ដោយសារតែកាលវិភាគមមាញឹក មនុស្សមានទំនោរប្រែក្លាយបន្ទប់គេងទៅជាកន្លែងដែលមានសកម្មភាពផ្សេងទៀតក្រៅពីសម្រាក ដែលការធ្វើបែបនេះនាំមកនូវសុខភាពមិនល្អ។ បន្ទប់គេង ជាកន្លែងដែលមនុស្សគេងឬសម្រាកបន្ទាប់ពីរវល់នៅកន្លែងការងារអស់ពេលយ៉ាងយូរ។ ប្រសិនបើមានរបស់របរផ្សេងទៀតដែលមិនមែនប្រើសម្រាប់សម្រាកនៅក្នុងបន្ទប់គេង វានឹងធ្វើឱ្យការសម្រាករបស់អ្នកមិនមានដំណើរការប្រសើរនោះទេ។ ថ្ងៃនេះ អ្នកនឹងបានស្គាល់របស់របរ៣យ៉ាង ដែលមិនគួរមាននៅក្នុងបន្ទប់គេង។
១. អាហារ
ការញ៉ាំអាហារនៅលើគ្រែ គឺកខ្វក់ខ្លាំងណាស់ ព្រោះអ្នកទំនងជានឹងមិនលាងដៃបន្ទាប់ពីអាហាររួច ហើយក៏មិនបានសម្អាតកម្រាលពូកផងដែរប្រសិនបើមានអ្វីកំពប់លើវា។ ការញ៉ាំអាហារលើគ្រែ ពាក់ព័ន្ធនឹងសកម្មភាពផ្សេងទៀតដូចជាការមើលទូរទស្សន៍ ដែលនេះអាចនាំឱ្យអ្នកញ៉ាំច្រើនលើសកំណត់ ហើយធ្វើឱ្យអ្នកប្រឈមនឹងការមិនរំលាយអាហារ។ ការទុកចានកខ្វក់នៅក្នុងបន្ទប់ក៏ទាក់ទាញសត្វល្អិតផងដែរ។
២. ទូរស័ព្ទ
នេះមិនគួរត្រូវបានរកឃើញនៅក្នុងបន្ទប់គេងរបស់អ្នកទេ ដើម្បីទទួលបានផាសុកភាពតាមដែលអាចធ្វើទៅបាន។ ការរំញ័រ និងសំឡេងរោទ៍ឥតឈប់ឈរនៃទូរសព្ទ ក៏ដូចជាការរំខានប្រព័ន្ធផ្សព្វផ្សាយសង្គម គឺមានគ្រោះថ្នាក់ដល់សុខភាពរបស់អ្នក។ យោងតាមគេហទំព័រ HuffPost ការបញ្ចេញពន្លឺពណ៌ខៀវ (Blue Ray) ពីអេក្រង់ទូរសព្ទដៃ អាចរំខានដល់ការផលិតសារធាតុអរម៉ូនងងុយគេងមេឡាតូនីន (Melatonin) ដែលនាំឱ្យមានការគេងមិនលក់។
៣. ទូរទស្សន៍
ដូចទូរស័ព្ទចល័តដែរ ការដំឡើងទូរទស្សន៍ក្នុងបន្ទប់គេងរបស់អ្នកពិតជាមានការរំខានយ៉ាងខ្លាំង។ វាអាចបង្អត់អ្នកទាំងស្រុងពីការគេង។ យោងតាមគេហទំព័រ sleep.org បានឱ្យដឹងថា បញ្ហាមួយជាមួយនឹងការមើលទូរទស្សន៍ពេលចូលគេង គឺនឹងធ្វើឱ្យគេងមិនគ្រប់ ដោយសារតែចិត្តចេះតែជក់មើលទូរទស្សន៍ តាមដានពីមួយភាគទៅមួយភាគទៀត៕
ចែករំលែកព័តមាននេះ