ស្លា.ប់ និងរបួស៣នាក់ ក្រោយឡានពន្លះម៉ូតូ២គ្រឿងលើផ្លូវជាតិលេខ៣
- ព្រះសីហនុ
ខេត្តព្រះសីហនុ ៖ មានករណីគ្រោះថ្នាក់ចរាចរណ៍រវាងរថយន្តមួយគ្រឿងបុ.កជាមួយម៉ូតូ២គ្រឿង បណ្តាលឱ្យស្លា.ប់ម្នាក់ និងរបួស
ខេត្តព្រះសីហនុ ៖ មានករណីគ្រោះថ្នាក់ចរាចរណ៍រវាងរថយន្តមួយគ្រឿងបុ.កជាមួយម៉ូតូ២គ្រឿង បណ្តាលឱ្យស្លា.ប់ម្នាក់ និងរបួសធ្ងន់២នាក់ ។
ហេតុការណ៍ខាងលើនេះបានកើតឡើងកាលពីវេលាម៉ោង១១និង៥០នាទីព្រឹកថ្ងៃទី២៥ ខែធ្នូ ឆ្នាំ២០២១ លើផ្លូវជាតិលេខ៣ ចន្លោះគីឡូម៉ែត្រលេខ ១៧៥-១៧៦ ស្ថិតនៅភូមិវាលតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ ។
ភាគីខាងរថយន្ត១គ្រឿងម៉ាកឡិចស៊ីស 570 ពណ៌ទឹកមាស ពាក់ផ្លាកលេខ ភ្នំពេញ 2BE-3366 បើកបរដោយឈ្មោះ កៅ គៀតឡេង ភេទប្រុស អាយុ២១ឆ្នាំ មានទីលំនៅភូមិខ្នា ឃុំជ្រាវ ស្រុកសៀមរាប ខេត្តសៀមរាប ត្រូវឃាត់ខ្លួន ។ ចំណែកភាគីខាងម៉ូតូចំនួន២គ្រឿង ក្នុងនោះម៉ូតូមួយគ្រឿងម៉ាក EXCITER ពណ៌ខៀវ ពាក់ផ្លាកលេខ ព្រះសីហនុ 1E-7633 បើកបរដោយឈ្មោះ ឡៃ មើត ភេទប្រុស អាយុ២៩ឆ្នាំ មានទីលំនៅភូមិបន្ទាយប្រិយ៍ ឃុំអណ្ដូងថ្ម ស្រុកព្រៃនប់ ខេត្តព្រះសីហនុ (របួសធ្ងន់) និងអ្នករួមដំណើរម្នាក់ឈ្មោះ ម៉ើល កសឹម ភេទប្រុស អាយុ១៧ឆ្នាំ មានទីលំនៅភូមិអូត្រាវ ឃុំអណ្ដូងថ្ម ស្រុកព្រៃនប់ ខេត្តព្រះសីហនុ (របួសធ្ងន់) និងម៉ូតូ១គ្រឿងទៀត ម៉ាកហុងដាឌ្រីម ធុនC125 ពណ៌ខ្មៅ ពាក់ផ្លាកលេខ ព្រះសីហនុ 1E-6084 បើកបរដោយឈ្មោះ អាន អ៊ូន ភេទស្រី អាយុ១៥ឆ្នាំ មានទីលំនៅភូមិទួល ឃុំទឹកល្អក់ ស្រុកព្រៃនប់ ខេត្តព្រះសីហនុ (បានស្លា.ប់)។
តាមប្រភពព័ត៌មានបានឱ្យដឹងថា មុនពេលកើតហេតុ រថយន្ត១គ្រឿងម៉ាកឡិចស៊ីស 570 ធ្វើដំណើរពីខេត្តកំពតឆ្ពោះទៅវាលរេញលុះមកដល់ចំណុចខាងលើ បានវ៉ាជែងចូលទៅបុ.កម៉ូតូចំនួន២គ្រឿង ក្នុងទិសដៅផ្ទុយគ្នា ក្នុងនោះម៉ូតូមួយគ្រឿងម៉ាក EXCITER រួចរថយន្តនោះក៏បានបន្ដមកបុ.កម៉ូតូ១គ្រឿងទៀតម៉ាកហុងដាឌ្រីម ចំពីមុខ បណ្តាលឲ្យស្លា.ប់អ្នកបើកបរម៉ូតូម៉ាកហុងដា ចំណែកអ្នកបើកបរម៉ូតូម៉ាក EXCITER និងអ្នករួមដំណើរ បានរងរបួសធ្ងន់ទាំង២នាក់ ។ រីឯរថយន្ត និងម៉ូតូទាំង២គ្រឿង បានរងការខូចខាតយ៉ាងដំណំ ។
ក្រោយពេលកើតហេតុ សពជនរងគ្រោះម្នាក់ ត្រូវបានប្រគល់ជូនក្រុមគ្រួសារដើម្បីរៀបចំធ្វើបុណ្យតាមប្រពៃណី ចំណែកជនរងគ្រោះរងរបួសធ្ងន់ទាំង២នាក់ត្រូវបានបញ្ជូនទៅសង្គ្រោះនៅគ្លីនិកឯកជនមួយកន្លែងក្នុងឃុំវាលរេញ ។ រីឯអ្នកបើកបររថយន្តត្រូវបាននាំខ្លួនមកសាកសួរនៅអធិការដ្ឋាននគរបាលស្រុកព្រៃនប់ ។ ដោយឡែករថយន្ត និងម៉ូតូចំនួន២គ្រឿង ត្រូវបានយកមករក្សាទុកនៅអធិការដ្ឋាននគរបាលស្រុកព្រៃនប់ ៕
ចែករំលែកព័តមាននេះ