ខេត្តព្រះសីហនុ ៖ នៅវេលាម៉ោង២និង៣០នាទី ថ្ងៃទី២៤ ខែមិថុនា ឆ្នាំ២០១៦ នៅស្នងការដ្ឋាននគរបាលខេត្ត បានរៀបចំពិធីប្រកាសផ្ទេរភារកិច្ចតែងតាំងមុខតំណែង និងបំពាក់ឋានន្តរសក្តិជូនមន្ត្រីនគរបាលជាតិ នៃស្នងការដ្ឋាននគរបាលខេត្ត ។ ក្រោមអធិបតីភាព ឯកឧត្តម នាយឧត្តមសេនីយ៍ ចាន់ អ៊ាន អគ្គស្នងការរងនគរបាលជាតិ និងជាតំណាងដ៍ខ្ពង់ខ្ពស់ ឯកឧត្តម នាយឧត្តមសេនីយ៍អគ្គស្នងការនគរបាលជាតិ ឯកឧត្តម យន្ត មីន អភិបាលនៃគណៈអភិបាលខេត្ត និងមានការចូលរួមជាភ្ញៀវកិត្តិយស អស់លោកឧត្តមសេនីយ៍ វរសេនីយ៍ ប្រតិភូអមដំណើរ លោកប្រធានមន្ទីរ អង្គភាពជំនាញពាក់ព័ន្ធ លោកស្នងការ លោកស្នងការរង លោកអភិបាលក្រុង ស្រុក ព្រមទាំងមានការចូលរួមពី លោកអនុប្រធានសេនាធិការ អនុប្រធានការិយាល័យកណ្តាល និងលោកនាយ នាយរងការិយាល័យ លោកអធិការនគរបាលក្រុង ស្រុក លោកនាយនគរបាលប៉ុស្តិ៍រដ្ឋបាលក្រុង ស្រុក សរុបចំនួន១៨៥នាក់ ។
នាយនគរបាលជាតិ ដែលត្រូវបានផ្ទេរភារកិច្ចតែងតាំងមុខតំណែង និងបំពាក់ឋានន្តរសក្តិ រួមមាន ១.ផ្ទេរភារកិច្ច តែងតាំងមុខតំណែង១៤នាក់ ថ្នាក់ស្នងការរងចំនួន៣នាក់ ថ្នាក់នាយការិយាល័យចំនួន៣នាក់ ថ្នាក់នាយរងការិយាល័យចំនួន៥នាក់ ថ្នាក់អធិការរងចំនួន៣នាក់ ២.បំពាក់ឋានន្តរសក្តិចំនួន២០នាក់ ថ្នាក់ឧត្តមសេនីយ៍ត្រីចំនួន៩នាក់ (ព្រះសីហនុ៣នាក់, កំពត៣នាក់, តាកែវ៣នាក់ ) ថ្នាក់វរសេនីយ៍ឯកចំនួន៧នាក់ (ព្រះសីហនុ៣នាក់ ,កំពត៣នាក់ , កំពង់ស្ពឺ១នាក់) ថ្នាក់អនុសេនីយ៍ឯកចំនួន៤នាក់៕
ចែករំលែកព័តមាននេះ