ខេត្តក្រចេះ ៖ នៅរសៀលថ្ងៃទី១២ មករា ឆ្នាំ២០២២ ម្សិលមិញនេះ រដ្ឋបាលស្រុកឆ្លូងបានជូនដំណឹងស្ដីពីសំរាម និងសំណល់រឹងក្នុងទីប្រជុំជនដល់បងប្អូនអាជីវករម្ចាស់អាជីវកម្ម ក្រុមហ៊ុន សហគ្រាស…
ខេត្តក្រចេះ ៖ នៅរសៀលថ្ងៃទី១២ មករា ឆ្នាំ២០២២ ម្សិលមិញនេះ រដ្ឋបាលស្រុកឆ្លូងបានជូនដំណឹងស្ដីពីសំរាម និងសំណល់រឹងក្នុងទីប្រជុំជនដល់បងប្អូនអាជីវករម្ចាស់អាជីវកម្ម ក្រុមហ៊ុន សហគ្រាស សិប្បកម្ម សេវាកម្ម និងគ្រឹះស្ថានឯកជនគ្រប់ប្រភេ ព្រមទាំងបងប្អូនប្រជាពលរដ្ឋទាំងអស់ ត្រូវបញ្ឈប់រាល់ការបោះចោលពាសវាលពាសកាលបន្ដទៅទៀត ។
ការជូនដំណឹងបែបនេះ គឺដើម្បីឲ្យប្រសើរឡើងក្នុងការគ្រប់គ្រងសំរាម និងសំណល់រឹងទីប្រជុំជន ក្នុងភូមិសាស្ត្រស្រុកឆ្លូង ឲ្យមានប្រសិទ្ធភាព និងរក្សាសោភណ្ឌ័ភាពតាមដងផ្លូវ និងទីសាធារណៈ ។ ក្នុងនោះដែរ រដ្ឋបាលស្រុកក៏បានសហការជាមួយម្ចាស់ភាស៊ីប្រមូលសំរាម និងធ្វើការប្រមូលសំរាម និងសំណល់រឹងតាមផ្ទះរបស់បងប្អូន ចាប់ពីពេលចេញដំណឹងនេះតទៅ។
អាជ្ញាធរស្រុកអំពាវនាវដល់បងប្អូនប្រជាពលរដ្ឋ ត្រូវប្រមូលសំអាត ញែក និងវេចខ្ចប់សំរាម និងសំណល់រឹងឲ្យបានត្រឹមត្រូវ តាមពេលវេលាកំណត់ ដើម្បីបង្កលក្ខណៈងាយស្រួលក្នុងការប្រមូលសំរាម និងដឹកចញ្ជូនយកទៅទុកលដាក់កន្លែងចោលសំរាមឲ្យបានត្រឹមត្រូវ។
លោក ហេង សុថា អភិបាលនៃគណៈអភិបាលស្រុកឆ្លូង បានស្នើឲ្យប្រជាពលរដ្ឋបញ្ឈប់ការចោលសំរាមពាសវាលពាសកាល ដែលជាមូលហេតុធ្វើឲ្យខូចសោភណ្ឌ័ភាពតាមដងផ្លូវ និងទីសាធារណៈ និងងាកមកចូលរួមសហការជាមួយអាជ្ញាធរមូលដ្ឋាន ដើម្បីរក្សាអនាម័យ បរិស្ថាន ឲ្យបានល្អ និងដើម្បីឲ្យស្រុកយើងបានចូលរួមប្រកួតប្រជែងទីក្រុងស្អាត៕
ចែករំលែកព័តមាននេះ