ADផ្ទាំងផ្សព្វផ្សាយពាណិជ្ជកម្ម

Picture

មិនត្រឹម​ប្លន់​ទំនិញ​ពី​បណ្តា​​ទូរថភ្លើង​​នោះទេ សូម្បី​កាំភ្លើង​ក៏​ត្រូវ​ប្លន់​យក​ដែរ

3 ខែ មុន

ប្រមុខ​ប៉ូលិស​ក្រុង​ឡូ​ស​អេ​ន​ចឺ​ឡេ​ស បាន​​​ថ្លែង​ថា កាំភ្លើង​​ជា​ច្រើន​សិប​ដើម ក៏​​ត្រូវ​គេ​ប្លន់​យក​ដែរ ពី​បណ្ដា​ទូរថភ្លើង​​ដឹក​ទំនិញ ដែល​រង​ការ​ប្លន់​​រយៈ​ពេល​ប៉ុន្មាន​ខែ​ចុង​ក្រោយ​នេះ នៅ

សហរដ្ឋអាមេរិក ៖ ប្រមុខ​ប៉ូលិស​ក្រុង​ឡូ​ស​អេ​ន​ចឺ​ឡេ​ស បាន​​ថ្លែង​ថា កាំភ្លើង​​ជា​ច្រើន​សិប​ដើម ក៏​​ត្រូវ​គេ​ប្លន់​យក​ដែរ ពី​បណ្ដា​ទូរថភ្លើង​​ដឹក​ទំនិញ ដែល​រង​ការ​ប្លន់​​រយៈ​ពេល​ប៉ុន្មាន​ខែ​ចុង​ក្រោយ​នេះ នៅ​ក្រុង​ឡូ​ស​អេ​ន​ចឺ​ឡេ​ស ពេល​បណ្ដា​រថភ្លើង​ឈប់​នៅ​លើ​ផ្លូវដែក​។

ប្រមុខ​ប៉ូលិស​ក្រុង​ឡូ​ស​អេ​ន​ចឺ​ឡេ​ស លោក​ MICHEL MOORE ក្នុង​កិច្ចប្រជុំ​មួយ​ បាន​ថ្លែង​ថា កាំភ្លើង​​ជា​ច្រើន​សិប​ដើម ត្រូវ​គេ​ប្លន់​​យក​បាត់​ពី​បណ្ដា​ទូរថភ្លើង​ដឹក​ទំនិញ ដែល​រង​ការ​ប្លន់​​រយៈ​ពេល​ប៉ុន្នា​ន​ខែ​ចុង​ក្រោយ​នេះ នៅ​ក្រុង​ឡូ​ស​អេ​ន​ចឹ​ឡេ​ស ពេល​រថភ្លើង​ឈប់​នៅ​លើ​ផ្លូវដែក​។ លោក​ថា​ បែប​នោះ​ជា​ក្ដី​បារម្ភ​ធំ​មួយ​សម្រាប់​សន្តិសុខ​របស់​ទីក្រុង​។

Picture

បណ្ដា​រូបភាព​បង្ហាញ​កេស​កា​តុង និង​ថង់​វេច​ខ្ជ​ប់​នានា ត្រូវ​គេ​ហែក​វះ​យក​អី​វ៉ា​ន់ ព្រមទាំង​អី​វ៉ា​ន់​មិន​ត្រូវប៉ាន់ យក​ទៅ​លក់​បាន​ថោក ​ឬ​ពិបាក​លក់​ ត្រូវបាន​ចោល​រាយ​ប៉ាយ​​ពេញ​តាម​ដងផ្លូវ​ដែក​។ ហើយ​កាលពី​ស​ប្ដា​ហ៍​មុន ​អាជ្ញាធរ​មានការ​ចាប់អារម្មណ៍ លើ​ការ​​ប្លន់​ទាំងនេះ ដែល​ទាក់ទិន​នឹង​ក្រុមហ៊ុន​អា​មេ​រិ​ក​ធំ​ៗ​ភាគច្រើនរ​កស៊ី​លក់​តាម​អន​ឡាញ ដូច​ជា​ក្រុមហ៊ុន ​AMAZON TARGET UPS FEDEX ​ជាដើម​។ ពួក​ចោរ​ឆ្លៀតពេល​រថភ្លើង​ឈប់​តាម​ផ្លូវដែក ក៏​នាំ​គ្នា​ឡើង​លើ​កុងតឺន័រ​ ហើយ​គាស់​ទម្លាក់​កេស ​និង​ថង់​ទំនិញ​​មក​ក្រោម រួច​វះ​កាយ​យក​តែ​របស់​ត្រូវប៉ាន់ និង​ទុក​ចោល​របស់​មិនសូវ​ត្រូវប៉ាន់ ​ឬ​ពិបាក​លក់​។

Picture

អភិបាល​រដ្ឋ​កាលី​ហ្វ័​រ​នី​ញ៉ា ​លោក GAVIN NEWSOM បាន​ចុះ​ទៅ​ដល់ទី​កន្លែង​ជាមួយ​បណ្ដា​អ្នកកាសែត ដើម្បី​សម្ដែង​ពី​ការ​ក្ដៅក្រហាយ ​និង​និយាយ​ថា បណ្ដា​រូបភាព​មើលទៅ​ហាក់ដូចជា​នៅ​ប្រទេស​ត​តី​យ​លោក​។ អ្វី​ៗ​ដែល​យើង​ឃើញ​ពិតជា​មិន​អាច​ទទួល​យក​បាន​ឡើយ​។

នៅ​ក្រុង​ឡូ​ស​អេ​ន​ចឹ​ឡេ​ស ការ​ប្លន់​យក​អី​វ៉ា​ន់​តាម​រថភ្លើង មានការ​កើនឡើង​ដល់​១៦០% ​ចាប់តាំងពី​ខែធ្នូ​ ឆ្នាំ​២០២០​មក​។ គ្រាន់​តែ​ក្នុង​ខែតុលា​ ឆ្នាំ​២០២១ ការ​ប្លន់​បែប​នេះ​​កើន​ដល់​៣៥៦%​ បើ​បៀ​ប​ធៀប​ទៅ​នឹង​ខែតុលា​ ឆ្នាំ​២០២០។ គួររំលឹក​ថា ៖ រថភ្លើង​ដឹក​ទំនិញ​​​​​​ជាច្រើន​ ​រង​ការ​​ប្លន់ស្ទើរ​​​រៀង​រាល់​ថ្ងៃ​ ពេល​រថភ្លើង​ឈប់​ភ្លាមៗ ៕ ដកស្រង់​ចេញពី​វេ​ប​សាយ ៖ yahoo

Picture
Picture
Picture
Picture
Picture
Picture