អតីតមេដឹកនាំបក្សប្រឆាំងជះទឹកដាក់គ្នា ជុំវិញការរលាយបាត់នៃបក្សសង្គ្រោះជាតិ
- ភ្នំពេញ
រាជធានីភ្នំពេញ ៖ មនុស្សជំនិត លោក កឹមសុខា បានទម្លាយថា ក្រុមលោកសម រង្ស៊ី ជាមូលដ្ឋានរំលាយអតីតគណបក្សសង្គ្រោះជាតិ ។…
រាជធានីភ្នំពេញ ៖ មនុស្សជំនិត លោក កឹមសុខា បានទម្លាយថា ក្រុមលោកសម រង្ស៊ី ជាមូលដ្ឋានរំលាយអតីតគណបក្សសង្គ្រោះជាតិ ។…
រាជធានីភ្នំពេញ ៖ មនុស្សជំនិត លោក កឹមសុខា បានទម្លាយថា ក្រុមលោកសម រង្ស៊ី ជាមូលដ្ឋានរំលាយអតីតគណបក្សសង្គ្រោះជាតិ ។ ការលើកឡើងនេះបន្ទាប់ពីលោក សម រង្ស៊ី បានសម្ភាសន៍ជាមួយទូរទស្សន៍អាល្លឺម៉ង់ Deutsche Welle ស្តីពីការកាត់ទោស លោក កឹម សុខា នៅទីក្រុងភ្នំពេញ កាលពីថ្ងៃទី១៩ មករានេះថា ការចោទប្រកាន់គ្មានមូលដ្ឋានមកលើលោក កឹម សុខា គ្រាន់តែជាលេស ដើម្បីឲ្យសម្តេច ហ៊ុន សែន រំលាយគណបក្សសង្គ្រោះជាតិ ហើយបន្តអំណាចផ្តាច់ការរបស់គាត់ដោយរំលោ.ភឆន្ទៈប្រជារាស្ត្រខ្មែរ ។
យ៉ាងណា លោក មុត ចន្ថា មនុស្សជំនិតលោក កឹមសុខា បានសរសេរលើបណ្តាញសង្គម នៅថ្ងៃទី២០ មករា ដោយបានដាក់សំណួរតើនរណាជាមូលហេតុនៃការរំលាយគណបក្សសង្គ្រោះជាតិ?លោក សម រង្ស៉ី និងគូកនមួយចំនួន ទើបជាដើមហេតុ និងមូលដ្ឋានចម្បងនៃការរំលាយគណបក្សសង្គ្រោះជាតិ នៅថ្ងៃទី១៦ ខែវិច្ឆិកា ឆ្នាំ២០១៧ ។
លោកថា ហេតុផលច្បាប់មាន ២ចំណុច ៖ ហេតុផលទី១: រហូតមកទល់ពេលនេះ (រំលងអធ្រាត្រ ២ កញ្ញា ២០១៧ ដល់ត្រឹមថ្ងៃទី២០ មករា ២០២២) ឯកឧត្តម កឹម សុខា នៅតែជាបុគ្គលពុំទាន់មានទោស ស្ថិតក្នុងឋានៈច្បាប់ជាជនជាប់ចោទនៅឡើយ ។ គាត់មិនទាន់ក្លាយជាបុគ្គលដែលត្រូវបានជំនុំជម្រះទោស ដោយមានសាលក្រម ឬសាលដីកាស្ថាពរដែលហៅថាជា «ទណ្ឌិត»នៅឡើយទេ ។ប្រសិនជា ឯកឧត្តម កឹម សុខា ជាដើមហេតុ ឬជាមូលដ្ឋាននៃការរំលាយគណបក្សសង្គ្រោះជាតិ ដូចលោក សម រង្ស៉ី បានលើកឡើង នោះ លុះត្រាតែឯកឧត្តម កឹម សុខា ត្រូវបានតុលាការជំនុំជម្រះឱ្យមានទោសជាមុនសិន ។
ហេតុផលទី២: សំណុំរឿងព្រហ្មទណ្ឌរបស់លោក កឹម សុខា ត្រូវបានបំបែកចេញជាពីរនៅមុនពេលចៅក្រមស៊ើបអង្កេតបញ្ជូនដីកាដំណោះស្រាយទៅជំនុំជម្រះ កាលពីខែមករា ឆ្នាំ២០២០ ដោយសំណុំរឿងព្រហ្មទណ្ឌមួយទៀត ក្រោមបទចោទដូចគ្នា គឺបទសន្ទិដ្ឋិភាពសម្រាប់លោក សម រង្ស៉ី និងគូកនមួយចំនួនទៀត ។
ជាក់ស្តែង នៅថ្ងៃទី១ ខែមីនា ឆ្នាំ២០២១ លោក សម រង្ស៊ី លោក សម រង្ស៊ី រួមជាមួយអតីតអនុប្រធានគណបក្សសង្គ្រោះជាតិដែលត្រូវបានរំលាយដោយតុលាការចំនួន២នាក់ទៀត គឺលោកស្រី មូរ សុខហួរ និងលោក អេង ឆៃអ៊ាង ត្រូវបានផ្តន្ទាទោស និងដាក់ពន្ធនាគារ ២៥ឆ្នាំពីបទរៀបចំផែនការផ្តួលរំលំរដ្ឋាភិបាល ។
រីឯមនុស្ស ៦នាក់ផ្សេងទៀត រួមមានៈ លោកស្រី ជូឡុង សូមួរ៉ា លោក ហូរ វ៉ាន់ លោក ម៉ែន សុថាវរិន្ទ្រ លោក នុត រំដួល លោក ឡុង រី និងលោក អ៊ូ ច័ន្ទឫទ្ធិ ឱ្យជាប់ពន្ធនាគាររយៈពេល២០ឆ្នាំរៀងៗខ្លួន ។
លោកថា យោងសំដីអ្នកនាំពាក្យក្រសួងយុត្តិធម៌ លោក សម រង្ស៉ី ប្រឈមនឹងសំណុំរឿងព្រហ្មទណ្ឌចំនួន១៤សំណុំរឿង ដែលក្នុងនោះមាន ០៦សំណុំរឿងត្រូវបានតុលាការកាត់ទោសរួចហើយ ។
តាមការណ៍ដែលបានដឹងលោក សម រង្ស៉ី កំពុងប្រឈមទោសពន្ធនាគារជាង៤២ឆ្នាំរួច ទោះហើយ ដោយមិនទាន់គិតបញ្ចូលសំណុំរឿងព្រហ្មទណ្ឌចំនួន៨ ផ្សេងទៀតនៅឡើយទេ ។
លោកសន្និដ្ឋានមូលហេតុ ឬមូលដ្ឋានចម្បងនៃការរំលាយគណបក្សសង្គ្រោះជាតិ គឺផ្អែកលើកាត់ទោសលោក សម រង្ស៉ី និងគូកនរបស់គាត់កន្លងមក ។ លោកក៏បានវាយប្រហារថា លោក សម រង្ស៉ី មានចរិតបៀមឈាមព្រួសដាក់អ្នកដទៃ ខណៈដែលខ្លួនគាត់ប្រើប្រាស់សេរីភាពពីការរត់គេចខ្លួន ដោយភាពកំសាកញីរបស់ខ្លួនបន្តប្រព្រឹត្តបទល្មើសប្រឆាំងនឹងច្បាប់កម្ពុជា ដោយមិនហ៊ានចូលខ្លួនតតាំងដោយផ្ទាល់នៅក្នុងតុលាការ ។
អ្វីដែលលោក សម រង្ស៉ី ចោទមកលើលោក កឹម សុខា ថា ជាដើមចមនៃការរំលាយគណបក្សសង្គ្រោះជាតិ គឺជាអំពើទុច្ចរិត ដើម្បីបិទបាំងពីកំហុស និងការទទួសខុសត្រូវរបស់ខ្លួនឯងប៉ុណ្ណោះ ៕
ចែករំលែកព័តមាននេះ