ឃើញគេបាន ទាមទារចង់បានដូច គេដែរ
ខេត្តបាត់ដំបង ៖ តំណាងក្រុមហ៊ុន ដែលទទូលបានអាជ្ញាប័ណ្ណស្រាវជ្រាវរុករកថ្មកំបោរ និងរ៉ែផ្សេងៗនៅតំបន់«ភ្នំដូនមាយ» ក្នុងឃុំស្ដៅ ស្រុករតនៈមណ្ឌល បានបំភ្លឺប្រាប់
ខេត្តបាត់ដំបង ៖ តំណាងក្រុមហ៊ុន ដែលទទូលបានអាជ្ញាប័ណ្ណស្រាវជ្រាវរុករកថ្មកំបោរ និងរ៉ែផ្សេងៗនៅតំបន់«ភ្នំដូនមាយ» ក្នុងឃុំស្ដៅ ស្រុករតនៈមណ្ឌល បានបំភ្លឺប្រាប់
ខេត្តបាត់ដំបង ៖ តំណាងក្រុមហ៊ុន ដែលទទូលបានអាជ្ញាប័ណ្ណស្រាវជ្រាវរុករកថ្មកំបោរ និងរ៉ែផ្សេងៗនៅតំបន់ ភ្នំដូនមាយ ក្នុងឃុំស្ដៅ ស្រុករតនៈមណ្ឌល បានបំភ្លឺប្រាប់កោះសន្តិភាពតាមទូរស័ព្ទនៅរសៀលថ្ងៃទី១៥ ខែមិថុនានេះថា ក្រុមប្រជាពលរដ្ឋចំនួន២៥គ្រួសារ ដែលប្ដឹងតវ៉ាដល់សាលាខេត្តកាលពីថ្ងៃទី១៤ ខែមិថុនា ដើម្បីទាមទាសំណងពីក្រមហ៊ុន អំពីផលប៉ះពាល់លើដីចំការរបស់ខ្លួននោះ តាមពិតក្រុមហ៊ុនបានផ្ដល់សំណងរួចរាល់ហើយ លើកលែងតែប៉ុន្មានគ្រួសារប៉ុណ្ណោះ ដែលគ្មានដីពិតប្រាកដនៅតំបន់នោះ។
លោក រិទ្ធ ដែលបានប្រាប់ថា លោកជាទីប្រឹក្សារបស់ក្រុមហ៊ុន BATTAMBANG.KT.CEMENT.CO.LTD បានពន្យល់ជុំវិញបញ្ហានេះថា បើតាមការពិនិត្យលើបញ្ជីឈ្មោះរបស់ពលរដ្ឋទាំង២៥គ្រួសារ ដែលប្ដឹងទាមទាសំណងអំពីផលប៉ះពាល់ដីចំការពួកគាត់នោះ តាមពិតមានតែ១៣គ្រួសារទេ ហើយ១៣គ្រួសារនេះ ត្រូវក្រុមហ៊ុនផ្ដល់សំណងរួចរាល់អស់ហើយ រីឯចំនួន១២គ្រួសារទៀត គ្មានដីចំការនៅតំបន់នោះទេ។ លោក រិទ្ធ បានបញ្ជាក់ថា នៅព្រឹកថ្ងៃទី១៥ ខែមិថុនានេះ ក្រុមគណៈកម្មការចម្រុះរបស់ខេត្ត និងស្រុកបានចុះទៅពិនិត្យ និងធ្វើការស្រាវជ្រាវផ្ទាល់ដល់ទីតាំងដីមានបញ្ហា ប៉ុន្តែក្រុមជំនាញបានរកឃើញថា ពលរដ្ឋដែលតវ៉ាមួយចំនួនពិតជាគ្មានដីចំការនៅទីនោះពិតប្រាកដមែន។
ប្រជាពលរដ្ឋ២៥គ្រួសារដែលឡើងតវ៉ាដល់សាលាខេត្ត កាលពីព្រឹកថ្ងៃទី១៤ ខែមិថុនា បានទទូលស្គាល់ថា គ្រួសារខ្លះពិតជាបានលក់ដីឲ្យក្រុមហ៊ុន ថែមទាំងបានទទូលប្រាក់គ្រប់ចំនួនអស់ហើយមែន តែពួកគាត់នៅមានដីចំការមួយចំនួននៅលើភ្នំទៀត ដែលក្រុមហ៊ុនមិនទាន់បង់សំណង។ ពួកគាត់បញ្ជាក់ថា ដីចំការរបស់ពួកគាត់ដែលនៅលើភ្នំឬតាមចង្កេះភ្នំដូនមាយនោះ គឺធ្លាប់ដាំដុះជាង២០ឆ្នាំកន្លងមកហើយ ដូច្នេះក្រុមហ៊ុនត្រូវតែបង់សំណងដល់ពួកគាត់។ ប៉ុន្តែលោក រិទ្ធ ទីប្រឹក្សារបស់ក្រុមហ៊ុនបានពន្យល់ថា ដីនៅលើភ្នំឬតាមចង្កេះភ្នំដូនមាយបច្ចុប្បន្នគ្មានដំណាំកសិកម្មជាក់ស្ដែង ដូចការអះអាងរបស់ប្រជាពលរដ្ឋនោះទេ។
បើតាមប្រវត្តិដីនៅលើភ្នំដូនមាយក៏គ្មានពលរដ្ឋណាម្នាក់ធ្លាប់ឡើងកាប់ឆ្កាធ្វើចំការអស់រយៈពេលជាង២០ឆ្នាំដូចការលើកឡើងរបស់ប្រជាពលរដ្ឋដែរ ពីព្រោះដីនៅតំបន់នោះជាដីព្រៃដែលពោរពេញទៅដោយគ្រាប់មីនស្អេកស្កះ។ ប៉ុន្តែលោកបញ្ជាក់ថា ពេលនេះក្រុមគណៈកម្មការចម្រុះរបស់ខេត្ត បានចុះពិនិត្យវាស់ព្រំដី និងធ្វើការស្រាវជ្រាវស្វែងរកអត្តសញ្ញាណពិតប្រាកដរបស់ប្រជាពលរដ្ឋដែលរស់នៅទីនោះហើយ។ លោកថា បើតាមព័ត៌មាន ប្រជាពលរដ្ឋដែលតវ៉ានោះ មិនមានដីចំការដែលនៅសេសសល់ ដែលថាក្រុមហ៊ុនមិនទាន់បង់សំណងនោះទេ គឺមានតែដីនៅលើភ្នំដែលជាដីរបស់រដ្ឋតែប៉ុណ្ណោះ៕
ចែករំលែកព័តមាននេះ