អ្នកបើកបរស្រវឹងនៅតៃវ៉ាន់នឹងជាប់គុ.ក៣ឆ្នាំ ទោះមិនបង្កគ្រោះថ្នាក់
កោះតៃវ៉ាន់ ៖ កោះតៃវ៉ាន់បានធ្វើការដំឡើងទោសជាប់គុ.កពី២ឆ្នាំទៅ ៣ឆ្នាំ សម្រាប់ការបើកបរក្នុងស្ថានភាពស្រវឹង ទោះបីមិន
កោះតៃវ៉ាន់ ៖ កោះតៃវ៉ាន់បានធ្វើការដំឡើងទោសជាប់គុ.កពី២ឆ្នាំទៅ ៣ឆ្នាំ សម្រាប់ការបើកបរក្នុងស្ថានភាពស្រវឹង ទោះបីមិន
កោះតៃវ៉ាន់ ៖ កោះតៃវ៉ាន់បានធ្វើការដំឡើងទោសជាប់គុ.កពី២ឆ្នាំទៅ ៣ឆ្នាំ សម្រាប់ការបើកបរក្នុងស្ថានភាពស្រវឹង ទោះបីមិនបង្កគ្រោះថ្នាក់ក៏ដោយ។ ការបន្ថែមទោសទណ្ឌនេះត្រូវបានសម្រេចនៅថ្ងៃសុក្រ ទី២១ មករា នេះដោយគណៈកម្មាធិការច្បាប់ Yuan របស់តៃវ៉ាន់។
សាធារណៈជនបានអំពាវនាវឲ្យមានការដាក់ទោសទណ្ឌឲ្យធ្ងន់ធ្ងរ ក្រោយពេលអ្នកបើកបរស្រវឹងម្នាក់ ដែលធ្លាប់ត្រូវផ្តន្ទាទោស ២ដងរួចមកហើយ បានបុករះគ្រួសារមួយដែលកំពុងធ្វើដំណើរឆ្លងផ្លូវក្នុងទីក្រុង Kaohsiung កាលពីថ្ងៃទី ២៦ ខែតុលា បណ្តាលឲ្យស្ត្រីជាម្តាយស្លា.ប់ ចំណែកប្តី និងកូនស្រី ២នាក់របស់គាត់រងរបួស។
ក្រៅពីការដំឡើងទោសជាប់គុ.កពី ២ឆ្នាំទៅ ៣ឆ្នាំ ក៏មានការដំឡើងការផាកពិន័យផងដែរគឺពី ៧.២០០ដុល្លារ ទៅ ១០.៨០០ដុល្លារ។
ប៉ុន្តែតំណាងរាស្ត្រ និងមន្ត្រីមកពីក្រសួងយុត្តិធម៌ និងគណៈកម្មាធិការច្បាប់ Yuan បានសម្រេចមិនផ្លាស់ប្តូរទោសទណ្ឌសម្រាប់ការបើកបរស្រវឹងបង្កឲ្យមានការស្លា.ប់ និងរបួសឡើយ ដោយគ្រាន់តែដំឡើងប្រាក់ពិន័យ។
សម្រាប់អ្នកបើកបរស្រវឹងបង្កគ្រោះថ្នាក់ឲ្យមានការស្លា.ប់ នឹងប្រឈមនឹងការជាប់គុកចន្លោះ ៣ ទៅ ១០ឆ្នាំដដែល និងរងការពិន័យជាប្រាក់ ៧២.០០០ដុល្លារ។ ប្រសិនអ្នកបើកបរនោះបង្កគ្រោះថ្នាក់ធ្ងន់ធ្ងរ គាត់នឹងត្រូវជាប់គុកពី ១ឆ្នាំ ទៅ ៧ឆ្នាំ និងពិន័យជាប្រាក់ ៣៦.០០០ដុល្លារ។
គណៈកម្មាធិការច្បាប់ក៏ណែនាំឲ្យនាយកដ្ឋានទាំងអស់របស់រដ្ឋាភិបាលសិក្សាវិធានការរបស់ប្រទេសជប៉ុន ដើម្បីកាត់បន្ថយគ្រោះថ្នាក់បង្កឡើងដោយការបើកបរស្រវឹង៕ (យោងតាមប្រភព៖ Taiwan News & CNA)
ចែករំលែកព័តមាននេះ