ប្រយ័ត្ន ! ល្បិចថ្មីរបស់ក្រុមចោរប្លន់
រាជធានីភ្នំពេញ ៖ និស្សិត២នាក់អង្គុយលេងនៅលើសួនច្បារមុខក្រសួងការពារជាតិ ឃើញស្រីស្អាតដើរកាត់មុខរវល់តែនិយាយលែបខាយចុះឡើងៗត្រូវបក្សពួករបស់គេកា.ប់ប្លន់យកម៉ូតូ
រាជធានីភ្នំពេញ ៖ និស្សិត២នាក់អង្គុយលេងនៅលើសួនច្បារមុខក្រសួងការពារជាតិ ឃើញស្រីស្អាតដើរកាត់មុខរវល់តែនិយាយលែបខាយចុះឡើងៗត្រូវបក្សពួករបស់គេកា.ប់ប្លន់យកម៉ូតូ
រាជធានីភ្នំពេញ ៖ និស្សិត២នាក់អង្គុយលេងនៅលើសួនច្បារមុខក្រសួងការពារជាតិ ឃើញស្រីស្អាតដើរកាត់មុខរវល់តែនិយាយលែបខាយចុះឡើងៗត្រូវបក្សពួករបស់គេកាប់ប្លន់យកម៉ូតូ ហើយបណ្តើរម៉ូតូចេញទៅ តែត្រូវយោធាដែលយាមនៅមុខក្រសួងការពារជាតិហៅសួរនាំ ធ្វើឲ្យជនសង្ស័យរត់ចោលម៉ូតូនៅកន្លែងកើតហេតុ ។ ហេតុការណ៍នេះកើតឡើងកាលពីវេលាម៉ោង១២ និង១០នាទីរំលងអាធ្រាត្រ ឈានចូលថ្ងៃទី៨ ខែមិថុនា ឆ្នាំ២០១៦ នៅចំណុចសួនច្បារមុខអគ្គបញ្ជាការក្រសួងការពារជាតិ ស្ថិតក្នុងសង្កាត់មិត្តភាព ខណ្ឌ៧មករា ។
ជនរងគ្រោះជាម្ចាស់ម៉ូតូឈ្មោះ ប៊ុន ឆាយ ភេទប្រុស អាយុ២០ឆ្នាំ ជានិស្សិតរៀននៅសាកលវិទ្យាល័យភ្នំពេញ (IUPP) ឆ្នាំទី២ ផ្នែកធនាគារ ។ ចំណែកម៉ូតូដែលចោរកាប់ប្លន់មិនបានសម្រេចនោះម៉ាក DUKE ពណ៌ទឹកក្រូចលាយខ្មៅ ពាក់ស្លាកលេខ ភ្នំពេញ 1CD-8584 ។
ប្រភពព័ត៌មានពីជនរងគ្រោះបានឱ្យដឹងថា មុនពេលកើតហេតុរូបគេរួមទាំងមិត្តភក្តិម្នាក់ទៀតបាននាំគ្នាជិះម៉ូតូឌុបគ្នាមកអង្គុយលេងលើសួនច្បារនៅកន្លែងកើតហេតុ ខណៈកំពុងជជែកគ្នាក៏ស្រាប់តែមាននារីម្នាក់ដើរកាត់មុខ ពួកគេក៏និយាយរបៀបលែបខាយ ហើយនារីនោះក៏បានដើរត្រឡប់ក្រោយវិញបាត់ ។ មួយសន្ទុះក្រោយមកនារីម្នាក់នោះក៏បានដើរមកវិញម្តងទៀត តែម្តងនេះនាងបានចូលមកអង្គុយនិយាយលេងជាមួយរូបគេ ប្រហែលជា៥នាទីក្រោយមកស្រាប់តែមានជនសង្ស័យ២នាក់ជិះម៉ូតូមិនចាំម៉ាក ឌុបគ្នាមកឈប់ហើយបានដកដាវសាមូរ៉ៃរត់សំដៅមករកពួកគេបំណងធ្វើសកម្មភាពកាប់ប្លន់យកម៉ូតូ ឃើញដូច្នេះពួកគេក៏នាំគ្នារត់ចោលម៉ូតូបំណងទៅរកកន្លែងដែលមានមនុស្សម្នាច្រើន ដើម្បីឱ្យគេឯងជួយ និងបានទូរស័ព្ទប្តឹងសមត្ថកិច្ច ។ ពេលសមត្ថកិច្ចមកដល់បាននាំជនរងគ្រោះទៅរកម៉ូតូវិញ ប៉ុន្តែមិនឃើញម៉ូតូគិតថា ចោរយកម៉ូតូខ្លួនទៅបាត់ហើយ ។
ជនរងគ្រោះបន្តទៀតថា ពេលដើររកអស់ចិត្តហើយនៅតែមិនឃើញ ទើបសមត្ថកិច្ចនាំជនរងគ្រោះទៅសួរយោធាដែលយាមក្រសួងការពារជាតិ ស្រាប់តែឃើញម៉ូតូដែលបាត់នោះនៅក្បែរប៉ុស្តិ៍យាម ធ្វើឲ្យជនរងគ្រោះមានការរំភើបក្នុងចិត្តជាខ្លាំង ដែលម៉ូតូមិនត្រូវបានចោរយកទៅបាត់ ។
បើតាមសម្តីយោធាយាមក្រសួងការពារជាតិបានឲ្យដឹងថា ពេលលោកកំពុងឈរយាមក៏បានឃើញយុវជន២នាក់បណ្តើរម៉ូតូខាងលើ ដោយមានការសង្ស័យលោកក៏ស្រែកសួរ ស្រាប់តែយុវជនទាំង២នាក់នោះទុកម៉ូតូចោលរត់គេចខ្លួនបាត់ ទើបរូបលោកយកម៉ូតូមករក្សាទុកតែម្តងទៅ ។
ក្រោយពេលកើតហេតុ យោធាបានប្រគល់ម៉ូតូឲ្យម្ចាស់ដើមវិញ ឯជនរងគ្រោះពេលបានម៉ូតូវិញហើយក៏មិនបានទៅដាក់ពាក្យបណ្តឹងអ្វីនោះដែរ បានជិះត្រឡប់ទៅផ្ទះវិញបាត់ ។ ចំណែកសមត្ថកិច្ចក៏មិនធ្វើកំណត់ហេតុអ្វីដែរ គ្រាន់តែធ្វើការសួរនាំបន្តិបន្តួចក៏ត្រឡប់ទៅវិញបាត់ ព្រោះខាងជនរងគ្រោះមិនបានដាក់ពាក្យបណ្តឹងទេ ៕
ចែករំលែកព័តមាននេះ