ADផ្ទាំងផ្សព្វផ្សាយពាណិជ្ជកម្ម

Picture

​សមាគមមិត្តនគរបាលជាតិកម្ពុជា នាំ​យកថវិកា ចំនួន ៦លានរៀន ប្រគល់ជូនគ្រួសារសព​​នាយប៉ុស្តិ៍​ឃុំ​បុស្បូវ

3 ខែ មុន
  • បន្ទាយមានជ័យ

ភ្នំពេញ៖ ដើម្បីអនុវត្តតាមលក្ខន្តិកៈរបស់គណៈកម្មាធិការកណ្តាល សមាគមមិត្តនគរបាលជាតិកម្ពុជា ​នៅរសៀលថ្ងៃទី២៧ ខែមករា ឆ្នាំ​២០២២ លោកឧត្តមសេនីយ៍ត្រី វង្ស វិត ស្នងការរង…

ភ្នំពេញ៖ ដើម្បីអនុវត្តតាមលក្ខន្តិកៈរបស់គណៈកម្មាធិការកណ្តាល សមាគមមិត្តនគរបាលជាតិកម្ពុជា ​នៅរសៀលថ្ងៃទី២៧ ខែមករា ឆ្នាំ​២០២២ លោកឧត្តមសេនីយ៍ត្រី វង្ស វិត ស្នងការរង ទទួលផែនការងារធនធានមនុស្ស ជាអនុប្រធាន​គណៈកម្មាធិការ​មូលដ្ឋាន​សមាគមមិត្តនគរបាលជាតិកម្ពុជា បាននាំយកថវិការបស់សមាគមមិត្តនគរបាលជាតិកម្ពុជា ចំនួន ៦លានរៀល ទៅប្រគល់ជូនគ្រួសារសព​លោកវរសេនីយ៍ត្រី ណាំ សាត នាយនគរបាលប៉ុស្តិ៍រដ្ឋបាល បានទទួលមរណភាព នៅយប់ថ្ងៃទី២៦ ខែមករា ឆ្នាំ២០២២ ដោយជំងឺ​ប្រចាំកាយ​។ សពបានរៀបចំធ្វើបុណ្យ តាមប្រពៃណី នៅគេហដ្ឋាននៃសព នៅភូមិត្របែក ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ​។

ថ្លែងក្នុងពិធីដ៏ក្រៀមក្រំនោះដែរ លោកឧត្តមសេនីយ៍ត្រី វង្ស វិត ក្នុងនាមជំនួសមុខឲ្យលោកឧត្តមសេនីយ៍ទោ សិទ្ធិ ឡោះ និងក្នុងនាមលោកផ្ទាល់ បានសំដែងនូវការសោកស្តាយយ៉ាងក្រៃលែង ជាមួយគ្រួសារសព(កូន) ដោយលោកបញ្ជាក់ថា រយៈពេល ៣ខែ​មុន ក្មួយៗបានបាត់បង់ម្តាយជាទីគោរពស្រឡាញ់ ប៉ុន្តែពេលនេះ ក្មួយៗ ត្រូវបានបាត់បង់លោកឪពុក ជាទីគោរពស្រឡាញ់ម្នាក់បន្ថែម ដែលធ្វើឲ្យក្មួយៗទាំង ០៣នាក់បងប្អូន ត្រូវជួបការលំបាក​។ ដូច្នេះចំពោះក្មួយជាកូនច្បង ត្រូវតែមើលការខុសត្រូវថែរក្សាប្អូនៗ ឲ្យបានល្អ និងខិតខំរៀនសូត្រ​។ មួយវិញទៀត ការបាត់បង់លោកវរសេនីយ៍ត្រី ណាំ សាត គឺជាការបាត់មន្ត្រីនគរបាល ០១រូប ដែលធ្លាប់បំពេញភារកិច្ចការពារសន្តិសុខ សុវត្ថិភាព ជូនប្រជាជនក្នុងមូលដ្ឋាន និងប្រទេសជាតិមាតុភូមិ ក៏ដូចជាបានចូលរួមការពារសុខសន្តិភាពផងដែរ។

លោកឧត្តមសេនីយ៍​ស្នងការរង បានបញ្ជាក់ជូនគ្រួសារសពទៀតថា ដើម្បីសម្រួលក្នុងកម្មវិធីបុណ្យសព​លោកវរសេនីយ៍ត្រី ណាំ សាត។ លោក​ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ប្រធានគណៈកម្មាធិការមូលដ្ឋាន​សមាគមមិត្តនគរបាលជាតិកម្ពុជា បានចាត់ឲ្យលោកនាំយកថវិការបស់សមាគមមិត្តនគរបាលជាតិកម្ពុជា ចំនួន ៦លានរៀល ដើម្បីឲ្យការរៀបចំពិធីបុណ្យសពនេះ។

ជាមួយគ្នានោះដែរ លោកអធិការនគរបាលស្រុកព្រះនេត្រព្រះ ក៏បានប្រមូលកៀងគ​ថវិកាពីមន្ត្រីនគរបាលក្នុងអង្គភាព ដើម្បីចូលរួមក្នុងកម្មវិធីបុណ្យនេះ ចំនួន ១លាន ៦សែនរៀលផងដែរ៕ ណុប រក្សា​

Picture
Picture
Picture
Picture
Picture
Picture
Picture
Picture