តើអ្នករាល់ថ្ងៃពាក់ខោអាវមួយថ្ងៃដាក់បោកមែនទេ? តែមានមនុស្សមិនតិចទេ ដែលទុកពាក់២ទៅ៣ដងសិន ចាំដាក់បោក។ សម្រាប់អ្នកដែលធ្វើជម្រើសទី២ គឺអាចនឹងគិតគូរឡើងវិញ ក្រោយពីបានអានអត្ថបទនេះរួច។ ថ្ងៃនេះ អ្នកនឹងបានស្គាល់ពីមូលហេតុ៣យ៉ាង ដែលអ្នកមិនគួរពាក់ខោអាវ២ដងដោយមិនដាក់បោកសម្អាត។…
តើអ្នករាល់ថ្ងៃពាក់ខោអាវមួយថ្ងៃដាក់បោកមែនទេ? តែមានមនុស្សមិនតិចទេ ដែលទុកពាក់២ទៅ៣ដងសិន ចាំដាក់បោក។ សម្រាប់អ្នកដែលធ្វើជម្រើសទី២ គឺអាចនឹងគិតគូរឡើងវិញ ក្រោយពីបានអានអត្ថបទនេះរួច។ ថ្ងៃនេះ អ្នកនឹងបានស្គាល់ពីមូលហេតុ៣យ៉ាង ដែលអ្នកមិនគួរពាក់ខោអាវ២ដងដោយមិនដាក់បោកសម្អាត។
១. កើតមុនលើរាងកាយ
ការបោកគក់ជារៀងរាល់ថ្ងៃ ហាក់ដូចជាហត់នឿយសម្រាប់អ្នក ប៉ុន្តែប្រសិនបើអ្នកធ្លាប់ជួបបញ្ហាជាមួយនឹងស្នាមមុននៅលើខ្នង ឬដើមទ្រូង អ្នកប្រហែលជាគិតពិចារណាចង់បោកគក់ញឹកជាងរាល់ដង។ សម្លៀកបំពាក់កខ្វក់ប្រមូលញើសនិងបាក់តេរី ដែលត្រូវបានផ្ទេរចូលទៅក្នុងតំបន់ដែលមានរោមលើខ្លួនអ្នក ដែលបង្កឱ្យស្ទះរន្ធញើស។ ញើសរួមជាមួយកោសិកាស្បែកងាប់ អាចបង្កឱ្យមានការរលាក និងនាំឱ្យកើតមុនលើផ្នែកណាមួយនៃរាងកាយរបស់អ្នក រួមទាំងខ្នង ភ្លៅ និងគូទ។
២. ក្លិនខ្លួនមិនល្អ
ប្រសិនបើអ្នកមិនចង់ពាក់ខោម្តងដាក់បោកទេនោះ វាមិនចម្លែកនោះទេ ដោយសារតែមានមនុស្សជាច្រើនធ្វើដូចអ្នកដែរ។ ប៉ុន្តែតើអ្នកដឹងដែរទេថា សម្លៀកបំពាក់របស់អ្នកនឹងមានក្លិនមិនល្អដូចជាពេលដែលយកមកពាក់ភ្លាមនោះទេ។ ជាពិសេសគឺនៅតំបន់ក្លៀក ក្រោយពីបានបែកញើស។ មេរោគ និងបាក់តេរីចូលចិត្តញើស ហើយការរួមផ្សំគ្នានៃធាតុទាំង២នេះ នាំឱ្យក្លិនខ្លួនមិនល្អ។
៣. ឡើងកន្ទួលរមាស់
ប្រសិនបើអ្នកធ្លាប់សម្គាល់ឃើញកន្ទួលរមាស់នៅលើស្បែករបស់អ្នក នេះអាចជាការជម្រុញចិត្តអ្នកឱ្យផ្លាស់ប្តូរសម្លៀកបំពាក់ញឹកញាប់ជាងមុន។ សម្លៀកបំពាក់មានទំនាក់ទំនងជិតស្និទ្ធជាមួយស្បែករបស់អ្នក ហើយប្រសិនបើសម្លៀកបំពាក់កខ្វក់កំពុងត្រដុសជាមួយនឹងស្បែក ប្រេង និងបាក់តេរី ដែលជាប់នៅក្នុងក្រណាត់ អាចបណ្តាលឱ្យរលាកស្បែក។ វានឹងកាន់តែងាយបង្កជាបញ្ហារមាស់នៅពេលដែលអ្នកប្រើប្រាស់សាច់ក្រណាត់មិនមែនផលិតពីធម្មជាតិ៕
ចែករំលែកព័តមាននេះ