឲ្យត្រឡប់មកផ្ទះវិញ នៅសល់តែមនុស្សប្រុស២នាក់ប៉ុណ្ណោះដែលត្រូវបានបញ្ជូនបន្តទៅកាន់ស្នងការខេត្ត ដែលបុរសទាំង២នាក់នោះ ១-ឈ្មោះ ចិន ហឿង អាយុ៣២ឆ្នាំ មានទីលំនៅក្នុងភូមិធំ ឃុំអង្គររាជ្យ ស្រុកព្រះស្តេច ខេត្តព្រៃវែង និង ២-ឈ្មោះ ហ៊ាង ហុកកាង ហៅតាំ អាយុ៣០ឆ្នាំ ជាម្ចាស់ផ្ទះដែលត្រូវព័ទ្ធចាប់ ។
ពាក់ព័ន្ធនឹងការដោះលែងមនុស្សទាំង៤នាក់ខាងលើនេះ ត្រូវបានលោក សេង ពន្លក អធិការនគរបាលស្រុកពាមរក៍ ប្រាប់ឲ្យដឹងថា មូលហេតុគឺដោយសារមនុស្ស៣នាក់ក្នុងចំណោម៤នាក់នោះគ្រាន់តែជាអ្នកជិតខាងដែលមុនពេលសមត្ថកិច្ចចូលទៅឡោមព័ទ្ធផ្ទះនោះ ពួកគេបានចូលទៅអង្គុយលេងក្នុងផ្ទះនោះ គឺមិនមានជាប់ពាក់ព័ន្ធក្នុងរឿងថ្នាំញៀនអ្វីទេ ចំណែកស្ត្រីម្នាក់ទៀតឈ្មោះ ង៉ូវ គឹមលាង អាយុ៦៧ឆ្នាំ មានជាប់ពាក់ព័ន្ធព្រោះជាម្ចាស់ផ្ទះ ប៉ុន្តែដោយយោងហេតុផលថា មានវ័យចាស់ណាស់ទៅហើយ ទើបលោកព្រះរាជអាជ្ញាឲ្យដោះលែងទៅវិញ មិនមែនប៉ូលិសលែងដោយចិត្តឯងនោះទេ ។
ទោះជាយ៉ាងណាក៏ដោយ ជុំវិញរឿងរ៉ាវនៃការដោះលែងមនុស្សទាំងនេះបានធ្វើឲ្យសាធារណជនមានការចាប់អារម្មណ៍ជាខ្លាំង និងបានក្លាយទៅជាប្រធានបទយកទៅជជែកវែកញែកស្ទើរគ្រប់រោងកាហ្វេ ហើយភាគច្រើនបានដាក់បន្ទុកថា អាចមានការពាក់ព័ន្ធនឹងរឿងលុយកាក់ជាថ្នូរនឹងការដោះលែងថែមទៀតផង តែការពិតវាយ៉ាងណាមានតែលោកប៉ូលីសទេទើបដឹង ៕
ចែករំលែកព័តមាននេះ