មេការ និងកម្មករទាស់សម្តីគ្នាម្តង លុះ១ថ្ងៃក្រោយមកបើកឆាកប្រយុទ្ធផ្អើ.ល
- កណ្តាល
ខេត្តកណ្តាល ៖ អំពើហិ.ង្សាមួយបានកើតឡើង ដោយសារគំនុំចាស់ ធ្វើឲ្យជនសង្ស័យ២នាក់ ជាកម្មករសំណង់ បានវា.យទៅលើជន
ខេត្តកណ្តាល ៖ អំពើហិ.ង្សាមួយបានកើតឡើង ដោយសារគំនុំចាស់ ធ្វើឲ្យជនសង្ស័យ២នាក់ ជាកម្មករសំណង់ បានវា.យទៅលើជន
ខេត្តកណ្តាល ៖ អំពើហិ.ង្សាមួយបានកើតឡើង ដោយសារគំនុំចាស់ ធ្វើឲ្យជនសង្ស័យ២នាក់ ជាកម្មករសំណង់ បានវា.យទៅលើជនរងគ្រោះ ជាកម្មករសំណង់ដូចគ្នាពីរនាក់ទៀត បណ្ដាលឲ្យរងរបួស ត្រូវនគរបាលស្រុកស្អាងធ្វើការឃាត់ខ្លួន ។
ហេតុការណ៌ខាងលើនេះបានកើតឡើងកាលពីវេលាម៉ោង២និង១០នាទីរសៀលថ្ងៃទី៣០ ខែមករា ឆ្នាំ២០២២ នៅចំណុចការដ្ឋានមណ្ឌលកែប្រែ ស្ថិតភូមិទួលសុភី ឃុំព្រែកគយ ស្រុកស្អាង ខេត្តកណ្តាល ។
នគរបាលស្រុកស្អាងបានអោយដឹងថា ជនរងគ្រោះទាំង២នាក់ ក្នុងនោះម្នាក់ឈ្មោះ ភុយ ពេជ ភេទប្រុស អាយុ៣០ឆ្នាំ មុខរបរមេការក្នុងការដ្ឋាន មានទីលំនៅស្នាក់នៅភូមិទួលសុភី ឃុំព្រែកគយ ស្រុកស្អាង ខេត្តកណ្តាល និងម្នាក់ទៀតឈ្មោះ លុយ ប៊ុនធឿន ភេទប្រុស អាយុ៣២ឆ្នាំ មុខរបរកម្មករសំណង់ មានទីលំនៅភូមិកំពង់ពោធិ៍ត្បូង ឃុំក្រាំងយ៉ូវ ស្រុកស្អាង ខេត្តកណ្ដាល ។
ចំណែកជនសង្ស័យទាំង២នាក់ ក្នុងនោះម្នាក់ឈ្មោះ អ៊ុន ដារ៉ា ភេទប្រុស អាយុ២៣ឆ្នាំ មុខរបរជាងដែក ទីលំនៅស្នាក់នៅភូមិទួលសុភី ឃុំព្រែកគយ ស្រុកស្អាង ខេត្តកណ្តាល និងម្នាក់ទៀតឈ្មោះ វង្ស ទួ ភេទប្រុស អាយុ២០ឆ្នាំ មុខរបរកម្មករសំណង់ មានទីលំនៅស្នាក់នៅភូមិទួលសុភី ឃុំព្រែកគយ ស្រុកស្អាង ខេត្តកណ្ដាល ។
នគរបាលបានអោយដឹងទៀតថា មុនពេលកើតហេតុ នៅវេលាម៉ោង៨យប់ថ្ងៃទី២៩ ខែមករា ឆ្នាំ២០២២ ឈ្មោះ ភុយ ពេជ និងឈ្មោះ អ៊ុន ដារ៉ា បានទាស់ពាក្យសម្ដីគ្នាម្ដងរួចមកហើយ រៀបនឹងបានប្រើហិ.ង្សាដាក់គ្នាទៅហើយ តែត្រូវបានកម្មករនៅក្នុងការដ្ឋានជាមួយគ្នាឃាត់ ហើយបានចូលដេករៀងៗខ្លួន ។
តាមប្រភពដដែលបានបន្តថា លុះនៅវេលាម៉ោង២និង១០នាទីរសៀលថ្ងៃទី៣០ ខែមករា ឆ្នាំ២០២២ ឈ្មោះ ភុយ ពេជ បានដើរចេញពីការដ្ឋានមកក្រៅដើម្បីមកទិញម្ហូបហូបបាយ ក៏បានជួបឈ្មោះ អ៊ុន ដារ៉ា និងឈ្មោះ វង្ស ទួ បានជិះម៉ូតូកាត់មុខរួចបានរោទិ៍សំឡេងម៉ូតូខ្លាំងៗធ្វើការឌឺដងដាក់ឈ្មោះ ភុយ ពេជ រួចហើយបានបបួលឈ្មោះ ភុយ ពេជ វ៉ៃគ្នាទៀត តែឈ្មោះ ភុយ ពេជ មិនបានតបតទៅវិញទេ រួចហើយបានដើរទៅទិញកន្លែងលក់ម្ហូប ។ ពេលនោះជនសង្ស័យទាំងពីរ ក៏តាមឈ្មោះ ភុយ ពេជ ទៅដល់កន្លែងលក់ម្ហូបទៀត ហើយបន្ទាប់មកក៏បានទាក់ពាក្យសម្ដីគ្នា បន្ទាប់មកជនសង្ស័យទាំងពីរបាននាំគ្នាព្រួតវា.យទៅលើឈ្មោះ ភុយ ពេជ ក្រោយមកឈ្មោះ ភុយ ពេជ បានរត់ចូលទៅក្នុងការដ្ឋានហើយស្រែកអោយមិត្តភក្តិរបស់ខ្លួនជួយ ។ ពេលនោះឈ្មោះ លុយ ប៊ុនធឿន និង ឈ្មោះ ស៊ី ម៉េងហាក់ បានរត់ទៅជួយតែត្រូវបានឈ្មោះ អ៊ុន ដារ៉ា យកដុំថ្មគប់សំដៅទៅលើឈ្មោះ លុយ ប៊ុនធឿន ត្រូវចំក្បាលបែ.កឈា.មដួលសន្លប់ទៅនឹងលើដី រួចហើយឈ្មោះ អ៊ុន ដារ៉ា និង ឈ្មោះ វង្ស ទួ បាននាំគ្នារត់ចូលទៅក្នុងការដ្ឋាន ក៏ត្រូវបានកម្មករក្នុងការដ្ឋានចាប់ខ្លួនប្រគល់ជូនសមត្ថកិច្ច ។
ពេលទទួលបានព័ត៌មានខាងលើនេះភ្លាម កម្លាំងប៉ុស្តិ៍នគរបាលរដ្ឋបាលព្រែកគយបានចុះទៅដល់កន្លែងកើតហេតុ រួចបាននាំខ្លួនជនសង្ស័យទាំងពីរ បញ្ជូនមកអធិការដ្ឋាននគរបាលស្រុកស្អាងដើម្បីកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ