ខេត្តព្រះសីហនុ ៖ ផ្ទះចំនួន៨ខ្នង (ផ្ទះមិនរៀបរយ) ត្រូវបានអគ្គិភ័យឆាបឆេះយ៉ាងសន្ធោសន្ធៅ កើតឡើងកាលពីវេលាម៉ោង១២ និង៣០នាទីអធ្រាត្រឈានថ្ងៃទី២០ មករា នេះ ស្ថិតនៅចំណុចផ្លូវកែងកំពង់ផែស្វយ័តក្រុម១៣…
ខេត្តព្រះសីហនុ ៖ ផ្ទះចំនួន៨ខ្នង (ផ្ទះមិនរៀបរយ) ត្រូវបានអគ្គិភ័យឆាបឆេះយ៉ាងសន្ធោសន្ធៅ កើតឡើងកាលពីវេលាម៉ោង១២ និង៣០នាទីអធ្រាត្រឈានថ្ងៃទី២០ មករា នេះ ស្ថិតនៅចំណុចផ្លូវកែងកំពង់ផែស្វយ័តក្រុម១៣ ភូមិ១៣ សង្កាត់លេខ៣ ខេត្តព្រះសីហនុ ដោយពុំទាន់ដឹងពីមូលហេតុនោះទេ ។
សេចក្តីរាយការណ៍បន្តថា ម្ចាស់ផ្ទះទាំងអស់ ត្រូវបានស្គាល់ទី១-ឈ្មោះ ឃួន វុទ្ធី ភេទប្រុស អាយុ៤២ ជាកម្មករកំពង់ផែស្វ
យ័ត ក្រុងព្រះសីហនុ ។ ទី២-ឈ្មោះ ហុង ហ៊ុន ភេទប្រុស អាយុ៤៣ ។ ទី៣-ឈ្មោះសេង កុង ភេទប្រុស អាយុ៦០ឆ្នាំ មុខរបរលក់ហ្គាស។ ទី៤-ឈ្មោះយក្ស គឹមឡាយ ភេទប្រុស អាយុ២៨ ។ ទី៥-ឈ្មោះ យី សុធា ភេទប្រុស អាយុ៤២ ។ ទី៦-ឈ្មោះ
ពណ្ណរាយ ភេទប្រុស អាយុ៤២ មុខរបរលក់ដូរ ។ ទី៧-ឈ្មោះ លាង ដានី ភេទស្រី អាយុ២៥ឆ្នាំ និងទី៨-ឈ្មោះម៉េស សុផល ភេទប្រុស អាយុ៤២ ។
ប្រភពបន្តថា ហេតុការណ៍ឆេះផ្ទះខាងលើ ចាត់ទុកជាសំណាងមួយ ដែលមិនបណ្ដាលឱ្យមានមនុស្សណាម្នាក់រងរបួសឬស្លា.ប់.ឡើយ ក៏ប៉ុន្តែខូចខាតទ្រព្យអស់ជាច្រើន មានដូចជារថយន្តចំនួន០៨គ្រឿង, ម៉ូតូ៣គ្រឿង និងសម្ភារមួយចំនួនទៀត។ កម្លាំងសមត្ថកិច្ចបានប្រេីប្រាស់រថយន្តបាញ់ពន្លត់សរុបទាំងអស់ចំនួន៣១គ្រឿងឯណោះ ទើបអាចគ្រប់គ្រងស្ថានភាពនិងរលត់ទៅវិញ នៅវេលាម៉ោង០៣និង៣០នាទីថ្ងៃដដែល ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ