ADផ្ទាំងផ្សព្វផ្សាយពាណិជ្ជកម្ម

Picture

ឆ្មា​អាយុ​១៤​ឆ្នាំ​មួយ​ក្បាល​ជួបជុំ​ជាមួយ​ម្ចាស់​វិញ ក្រោយ​បាត់​ខ្លួន​អស់​ជាង​១០​ឆ្នាំ

7 ខែ មុន

កាណាដា ៖ ស្ត្រី​កា​ណា​ដា​ម្នាក់​បាន​ជួបជុំ​ជាមួយនឹង​ឆ្មា​របស់​នាង​វិញ បន្ទាប់​ពី​វា​ត្រូវ​បាន​រក​ឃើញ ក្រោយ​ពេល​បាត់​ខ្លួន​អស់​រយៈ

កាណាដា ៖ ស្ត្រី​កា​ណា​ដា​ម្នាក់​បាន​ជួបជុំ​ជាមួយនឹង​ឆ្មា​របស់​នាង​វិញ បន្ទាប់​ពី​វា​ត្រូវ​បាន​រក​ឃើញ ក្រោយ​ពេល​បាត់​ខ្លួន​អស់​រយៈពេល ១២​ឆ្នាំ​។

ស្ត្រី​ឈ្មោះ Christine De Castro និយាយ​ថា​នាង​បាន​ទទួល​ទូរស័ព្ទ​ពី​ភ្នាក់ងារ​សត្វ​នៅ​ថ្ងៃ​ចូល​ឆ្នាំ​ថ្មី​ដោយ​ខាង​ភ្នាក់ងារ​បញ្ជាក់​ថា សត្វ​ឆ្មា​មួយ​របស់​នាង​ត្រូវ​បាន​រក​ឃើញ​។ ដំបូង​ឡើយ​នាង​មានការ​ភាន់ច្រឡំ​យ៉ាង​ខ្លាំង ក្រោយ​ពេល​ពិនិត្យ​មើល​នៅផ្ទះ​ឃើញ​ថា​មាន ឆ្មា​មួយ​ក្បាល និង​ឆ្កែ​ពីរ​ក្បាល​នៅផ្ទះ​នាង​ដដែល​។

នាង​បញ្ជាក់​ថា​ទៀត​ថា ការ​ភាន់ច្រឡំ​របស់​នាង​បាន​ប្រែ​ក្លាយជា​ភាព​តក់ស្លុត​នៅ​ពេល​សត្វ​ដែល​គេ​រក​ឃើញ​នោះ​ជា​ឆ្មា​របស់​នាង​ឈ្មោះ Loli ដែល​បាន​រត់​ចេញពីផ្ទះ កាលពី​នាង​រស់នៅ​ទីក្រុង Richmond Hill នៃ​ខេត្ត Ontario ប្រទេស​កាលណា​ដា​កាលពី​ឆ្នាំ ២០១០​។

ភ្នាក់ងារ​សត្វ​បាន​និយាយ​ថា សត្វ​ឆ្មា Loli ត្រូវ​បាន​គេ​យក​មក​ក្នុង​នាម​ជា​ឆ្មា​អនាថា និង​បាន​ធ្វើការ​ស្កេ​ន​ឈី​ប​នៅ​លើ​ខ្លួន​វា និង​បាន​បង្ហាញ​ព័ត៌មាន​របស់​ស្ត្រី Christine De Castro​។

Christine De Castro បាន​ថ្លែងប្រាប់​សារព័ត៌មាន CBC Toronto ដូច្នេះ​ថា «​ខ្ញុំ​មានការ​តក់ស្លុត​យ៉ាង​ខ្លាំង និង​បាន​រៀបចំ​គម្រោង​ជាមួយ​ដៃគូ​ដើម្បី​ទៅ​ទទួលយក Loli»។

ស្ត្រី​រូប​នេះ​និយាយ​ទៀត​ថា នាង​បាន​នាំ​យក​ឆ្មា​របស់​នាង​មក​ផ្ទះ​នៅ​កាលពី​ថ្ងៃ​ទី ៣ ខែមករា​នេះ​។ ឆ្មា​នេះ​បច្ចុប្បន្ន​មាន​អាយុ ១៤​ឆ្នាំ​ហើយ​។

ស្ត្រី​ខាងលើ​និយាយ​ថា «​នៅ​ពេល​ខ្ញុំ​ឃើញ​មុខរប​ស់ន​វា (​ឆ្មា​) មុខ​វា​មើលទៅ​ក្រៀមក្រំ​ជាង​អ្វី​ដែល​ខ្ញុំ​ចាំ​បាន​។ ប៉ុន្តែ​នាង​មើលទៅ​នៅ​ដូច​ដើម​»។

«​ខ្ញុំ​ចង់​ឲ្យ​ឆ្មា​ចេះ​និយាយ​ដូច្នេះ​វា​អាច​ប្រាប់​ខ្ញុំ​ថា​វា​ទៅ​ណា ប៉ុន្តែ​ខ្ញុំ​សប្បាយចិត្ត​ដែល​វា​បាន​វិល​ត្រឡប់​មក​វិញ​»​។

សូម​រម្លឹក​ថា​រឿងហេតុ​នេះ​ក៏​មាន​លក្ខណៈ​ស្រ​ដៀង​គ្នា​ផង​ដែរ​នៅ​ក្នុង​រដ្ឋ California សហរដ្ឋអាមេរិក នៅ​ពេល​ម្ចាស់​ឆ្មា​បាន​ជួបជុំ​ជាមួយ​ឆ្មា​វិញ ក្រោយ​ពេល​បាត់​ខ្លួន​អស់​រយៈពេល ១៥​ឆ្នាំ​៕ (​យោង​តាម​ប្រភព​៖ UPI)

Picture
Picture
Picture
Picture
Picture