កុងទីន័របើកលឿនជ្រុលឆ្លងផ្លូវម្ខាងទៀតពន្លះម៉ូតូស្លា.ប់និងរបួសធ្ងន់២នាក់
- ភ្នំពេញ
រាជធានីភ្នំពេញ ៖ បុរសម្នាក់បើករថយន្តកុងទីន័រមួយគ្រឿងបោះពួយយ៉ាងលឿន សង្ស័យអ្នកបើកបរងងុយដេកងោកមួយភាំង
រាជធានីភ្នំពេញ ៖ បុរសម្នាក់បើករថយន្តកុងទីន័រមួយគ្រឿងបោះពួយយ៉ាងលឿន សង្ស័យអ្នកបើកបរងងុយដេកងោកមួយភាំង
រាជធានីភ្នំពេញ ៖ បុរសម្នាក់បើករថយន្តកុងទីន័រមួយគ្រឿងបោះពួយយ៉ាងលឿន សង្ស័យអ្នកបើកបរងងុយដេកងោកមួយភាំង ក៏ជ្រុលទៅបុ.កឡើងខឿនសួនច្បារពុះចែកទ្រូងផ្លូវ ឆ្លងចូលផ្លូវម្ខាងទៀតបុ.កម៉ូតូមួយគ្រឿងដែលធ្វើដំណើរបញ្ច្រាសទិសគ្នា បណ្តាលឲ្យបុរសម្នាក់បែ.កក្បាលធ្លា.យខួរស្លា.ប់ភ្លាមៗ និងម្នាក់ទៀតរងរបួសធ្ងន់ ។
ហេតុការណ៍ខាងលើនេះបានកើតឡើងកាលពីវេលាម៉ោង១២និង២០រំលងអាធ្រាត្រឈានចូលថ្ងៃទី១៤ ខែធ្នូ ឆ្នាំ២០២១ ត្រង់ចំណុចខាងលិចវត្តនិរោធរង្សីប្រមាណ៥០០ម៉ែត្រ តាមបណ្ដោយផ្លូវជាតិលេខ1 សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
ជនរងគ្រោះដែលបាត់បង់ជីវិតឈ្មោះ ហ៊ុន វាសនា ភេទប្រុស អាយុ២៧ឆ្នាំ ស្នាក់នៅសង្កាត់ព្រែកឬស្សី ក្រុងតាខ្មៅ ខេត្តកណ្ដាល ចំណែកម្នាក់ទៀតរងរបួសធ្ងន់មិនស្គាល់អត្តសញ្ញាណនោះទេ ។ ជនរងគ្រោះទាំង២នាក់ជិះម៉ូតូមួយគ្រឿងម៉ាកអ៊ិចសង់ទ័រ ពណ៌ក្រហមលាយស ពាក់ស្លាកលេខ ភ្នំពេញ 1GQ-6422 ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរសមិនស្គាល់អត្តសញ្ញាណម្នាក់បើកបររថយន្តសណ្តោងមួយគ្រឿងម៉ាក FUSO ពណ៌បៃតង ពាក់ស្លាកលេខ ភ្នំពេញ3A-0771 ធ្វើដំណើរតាមបណ្តោយផ្លូវជាតិលេខ១ ទិសដៅពីលិចទៅកើត និងក្នុងល្បឿនយ៉ាងលឿន។ លុះដល់ចំណុចកើតហេតុ សង្ស័យអ្នកបើកបររថយន្តងោកមួយភាំងក៏ជ្រុលចង្កូតទៅបុកឡើងខឿនសួនច្បារពុះចែកទ្រូងផ្លូវ រួចក៏ឆ្លងចូលទៅផ្លូវម្ខាងទៀតបន្តទៅបុ.កចំពីមុខម៉ូតូមួយគ្រឿងជិះគ្នា២នាក់ ក្នុងទិសដៅបញ្ច្រាសទិសគ្នា បណ្តាលឲ្យបុរសម្នាក់បែ.កក្បាលធ្លា.យខួរស្លា.ប់ភ្លាមៗយ៉ាងអាណោចអាធ័ម ចំណែកឯម្នាក់ទៀតបានរងរបួសធ្ងន់ ត្រូវបានរថយន្តរបស់គ្លីនិកឯកជនមកដឹកយកទៅសង្គ្រោះភ្លាមៗ។ រីឯអ្នកបើកបររថយន្តបង្កបំរុងគេចខ្លួនចេញពីកន្លែងកើតហេតុដែរ តែត្រូវសមត្ថកិច្ចមូលដ្ឋានធ្វើការឃាត់ខ្លួនភ្លាមផងដែរ។
ក្រោយពេលកើតហេតុ សមត្ថកិច្ចជំនាញក៏បានចុះមកធ្វើការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយទៅតាមផ្លូវច្បាប់នៅពេលក្រោយជាបន្តទៀត។ ដោយឡែកស.ពជនរងគ្រោះម្នាក់ ត្រូវបានសមត្ថកិច្ចប្រគល់ទៅឲ្យក្រុមគ្រួសារដឹកយកទៅធ្វើបុណ្យទៅតាមប្រពៃណីនៅឯខេត្តកណ្ដាល ៕
ចែករំលែកព័តមាននេះ