ជិះម៉ូតូអត់ពាក់មួកសុវត្ថិភាពនិងគ្មានកញ្ចក់ លុះនគរបាលឃាត់សួរនាំ បែកធ្លាយករណីមួយ
- ភ្នំពេញ
រាជធានីភ្នំពេញ ៖ ជនសង្ស័យ២នាក់បានធ្វើសកម្មភាពលួចម៉ូតូ១គ្រឿងបានសម្រេចរួចនាំគ្នាជិះគេចខ្លួន ប៉ុន្តែពេលទៅដល់
រាជធានីភ្នំពេញ ៖ ជនសង្ស័យ២នាក់បានធ្វើសកម្មភាពលួចម៉ូតូ១គ្រឿងបានសម្រេចរួចនាំគ្នាជិះគេចខ្លួន ប៉ុន្តែពេលទៅដល់
រាជធានីភ្នំពេញ ៖ ជនសង្ស័យ២នាក់បានធ្វើសកម្មភាពលួចម៉ូតូ១គ្រឿងបានសម្រេចរួចនាំគ្នាជិះគេចខ្លួន ប៉ុន្តែពេលទៅដល់គោលដៅត្រួតពិនិត្យច្បាប់ចរាចរណ៍ផ្លូវគោកមួយកន្លែងដោយសារតែម៉ូតូនេះអត់មានកញ្ចក់មើលក្រោយ ចំណែកជនសង្ស័យខាងលើអត់ពាក់មួកសុវត្ថិភាពផងនោះ នគរបាលក៏បានឃាត់សួរនាំ ទើបដឹងថាជាចោរ ទើបនឹងលួចម៉ូតូបានថ្មីៗក៏ឃាត់ខ្លួនតែម្ដង។
ការឃាត់ខ្លួននោះបានធ្វើឡើងកាលពីវេលាព្រឹកថ្ងៃទី១៣ ខែធ្នូ ឆ្នាំ២០២១ នៅតាមផ្លូវវ៉េងស្រេង ត្រង់ចំណុចមុខសួនវឌ្ឍនៈ២ ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទាំង២នាក់ខាងលើ ក្នុងនោះម្នាក់ឈ្មោះ ចាន់ តូច អាយុ១៩ឆ្នាំ ស្រុកកំណើតនៅភូមិព្រឹក្សាទី១ ឃុំស្មោងខាងត្បូង ស្រុងកំចាយមារ ខេត្តព្រៃវែង និងម្នាក់ទៀតឈ្មោះ ឡៅ ឆាយ អាយុ២០ឆ្នាំ មានស្រុកកំណើតភូមិស្រីប្រសើរ ឃុំស្លា ស្រុកសំរោង ខេត្តតាកែវ ។ ជនសង្ស័យទាំង២នាក់នេះបានធ្វើសកម្មភាពលួចម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៍ខ្មៅ ពាក់ស្លាកលេខ កណ្ដាល 1I-0480 ហើយពុំទាន់ត្រូវបានស្គាល់ម្ចាស់នៅឡើយ។
តាមប្រភពពីមន្ត្រីនគរបាលមួយរូបបានប្រាប់ថា នៅមុនពេលឃាត់ខ្លួន កម្លាំងនគរបាលដែលកំពុងអនុវត្តន៍ការត្រួតពិនិត្យច្បាប់ចរាចរណ៍ផ្លូវគោកនៅតាមផ្លូវវ៉េងស្រេង ត្រង់ចំណុចមុខសួនវឌ្ឍនៈ២ ក៏បានឃើញជនសង្ស័យទាំង២នាក់នោះជិះម៉ូតូឌុបគ្នាទៅដល់ ខណៈនោះដោយសារតែអត់ពាក់មួកសុវត្ថិភាពផង ហើយម៉ូតូអត់មានកញ្ចក់មើលក្រោយផងនោះ កម្លាំងនគរបាលក៏បានឃាត់សួររកឯកសារ ប៉ុន្តែអត់មានអត់មានទាំងអស់។
តាមប្រភពដដែលបានបន្តទៀតថា ដោយមានការសង្ស័យកម្លាំងបានធ្វើការជជីកសួរនាំរហូតធ្លាយរឿងដឹងថាម៉ូតូនោះទើបនិងលួចបានថ្មីៗ ហើយពេលធ្វើការឆែកឆេរបានរកឃើញឧបករណ៍សម្រាប់កាច់សោ កម៉ូតូ និងគាស់សោផ្ទះ១កំប្លេរផងដែរ ។ ខណៈនោះជនសង្ស័យបានសារភាពថា ពួកខ្លួនចេញធ្វើសកម្មភាពលួចហើយប្រទះឃើញម៉ូតូនោះនៅក្នុងសួនឧស្សាហ៍កម្មកាណាឌីយ៉ាដោយម្ចាស់អត់ដកសោចេញទើបលួចយក ។ បន្ទាប់មកបាននាំគ្នាជិះគេចខ្លួនដើម្បីយកទៅលក់ តែសំណាងអាក្រក់អត់ពាក់មួកសុវត្ថិភាព ហើយម៉ូតូអត់មានកញ្ចក់ក៏ត្រូវនគរបាលឃាត់ខ្លួនបែបនេះតែម្ដង ៕
ចែករំលែកព័តមាននេះ