ប្តីប្រពន្ធដឹកត្រីពីព្រែកព្នៅយកទៅលក់នៅផ្សារច្បារអំពៅ ជួបគ្រោះស្លា.ប់ប្រពន្ធ
- ភ្នំពេញ
រាជធានីភ្នំពេញ ៖ ប្តីប្រពន្ធដឹកត្រីគ្រប់ប្រភេទតាមម៉ូតូសណ្តោងរ៉ឺម៉ក ក្នុងគោលបំណងយកទៅលក់នៅផ្សារច្បារអំពៅ ត្រូវរថយន្ត
រាជធានីភ្នំពេញ ៖ ប្តីប្រពន្ធដឹកត្រីគ្រប់ប្រភេទតាមម៉ូតូសណ្តោងរ៉ឺម៉កចេញពីផ្សារព្រែកព្នៅ ក្នុងគោលបំណងយកទៅលក់នៅផ្សារច្បារអំពៅ ត្រូវរថយន្តមិនចាំម៉ាកមួយគ្រឿងកៀរ បណ្តាលឲ្យធ្លា.ក់ប្រពន្ធពីលើរឺម៉កដួលបែកក្បាលស្លា.ប់ ចំណែកប្តីរងរបួសស្រាល ។ រីឯរថយន្តបានបើកគេចបាត់ ។
ហេតុការណ៍ខាងលើនេះ បានកើតឡើងកាលពីវេលាម៉ោង៤និង៣០នាទីទៀបភ្លឺថ្ងៃទី២៤ ខែធ្នូ ឆ្នាំ២០២១ តាមបណ្តោយផ្លូវ៥៩៨ កែងផ្លូវជាតិលេខ៥ ស្ថិតក្នុងសង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ ។
ស្ត្រីរងគ្រោះឈ្មោះ ស្រី ចិន អាយុ២៧ឆ្នាំ ស្នាក់នៅភូមិព្រៃល្វា ខណ្ឌព្រែកព្នៅ រាជធានីភ្នំពេញ ចំណែកបុរសជាប្តីមិនស្គាល់ឈ្មោះនោះទេ ។
តាមប្រភពពីជនរងគ្រោះជាប្តីបានប្រាប់ឱ្យដឹងថា មុនពេលកើតហេតុ គាត់ និងប្រពន្ធ បានដឹកត្រីតាមម៉ូតូសណ្តោងរឺម៉កចេញពីផ្សារព្រែកព្នៅ ក្នុងគោលបំណងយកទៅលក់នៅផ្សារច្បារអំពៅ ខណៈគាត់ធ្វើដំណើរតាមបណ្ដោយផ្លូវជាតិលេខ៥ ក្នុងទិសដៅពីជើងទៅត្បូង មកដល់កន្លែងកើតហេតុ ក៏បត់ស្តាំចូលផ្លូវ៥៩៨ ។ ភ្លាមៗនោះ ក៏វ៉ាក់អើគ្នាជាមួយនឹងរថយន្តដឹកទំនិញមួយគ្រឿងមិនចាំម៉ាក ដែលធ្វើដំណើរចេញពីផ្លូវ៥៩៨ បញ្ច្រាសទិសដៅគ្នាមកដល់ គាត់ក៏ប្រឹងងាកចង្កូតគេចអែបមកខាងឆ្វេងដៃដែរ តែមិនផុត ក៏ត្រូវរថយន្តនោះកៀរយ៉ាងពេញទំហឹង បណ្តាលឲ្យម៉ូតូសណ្តោងរឺម៉កខ្ទាតទៅអែបកៀន ធ្លា.ក់ប្រពន្ធពីលើរឺម៉កដួលបែ.កក្បាលស្លា.ប់ភ្លាមៗ ចំណែកគាត់ជាអ្នកបើកម៉ូតូរឺម៉ករងរបួសស្រាល ។ ដោយឡែកម៉ូតូសណ្តោងរឺម៉ករងការខូចខាតមួយកំណាត់មុខ បន្ទាប់ពីបង្កហេតុ រថយន្ដបង្កមិនឈប់ទទួលខុសត្រូវនោះទេ ក៏បានបន្ថែមល្បឿនបើកគេចតាមផ្លូវជាតិលេខ៥ សំដៅទៅខណ្ឌព្រែកព្នៅបាត់ស្រមោល ។
ក្រោយកើតហេតុ ស.ពស្ត្រីរងគ្រោះត្រូវសមត្ថកិច្ចធ្វើឯកសារបញ្ជាក់ និងប្រគល់អោយសាច់ញាតិចាត់ចែងយកទៅធ្វើបុណ្យតាមប្រពៃណី ។ ចំណែកជាប្តីបានដាក់ពាក្យបណ្ដឹងទៅសមត្ថកិច្ចជំនាញ និងប្រគល់រឺម៉កម៉ូតូអោយសមត្ថកិច្ចយកទៅរក្សាទុកបណ្តោះអាសន្ននៅការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយនៅពេលក្រោយ ៕
ចែករំលែកព័តមាននេះ