ស្ត្រីម្នាក់ឈរយំកណ្តាលស្ពានជ្រោយចង្វារ ក្រោយកូនប្រុសទូរស័ព្ទប្រាប់រឿងស្លុតចិត្ត
- ភ្នំពេញ
ស្ត្រីចំណាស់ម្នាក់បានមកឈរយំនៅកណ្តាលស្ពានជ្រោយចង្វារ ក្រោយទទួលទូរស័ព្ទពីកូនប្រុសថា «ពិបាកចិត្ត ចង់
ស្ត្រីចំណាស់ម្នាក់បានមកឈរយំនៅកណ្តាលស្ពានជ្រោយចង្វារ ក្រោយទទួលទូរស័ព្ទពីកូនប្រុសថា «ពិបាកចិត្ត ចង់
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ស្ត្រីចំណាស់ម្នាក់បានមកឈរយំនៅកណ្តាលស្ពានជ្រោយចង្វារ ក្រោយទទួលទូរស័ព្ទពីកូនប្រុសថា «ពិបាកចិត្ត ចង់លោ.តទឹក សម្លា.ប់ខ្លួន»។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១២រំលងអធ្រាត្រ ឈានចូលថ្ងៃទី១៩ ខែធ្នូ ឆ្នាំ២០២១ ស្ថិតនៅលើស្ពានជ្រោយចង្វារចាស់ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
យោងតាមការរៀបរាប់ពីស្ត្រីចំណាស់ខាងលើ បានឲ្យដឹងថា នៅមុនពេលកើតហេតុ រូបគាត់បានលើកទូរស័ព្ទរបស់កូនប្រុសដែលមានឈ្មោះ វីរ: អាយុ២២ឆ្នាំ ហើយមុនម៉ោង១២យប់ កូនប្រុស វីរ: ប្រាប់ម្តាយថា «ខ្លួនពិបាកចិត្តបានឡើងមកស្ពានជ្រោយចង្វារ ចង់លោ.តទឹកសម្លា.ប់ខ្លួន» ក្រោយនិយាយរួច កូនប្រុសក៏បិទទូរស័ព្ទបាត់ទៅ។
ស្ត្រីជាម្តាយបានប្រាប់បន្តថា ក្រោយពីបិទទូរស័ព្ទ គាត់បានព្យាយាមទាក់ទងម្តងហើយម្តងទៀត តែកូនមិនព្រមលើកទូរស័ព្ទសោះ ភ្លាមៗនោះរូបគាត់ (ស្ត្រីជាម្តាយ) បានឡើងមកលើស្ពានជ្រោយចង្វារ ស្រាប់តែប្រទះឃើញអាវក្រៅពណ៌ខ្មៅ និងស្បែកជើងមួយគូនៅក្បែរបង្កាន់ដៃស្ពាន ដោយឃើញដូចនោះ គាត់ក៏យំមិនឈប់តែម្តង។
ក្រោយពេលកើតហេតុ ដោយសារតែមិនអស់ចិត្ត ក្រុមគ្រួសាររបស់ជនរងគ្រោះ ឈ្មោះ វីរ: បានធ្វើការទាក់ទងខលទៅទូរស័ព្ទរហូត ទីបំផុតបុរសខាងលើក៏បានលើកទូរស័ព្ទ ដោយប្រាប់ថា «មិនទាន់បានលោ.តទឹកទេ ហើយសម្លៀកបំពាក់ខាងលើ ក៏មិនមែនជាសម្លៀកបំពាក់របស់ខ្លួនដែរ»។
គួរបញ្ជាក់ផងដែរថា សម្លៀកបំពាក់ដែលនៅលើស្ពាន មិនមែនជាសម្លៀកបំពាក់របស់បុរសដែលមានឈ្មោះវីរ:នោះទេ ផ្ទុយទៅវិញនេះជាសម្លៀកបំពាក់របស់បុរសម្នាក់ទៀត ដែលត្រូវបានគេប្រទះឃើញលោ.តទឹក ស្របពេលដំណាលគ្នា ទើបធ្វើឲ្យស្ត្រីចំណាស់ខាងលើ មានការភាន់ច្រឡំ និងភ័យខ្លាចមិនឈប់ ព្រោះតែខ្លាចបាត់បង់កូនប្រុសរបស់គាត់។
បច្ចុប្បន្ន ស្ត្រីចំណាស់ខាងលើ និងក្រុមគ្រួសារបានឡើងជិះម៉ូតូកង់បីឥណ្ឌាត្រឡប់ទៅកាន់គេហដ្ឋានវិញ បន្ទាប់ពីដឹងថា កូនប្រុសរបស់គាត់មិនបានលោ.តទឹកសម្លា.ប់ខ្លួននោះ។ ពីព្រោះពេលនោះ មានបុរសម្នាក់ទៀតដែលបានមកលោ.តទឹក និងបាត់ដំណឹងសូន្យឈឹង សល់ត្រឹមតែអាវក្រៅពណ៌ខ្មៅ និងស្បែកជើងមួយគូតែប៉ុណ្ណោះ នៅលើស្ពានជ្រោយចង្វារចាស់ បើសិនជាក្រុមគ្រួសារណាគាត់បានបាត់សមាជិកអី ប្រហែលជាគាត់មកលោ.តទឹកនៅស្ពានជ្រោយចង្វារនេះហើយ៕
ចែករំលែកព័តមាននេះ