មានករណីអគ្គិភ័យមួយកើតឡើង ដែលបង្កឡើងដោយបុរសម្នាក់ ផឹកស្រាស្រវឹង ក៏ស្រាប់តែកើតចិត្តដុតផ្ទះខ្លួនឯង បណ្តាលឱ្យអណ្តាតភ្លើងឆាបឆេះខ្ទេចរាបដល់ដីតែម្តង
ខេត្តក្រចេះ ៖ មានករណីអគ្គិភ័យមួយកើតឡើង ដែលបង្កឡើងដោយបុរសម្នាក់ ផឹកស្រាស្រវឹង ក៏ស្រាប់តែកើតចិត្តដុតផ្ទះខ្លួនឯង បណ្តាលឱ្យអណ្តាតភ្លើងឆាបឆេះខ្ទេចរាបដល់ដីតែម្តង បង្កឱ្យមានការភ្ញាក់ផ្អើលកាលពីល្ងាច ថ្ងៃទី១៤ ខែឆ្នូ ឆ្នាំ២០២១ នៅចំណុចភូមិតាសោម ឃុំស្វាយជ្រះ ស្រុកស្នួល ខេត្តក្រចេះ ។
តាមប្រភពពីប្រជាពលរដ្ឋឲ្យដឹងថា មុនពេលកើតហេតុ បុរសម្នាក់មានឈ្មោះឡន ម៉ៅ ភេទប្រុស អាយុ៣៥ឆ្នាំ មានទីលំនៅក្នុងភូមិ-ឃុំកើតខាងលើ បានផឹកស្រារហូតដល់ស្រវឹងខ្លាំង ហើយក៏បានដុតផ្ទះខ្លួនឯងតែម្តង ។
បើតាមសមត្ថកិច្ចបានបញ្ជាក់ថា ចំពោះសម្ភារៈដែលរងការខូចខាតមាន ៖ ផ្ទះរងការខូចខាតទាំងស្រុងចំនួន០១ខ្នង ដែលសាងសង់អំពីឈើប្រក់សង្ក័សី មានទំហំ៦ម៉ែត្រ×៨ម៉ែត្រ, ម៉ូតូម៉ាកឆ្លាមចំនួន១គ្រឿង ពណ៌ខ្មៅ និងសម្ភារៈផ្សេងៗមួយចំនួនដូចជា ស្រូវអង្ករ សម្លៀកបំពាក់ ដែលសរុបជាទឹកប្រាក់អស់ប្រមាណជាង ២៥០០ដុល្លារ។
សូមបញ្ជាក់ផងដែរថា ហេតុការណ៍អគ្គិភ័យខាងលើនេះ មិនបណ្តាលមានមនុស្សរងគ្រោះនោះឡើយ។ ហើយចំពោះជនបង្កដែលជាអ្នកដុតបំផ្លាញផ្ទះសម្បែងវិញ គឺត្រូវបានឪពុកម្តាយបង្កើត និងប្រពន្ធសុំមិនប្តឹងប្តល់នោះទេ គ្រាន់តែសំណូមពរអោយនគរបាលធ្វើការអប់រំណែនាំ និងធ្វើកិច្ចសន្យាទៅថ្ងៃក្រោយកុំអោយធ្វើអញ្ចឹងទៀត។
ចែករំលែកព័តមាននេះ